Miranda Warning Marathi Movie: 'एक चेहरा… एक नजर… आणि हजार प्रश्न'; जान्हवी किल्लेकरचा आगामी सिनेमातला लूक व्हायरल, आदिनाथ कोठारेसोबत मुख्य भूमिकेत
Miranda Warning Marathi Movie: सतनाम फिल्म्स स्टुडिओ आणि ओपन गेट मुव्हीज मार्फत 'मिरांडा वॉर्निंग' या सिनेमाची निर्मिती करण्यात आली आहे. सचिन धोत्रे यांनी सिनेमाची निर्मिती आणि दिग्दर्शन केलं आहे.
Miranda Warning Marathi Movie: टेलिव्हिजन सीरिअल्स (TV Serials), सिनेमांमधील (Movie) अभिनयाद्वारे घराघरांत पोहोचलेली अभिनेत्री जान्हवी किल्लेकर आता मिरांडा वॉर्निंग सिनेमात दिसणार आहे. अत्यंत रंजक भूमिकेतून जान्हवी प्रेक्षकांसमोर येणार असून, 27 नोव्हेंबर रोजी हा सिनेमा रिलीज होणार आहे.
सतनाम फिल्म्स स्टुडिओ आणि ओपन गेट मुव्हीज मार्फत 'मिरांडा वॉर्निंग' या सिनेमाची निर्मिती करण्यात आली आहे. सचिन धोत्रे यांनी सिनेमाची निर्मिती आणि दिग्दर्शन केलं आहे, तर अल्ट्रा मीडिया एंटरटेनमेंटच्या सुशीलकुमार अग्रवाल आणि सुकल्प चित्रच्या कल्पक जोशी यांनी या चित्रपटाची प्रस्तुती केली आहे. सचिन धोत्रे यांनी चित्रपटाची निर्मिती आणि दिग्दर्शन केलं आहे. त्यांनी या पूर्वी 2023 मध्ये 'गेट-टुगेदर' या सिनेमाचं दिग्दर्शन केलं होतं. त्यानंतर 'मिरांडा वॉर्निंग' या सिनेमातून त्यांनी वेगळा प्रयोग केला आहे. रवींद्र मठाधिकारी, सायली मठाधिकारी यांनी सिनेमाचं लेखन केलं आहे.
हेरिटेजवाडी नावाच्या फार्महाऊसवर एक खूनाची घटना उघडकीस येते आणि त्यानंतर एक थरारक शोध सुरू होतो, या शोधात काय काय घडतं याची रंजक गोष्ट 'मिरांडा वॉर्निंग' सिनेमात पहायला मिळणार आहे. या सिनेमात आदिनाथ कोठारे एका रफटफ पोलीस अधिकाऱ्याच्या भूमिकेत आहे. मराठी सिनेसृष्टीत सस्पेन्स, थ्रिलर प्रकारातील सिनेमे यापूर्वी झाले आहेत. आता 'मिरांडा हाऊस' सिनेमातून उत्कृष्ट कथानक, कसलेले कलाकार असलेली तांत्रिकदृष्ट्या सक्षम कलाकृती पहायला मिळणार आहे.
'भाग्य दिले तू मला'सारखा टीव्ही मालिका, 'सायको रंगा'सारख्या सिनेमातून जान्हवीनं तिच्यातील अभिनेत्रीचं दर्शन घडवलं आहे. 'बिग बॉस' या रिअॅलिटी शोमधून तिची लोकप्रियता आणखी वाढली. आता जान्हवी पुन्हा एकदा सक्षम अभिनेत्री म्हणून 'मिरांडा हाऊस' या सिनेमाद्वारे प्रेक्षकांसमोर येत आहे. सस्पेन्स थ्रिलर सिनेमात तिच्यासारख्या अभिनेत्रीचं असणं उत्सुकता वाढवणारं आहे. तिची भूमिका नेमकी काय आहे? या बद्दलही उत्सुकता वाढत आहे. त्यामुळे 'मिरांडा हाऊस' सिनेमाविषयीची सर्व उत्तरं मिळवण्यासाठी 27 नोव्हेंबरपर्यंत वाट पहावी लागणार आहे.
महत्त्वाच्या इतर बातम्या :
महत्त्वाच्या बातम्या
