Mirzapur वेबसीरीजचा सेंकड सीझन रिलीज झाला असून सगळीकडे मिर्झापूरच्या चर्चा रंगल्या आहेत. या सीझनमध्ये जर प्रेक्षकांना सर्वात मोठा धक्का जर कोणत्या पात्राने दिला असेल तर ते 'बिना'. पहिल्या सीझनपेक्षा या सीझनमध्ये बिनाच्या भूमिकेने सर्वांना आपली दखल घ्यायला भाग पाडलं आहे. मिर्झापूरमध्ये 'बिना'ची भूमिका साकारणाऱ्या रसिका दुग्गलने आपल्या अभिनयाने ही भूमिका रंगलवली आहे. जाणून घेऊया रसिका दुग्गलच्या अशाच काही इतर भूमिकांबाबत...
1. नीति सिंह (Delhi Crime)
निर्भया गँगरेप केस प्रकरणावर आधारित 'दिल्ली क्राइम'मध्ये रसिका दुग्गलने एक छोटी पण सर्वांच्या लक्षात राहिलं अशी भूमिका साकारली होती. रसिकाने या वेब सीरीजमध्ये ट्रेनी पोलीस ऑफिसर नीति सिंहची भूमिका साकारली होती. जी स्वतःच्या कामाच्या प्रती अत्यंत इमानदार आहे.
2. लता (Lootcase)
कॉमेडी चित्रपट 'लूटकेस'मध्ये रसिका दुग्गलने कुणाल खेमूच्या पत्नीची भूमिका साकारली होती. या चित्रपटातील रसिकाच्या अभिनयाचं चाहत्यांकडून कौतुक करण्यात आलं. लुटकेसमध्ये तिची भूमिका एका अशा हाऊस वाइफची आहे. जी पूर्णपणे आपल्या कुटुंबियांसाठी झटणारी आहे.
3. साफिया (Manto)
मंटोच्या या बायोपिकमध्ये रसिकाने 'मंटो' चित्रपटात नवाजुद्दीन सिद्दीकीच्या पत्नीची म्हणजेच, 'साफिया' ही भूमिका साकारली होती. रसिकाने 'साफिया'ची भूमिका एवढी तंतोतंत निभावली आहे की, एका क्षणासाठी आपल्याला ती खरीखुरी साफिया वाटू लागते.
4. नूतन (Made in Heaven)
बहुचर्चित वेब सीरीज 'मेड इन हेवन'मध्ये रसिकाने एका छोटी पण आपला ठसा उमटवणारी भूमिका साकारली होती. रसिका यामध्ये एका राजकारण्याची मुलगी 'नूतन' बनली होती. जिच्यावर कुटुंबियांच्या ओळखीने लग्न करण्याचा तगादा लावण्यात आलेला असतो.
5. बिना त्रिपाठी (Mirzapur)
मिर्झापूरमधील कालिन भैय्याची बायको बिना त्रिपाठी. ही रसिकाने साकारलेली आतापर्यंतची सर्वात गाजलेली भूमिका. वेब सीरिजमध्ये दाखवण्यात आलं आहे की, कसे कालिन भैय्याचे वडील बिनाचं शोषण करतात. संपूर्ण सीझनमध्ये रसिकाने साकारलेलं पात्र प्रेक्षकांना फारच आवडलं आहे.
महत्त्वाच्या इतर बातम्या :