Michael Movie Worldwide Collection, Jaafar Jackson: 'धुरंधर 2' विसरा, फक्त 5 दिवसांतच 2000 कोटी कमावणारी जगातील सर्वात मोठी बायोपिक पाहा; काकाचं पात्र साकारून पुतण्यानं केलीय कमाल
Michael Movie Worldwide Collection, Jaafar Jackson: जगातील पॉप संगीताचा बादशाह अशी ओळख असलेल्या मायकल जॅक्सन (Michael Jackson) याच्या आयुष्यावर आधारित असलेल्या बायोपिकनं जगभरात धुमाकूळ घातला आहे.
Michael Movie Worldwide Collection, Jaafar Jackson: फक्त आणि फक्त 5 दिवसांत 2 हजार कोटींचा टप्पा ओलांडून नुकत्याच रिलीज झालेल्या सिनेमानं बॉक्स ऑफिस (Box Office Collection) पुरतं हादरवून सोडलं आहे. आतापर्यंत बॉक्स ऑफिस (Box Office) स्वतःच्या ताब्यात ठेवलेल्या आदित्य धर दिग्दर्शित 'धुरंधर 2' (Dhurandhar The Revenge) सिनेमानं रिलीज झाल्यापासून दीड महिन्यांच्या कालावधीत 1 हजार 800 कोटींची कमाई केलेली. 'धुरंधर 2'च्या अफाट कमाईपुढे इतर कोणत्याही सिनेमाचा निभाव लागणार नाही, असंच दिसत होतं. पण, नुकत्याच आलेल्या या बायोपिकनं 'धुरंधर 2'ला पछाडलं असून धमाकेदार कमाई करुन बॉक्स ऑफिसचा ताबा स्वतःकडे घेतला आहे. जगातील सर्वात मोठी बायोपिक असलेल्या या सिनेमावर सर्वांच्याच नजरा खिळल्या आहेत. महत्त्वाचं म्हणजे, या सिनेमात आपल्या काकाची भूमिका पुतण्यानं साकारली आहे.
आम्ही ज्या जगातल्या सर्वात मोठ्या बायोपिकबाबत बोलत आहोत, तिचं नाव आहे, 'Michael'. जगातील पॉप संगीताचा बादशाह अशी ओळख असलेल्या मायकल जॅक्सन (Michael Jackson) याच्या आयुष्यावर आधारित आहे. या सिनेमात मायकल जॅक्सनच्या लहानपणापासून ते अगदी तो पॉपस्टार होण्यापर्यंतचा प्रवास दाखवण्यता आलाय. त्यांच्या संगीत कारकिर्दीतील महत्त्वाचे टप्पे, वादग्रस्त प्रसंग आणि वैयक्तिक आयुष्यातील चढ-उतार यांचा सविस्तर आढावा या सिनेमातून घेण्यात आला आहे.
पुतण्यानं साकारलंय काकाचं पात्र (Jaafar Jackson Play Michael Jackson Role)
'Michael' सिनेमात मायकल जॅक्सनचं पात्र त्याच्याच पुतण्यानं साकारलंय. महत्त्वाची गोष्ट म्हणजे, मायकल जॅक्सनचा पुतण्या Jaafar Jackson यानं आपल्या काकाची भूमिका एवढ्या प्रभावीपणे साकारली आहे की, सर्वांना त्याच्याच मायकल दिसतोय. ज्यामुळे या प्रोजेक्टनं प्रेक्षकांचं विशेष लक्ष वेधलंय. या सिनेमाचं दिग्दर्शन Antoine Fuqua यांनी केलं असून निर्मिती Graham King यांनी केली आहे.
चित्रपट समीक्षकांकडून 'Michael' सिनेमाला संमिश्र प्रतिक्रिया मिळाल्या असूनही, हा बायोपिक प्रेक्षकांच्या मनाचा ठाव घेत आहे. ही बाब चित्रपटाच्या बॉक्स ऑफिस कमाईवरून स्पष्टपणे दिसून येते. या चित्रपटानं केवळ आंतरराष्ट्रीय बाजारपेठांमध्येच मोठी कमाई केली नाही, तर भारतीय चित्रपटगृहांमध्येही तो सध्या धुमाकूळ घालतोय.
'ओपनहायमर' सिनेमाला टाकलं मागे (Michael vs Oppenheimer)
ख्रिस्तोफर नोलन याच्या 'ओपनहायमर' सिनेमावर मायकल जॅक्सनचा बायोपिक 'माइकल' भारी पडलाय. या फिल्मनं ब्लॉकबस्टर बायोपिक 'ओपनहायमर' आणि 'बोहीमियन रॅप्सडी' (Bohemian Rhapsody) चा रेकॉर्ड मोडलाय.
जगभरात 'मायकल' सिनेमाचीच चर्चा (Michael Box Office Collection)
आंतरराष्ट्रीय बाजारपेठांमध्ये, ज्यामध्ये युकेचाही समावेश आहे, 22 एप्रिल रोजी आणि भारतीय चित्रपटगृहांमध्ये 24 एप्रिल रोजी प्रदर्शित झालेल्या 'मायकल' (Michael) सिनेमानं, प्रदर्शनाच्या पहिल्याच आठवड्यात (Opening Weekend) सर्वाधिक कमाई करण्याचा विक्रम रचत इतिहास घडवला आहे. 'द गार्डियन' (The Guardian) च्या माहितीनुसार, या सिनेमानं जगभरात 217 दशलक्ष डॉलर्सची (2,000 कोटींहून अधिक) कमाई केली आहे.
महत्त्वाच्या इतर बातम्या :
Before You Go
Anandache Paan : 'खोचक रेषा' या पुस्तकाच्या निमित्ताने लेखक अभिमन्यू कुलकर्णी यांच्यासोबत गप्पा
महत्त्वाच्या बातम्या
