Pankaj Bhadouria: भारताच्या प्रसिद्ध शेफला स्तनाचा कर्करोग, हॉस्पिटलमधील फोटो व्हायरल, चाहत्यांना केलं आवाहन
Pankaj Bhadouria Shares Emotional Health Update: प्रसिद्ध शेफ पंकज भदौरिया यांना स्तनाचे कर्करोग झाल्याचे निदान झाले आहे.
Pankaj Bhadouria Diagnosed With Breast Cancer: मास्टर शेफ सीझन 1ची (Pankaj Bhadouria) विजेता पंकज भदौरिया (MasterChef) यांच्यासंबंधित एक मोठी आणि धक्कादायक बातमी समोर येत आहे. पंकज भदौरिया (Social Media Post) यांना स्तनाच्या कर्करोगाचे निदान झालं आहे. त्यांनी या संबंधित सोशल मीडियात एक पोस्ट शेअर केली आहे. या पोस्टमध्ये त्यांनी चाहत्यांसोबत ही माहिती शेअर केली. यावेळी आपल्या चाहत्यांना महत्त्वाची माहिती देत आवाहन केलं आहे.
पंकज भदौरियांना झाला स्तनाचे कर्करोग (MasterChef Pankaj Bhadouria diagnosed with breast cancer)
28 मे रोजी पंकज भदौरिया यांनी इन्स्टाग्रामवर एक शॉकिंग पोस्ट शेअर केली आहे. शेअर केलेल्या फोटोमध्ये पंकज या बेडवर रेस्ट करत असल्याचं दिसून येत आहे. त्यांच्या चेहऱ्यावर एक लहान स्माईल दिसत आहे. त्यांनी आपल्या पोस्टमध्ये ब्रेस्ट कॅन्सरचं निदान झाले असल्याचं सांगितलं. 'मला ब्रेस्ट कॅन्सर आहे. मला तुमच्या प्रार्थना आणि पाठिंब्याची गरज आहे', असं त्यांनी आपल्या पोस्टमध्ये म्हटलं आहे. दरम्यान, पंकज भदौरिया नेमकं कॅन्सरच्या कोणत्या स्टेजवर आहेत? हे अद्याप कळू शकलेली नाही.
पंकज भदौरिया यांची पोस्ट सध्या सोशल मीडियात व्हायरल होत आहे. पोस्टवर नेटकऱ्यांनी त्यांना पाठिंबा दिला आहे. तसेच धीर देत त्यांच्या उत्तम तब्येतीसाठी प्रार्थना केली आहे. पंकज भदौरिया या सोशल मीडियात सक्रीय असतात. मुख्य म्हणजे त्या दर वर्षी बॉडी चेकअप करतात. 17 मे रोजी त्यांनी एक पोस्ट शेअर केली होती. या पोस्टमध्ये त्यांनी, हेल्थ चेकअपसाठी जात असल्याचं सांगितलं. त्यांनी आपल्या पोस्टमध्ये जनतेला आवाहनही केलं होतं. 'माझ्या मते, जर तुमचे वय 45 वर्षांपेक्षा जास्त असेल तर, तुम्ही दरवर्षी आरोग्य तपासणी करुन घेतली पाहिजे', असं त्यांनी म्हटलं होतं.
View this post on Instagram
पंकज भदौरियांनी आपल्या पोस्टमध्ये म्हटलं होतं की, 'रेगुलर हेल्थ चेकअपमुळे आजार लवकर ओळखायला मदत मिळते. आजार वाढण्यापूर्वी, त्यावर उपचार करता येतात. यामुळे मानसिक शांतीही मिळते. लक्षणांची वाट पाहू नका. भविष्यात या टीपसाठी तुम्ही माझे आभार मानाल'. सध्या पंकज भदौरिया यांची पोस्ट सोशल मीडियात व्हायरल होत असून, ते लवकर आजारातून बरे व्हावेत, यासाठी त्यांचे चाहते प्रार्थना करीत आहेत.
महत्त्वाच्या इतर बातम्या:
स्वामी भक्तांनी थिएटर हाऊसफुल्ल, 'देऊळ बंद 2' 8 दिवसांत सुपरहिट, किती कोटी कमावले?
ABP माझाच्या बातम्या LIVE..
महत्त्वाच्या बातम्या
