Mangesh Desai Emotional Post For Son: मंगेश देसाईंच्या लेकाला पाहिलंत? मुलगा पदवीधर झाल्यानंतर अभिनेता स्वतःच्या वडिलांच्या आठवणींनी व्याकूळ, लेकासाठी बापाची भावूक पोस्ट
Mangesh Desai Emotional Post For Son: मराठी अभिनेते मंगेश देसाई यांच्या मुलगा साहिल नुकताच पदवीधर झालाय. मंगेश देसाईंनी लेकाचा फोटो शेअर करत त्याच्यासाठी एक इमोशनल पोस्ट शेअर केली आहे.
Mangesh Desai Emotional Post For Son: मराठी मनोरंजनसृष्टीत (Marathi Entertainment World) सशक्त अभिनेते म्हणून ओळखले जाणारं प्रसिद्ध नाव म्हणजे, अभिनेते मंगेश देसाई (Mangesh Desai). त्यांनी आपल्या अभिनयाच्या जोरावर नाटक, सिनेमे आणि मालिका या तिन्ही माध्यमांमध्ये आपलं वेगळं स्थान निर्माण केलंय. 'खेळ मांडला' सारख्या संवेदनशील सिनेमात त्यांनी उत्तम काम केलंय. मंगेश देसाई यांनी निर्मिती क्षेत्रातही पाऊल ठेवलं आहे. 'धर्मवीर' सारख्या सुपरहिट ठरलेल्या मराठी सिनेमाची त्यांनी निर्मिती केलेली. सध्या मंगेश देसाईंच्या (Marathi Actor Mangesh Desai) सोशल मीडियावरच्या एका पोस्टची भलतीच चर्चा रंगली आहे. त्यांनी सोशल मीडियावर एक इमोशनल पोस्ट केलीय, ज्यावर चाहत्यांकडून लाईक्स आणि कमेंट्सचा वर्षाव केला जातोय.
मराठी अभिनेते मंगेश देसाई यांच्या मुलगा साहिल नुकताच पदवीधर झालाय. मंगेश देसाईंनी लेकाचा फोटो शेअर करत त्याच्यासाठी एक इमोशनल पोस्ट शेअर केली आहे. या पोस्टमध्ये मंगेश देसाई आपल्या वडिलांच्या आठवणीनंही व्याकूळ झाले आहेत.
अभिनेते मंगेश देसाई सोशल मीडियावरच्या पोस्टमध्ये काय म्हणालेत? (Mangesh Desai Emotional Post)
मंगेश देसाई यांनी लेकासाठी केलेल्या पोस्टमध्ये लिहिलंय की, "मी कधीच भूतकाळाकडे बघत नाही. पण आज अचानक थोडासा डोकावलो. साहिलच्या अरुणोदय पब्लिक स्कूल, ठाणेमधल्या प्रवेशाचा दिवस आठवला. 17 वर्षांपूर्वीचा आणि पानं उलटत गेली. माझा या क्षेत्रातला संघर्ष आणि आणि त्याचा शिक्षणातला प्रवास दोन्ही समांतर होत होता, माझ्या करिअरमधील चढ-उतार आणि त्याचे शिक्षणातले. तो दहावी परीक्षेत उत्तम मार्कांनी पास झाला आणि माझी चिंता मिटली. तो बारावी उत्तम मार्कांनी पास झाला, मी निश्चिंत झालो. त्याचं NMIMSमध्ये प्रवेश झाला आणि मी निर्धास्त झालो. तेव्हा एक जाणवलं की माझ्या दादांचं पण माझ्याबाबतीत असंच झालं असेल. पण हे मला आज जाणवलं, माझा मुलगा डिग्री घेत असताना"
View this post on Instagram
"स्वतःला सिद्ध करण्याच्या धडपडीत माझ वय वाढतंय हे जाणवत होतं. पण, या धावपळीत मुलगा मोठा झाला, हे डिग्रीसाठी त्याचं नाव घेतलं गेलं, तेव्हा जाणवलं आणि अचानकपणे थांबलो. आता पुढे, तो त्याचं आयुष्य जगायला हळूहळू सुरुवात करेल, पुढच्या शिक्षणाला कुठे तरी बाहेर पडेल... मग? खरंतर मी अस्वस्थ झालो. पण, नंतर विचार केला हीच भावना माझ्या दादांची पण होती. पण त्यांनी माझं आयुष्य मला घडवण्याची संधी दिली होती. मला पण तेच करायला पाहिजे, असे अनेक विचार येत असतांना माझा फोन वाजला. अरे कुठे आहेस? येतो आहेस ना मीटिंगला? साहिलला भेटून अभिनंदन करून काही न खाताच निघालो, पुन्हा धावपळ करावीच लागणार ना!अजून त्याचं PG व्हायच आहे ना. पण, ही सगळी एनर्जी त्याच्यामुळेच मला येते...", असं म्हणत मंगेश देसाई यांनी त्यांच्या भावनांना वाट मोकळी करून दिलीय.
महत्त्वाच्या इतर बातम्या :
महत्त्वाच्या बातम्या
