Pardeep Kharera : मानसी नाईकच्या एक्स नवऱ्याने उरकला साखरपुडा, दुसऱ्यांदा अडकणार लग्नबंधनात; सोशल स्टारसोबत बांधली गाठ
Pardeep Kharera : मराठमोळी अभिनेत्री मानसी नाईक हिच्या एक्स नवऱ्याने नुकताच साखरपुडा उरकला असून तो पुन्हा लग्नबंधनात अडकणार आहे.
Pardeep Kharera : अभिनेत्री मानसी नाईक (Manasi Naik) ही काही दिवसांपूर्वी तिच्या वैयक्तिक आयुष्यामुळे बरीच चर्चेत आली होती. मानसीने 2021 मध्ये प्रदीप खरेरासोबत (Pardeep Kharera) लग्नगाठ बांधली होती. पण तिचा हा संसार फार काळ टिकला नाही. अल्पावधीतच मानसीने वेगळं होण्याचा निर्णय घेतला होता. पण आता तिच्या एक्स नवऱ्याने पुन्हा एकदा लग्नबंधनात अडकण्याचा निर्णय घेतला आहे. त्याने नुकतच एका सोशल स्टारसोबत साखरपुडा उरकून घेतला.
मानसी आणि प्रदीप कायदेशीररित्या वेगळं झाल्यानंतर प्रदीपच्या आयुष्यात आता दुसरी मुलगी आलेली आहे. दरम्यान प्रदीपच्या आयुष्यात आलेल्या या दुसऱ्या मुलीचं नाव विशाखा पनवार असं आहे. सोशल मीडियावर तिचे तब्बल 6 मिलियन्स फॉलोअर्स आहेत. त्यांच्या साखरपुड्याचा व्हिडीओ त्यांनी नुकताच शेअर केला असून त्यांच्या नव्या प्रवासासाठी शुभेच्छा दिल्या आहेत.
अनेक महिन्यांपासून डेट करत असल्याच्या चर्चा
मागील अनेक दिवसांपासून विशाखा आणि प्रदीप अनेक दिवसांपासून डेट करत असल्याच्या चर्चा सुरु होत्या. त्या दोघांचे अनेक व्हिडीओ देखील सोशल मीडियावरुन समोर येत होते. पण त्यांनी साखरपुडा करुन सगळ्या चर्चांना पूर्णविराम दिला आहे. त्याचप्रमाणे त्यांनी नुकताच त्यांचा म्युझिक अल्बमही लॉन्च केला आहे.
2019मध्ये मानसी नाईकसोबत बांधली होती लग्नगाठ
मानसी नाईक आणि प्रदीप खरेरा अनेक दिवस एकमेकांना डेट करत होते. 19 जानेवारी 2021 रोजी मानसी आणि प्रदीप लग्नबंधनात अडकले. प्रदीप आणि मानसीच्या विवाह सोहळ्याला अनेक सेलिब्रिटींनी हजेरी लावली होती. या दोघांच्या विवाह सोहळ्याचे फोटो सोशल मीडियावर व्हायरल झाले होते.तिच्या 'बाई वाड्यावर या', 'वाट बघतोय रिक्षावाला' या गाण्यांना प्रेक्षकांची विशेष पसंती मिळाली. मानसी तिच्या नृत्यशैलीनं नेहमीच प्रेक्षकांची मनं जिंकते.
View this post on Instagram
View this post on Instagram
ही बातमी वाचा :
महत्त्वाच्या बातम्या
ट्रेंडिंग न्यूज
