Dev Khel Zee5 Web Series: 'देव खेळ' मराठी बेवसिरीजचा मुद्दा थेट विधानसभेत, आशिष शेलारांकडून गुन्हा दाखल करण्याची तंबी, नेमका वाद काय?
'Dev Khel' Controversy: 'देव खेळ'या वेब सिरीजवरुन प्रचंड वाद निर्माण झाला आहे.
Ashish Shelar on 'Dev Khel' Controversy: अंकुश चौधरी (Ankush Chaudhary) आणि प्राजक्ता माळी (Prajakta mali)यांचा 'देव खेळ' या वेब सिरीजचा टीझर प्रदर्शित होताच गदारोळ निर्माण झाला होता. सात भागांची ही वेब सिरीज ओटीटी प्लॅटफॉर्मवर (Web Series) रिलीज झाली होती. या वेब सिरीजच्या टीझरमधून (Entertainment) गुहागर परिसरातील श्रद्धास्थान असलेल्या शंकासूर या देवतेबाबत धार्मिक भावना दुखावल्याचा गंभीर आरोप करण्यात आला. कोकणातील अनेक नागरिकांनीही या वेब सिरीजला विरोध दर्शवला होता. या सिरीजवर कारवाई करण्यात यावी, अशी मागणी करण्यात आली होती. दरम्यान, या प्रकरणाची दखल घेत भाजप नेते आणि सांस्कृतिक मंत्री आशिष शेलार यांनी विधानसभेत आपली भूमिका स्पष्ट केली आहे. या वेब सिरीजवर कारवाई होणार, असं त्यांनी विधानसभेत सांगितलं.
या वेब सिरीजबाबत आशिष शेलार विधानसभेत म्हणाले, 'शंकासूरातही आम्ही देव पाहतो. शंकासूर यांच्या माध्यमातून कुप्रथांवर प्रहार करण्याची लोककलेची परंपरा आहे, असे आम्ही मानतो. त्या वेब सिरीजवर कारवाई करण्याबाबत अनेक लोकप्रतिनिधी आणि नेत्यांची पत्रे माझ्याकडे आली होती', असं त्यांनी सांगितलं. 'या प्रकरणी पोलीस कारवाई करण्यात येणार आहे. तसेच केंद्र सरकार आणि गृहमंत्रालयातही याबाबत माहिती देण्याचे निर्देश संबंधित विभागाला देण्यात आले आहे', असंही आशिष शेलार म्हणाले.
'देव खेळ'वर कारवाईचे आदेश (Ashish Shelar Seeks Action Against Dev Khel)
झी 5 वरिल "देवखेळे" या वेबसिरिज मुळे महाराष्ट्र शासन जतन संवर्धन करीत असलेल्या "नमन-खेळे" या पौराणिक व खूप जुन्या हिंदू लोककलेला व परंपरेला धक्का लागला असल्याची जनमानसात भावना तीव्र दिसून येत आहे. त्या विरोधात कोकणात रोष वाढत असून वेबसिरिजवर बंदी घालण्याची मागणीने जोर धरला आहे.… pic.twitter.com/agqqWiJHxN
— Adv. Ashish Shelar - ॲड. आशिष शेलार (@ShelarAshish) February 7, 2026
काही महिन्यांपूर्वीही आशिष शेलार यांनी 'देव खेळ' या वेब सिरीजवर उचित कारवाई करण्यात यावी, अशा मागणीचं पत्र राज्याचे मुख्यमंत्री देवेंद्र फडणवीस यांना लिहिले होते. यासंदर्भात त्यांनी एक्स (ट्विटर)वर पोस्ट देखील शेअर केली होती. दरम्यान, आज 'देव खेळ' हे लोकपरंपरेचा विपर्यास केल्याप्रकरणी पोलिसांत गुन्हा दाखल करण्याचे निर्देश मंत्री आशिष शेलार यांनी विधानसभेत दिले आहेत.
सात भागांच्या या वेब सिरीजमध्ये अनेक कलाकारांच्या मुख्य भूमिका आहे. चंद्रकांत गायकवाड दिग्दर्शित या वेब सिरीजमध्ये अंकुश चौधरी, प्राजक्ता माळी, वीणा जामकर, ओंकार भोजने, मंगेश देसाई यांसह इतर कलाकारांच्या महत्त्वाच्या भूमिका आहेत.
महत्त्वाच्या इतर बातम्या:
महत्त्वाच्या बातम्या
