Major Box Office Collection Day 2 : दाक्षिणात्य चित्रपटसृष्टीतील प्रसिद्ध कलाकार महेश बाबूच्या (Mahesh Babu) प्रोडक्शन हाऊसची निर्मिती असलेल्या मेजर (Major) या चित्रपटाला रिलीज होऊन दोन दिवस झाले आहेत. या चित्रपटाचे कथानक हे NSG कमांडो मेजर संदीप उन्नीकृष्णन यांच्या जीवनावर आधारित आहे. या चित्रपटाच्या तेलगू व्हर्जनला प्रेक्षकांची पसंती मिळाली आहे तर हिंदी बॉक्स ऑफिसवर या चित्रपटानं संथ गतीनं सुरुवात केली आहे. 


चित्रपट समीक्षक तरण आर्दश यांनी मेजर चित्रपटाच्या हिंदी व्हर्जनच्या दुसऱ्या दिवसाच्या कमाईची माहिती दिली आहे. दिग्दर्शक शशी किरण टिक्का दिग्दर्शित हा चित्रपट रिलीज झाल्यानंतर पहिल्या तीन दिवसांमध्ये चांगली कमाई करेल अशी अपेक्षा होती. चित्रपटाने पहिल्या दिवसाच्या तुलनेत दुसऱ्या दिवशी थोडी अधिक कमाई केली आहे. या चित्रपटाच्या हिंदी व्हर्जननं पहिल्या दिवशी 1.10 कोटींची कमाई केली असून दुसऱ्या दिवशी या चित्रपटानं 1.51 कोटींची कमाई केली. या चित्रपटाच्या तेलगू व्हर्जननं पहिल्याच दिवशी 13 कोटींचा आकडा पार केला होता.






सम्राट पृथ्वीराजसोबत झाली होती बॉक्स ऑफिसवर टक्कर
मेजर या चित्रपटाची अक्षय कुमारच्या सम्राट पृथ्वीराज चित्रपटासोबत बॉक्स ऑफिसवर टक्कर झाली होती. तसेच अभिनेता कमल हसन यांचा विक्रम हा चित्रपट देखील प्रेक्षकांच्या भेटीस आला आहे. आता या चित्रपटांना कशी रिअॅक्शन मिळते? या प्रश्नाचे उत्तर जाणून घेण्यासाठी प्रेक्षक उत्सुक आहेत.  


हेही वाचा :