Sanjay Mone On Madhuri Dixit Hosting Kon Honar Karodpati: 'कुठे इंद्राचा ऐरावत आणि कुठे शाम भट्टाची तट्टाणी', माधुरी दीक्षितच्या 'कोण होणार करोडपती'च्या सूत्रसंचालनावर संजय मोनेंची पोस्ट; म्हणाले, 'सचिन खेडेकर अप्रतिम...'
Sanjay Mone On Madhuri Dixit Hosting Kon Honar Karodpati: मराठी अभिनेते संजय मोने यांनी 'कोण होणार करोडपती' क्वीझ शो आणि माधुरी दीक्षितचं सूत्रसंचालन याबाबत फेसबुक पोस्ट केली आहे.
Sanjay Mone On Madhuri Dixit Hosting Kon Honar Karodpati: सोनी मराठीवर (Sony Marathi) सुरू असलेल्या 'कोण होणार करोडपती' (Kon Honar Crorepati) या प्रसिद्ध क्विझ शोचं सूत्रसंचालन बॉलिवूडची (Bollywood News) धकधक गर्ल आणि असंख्य तरुणांच्या गल्यातील ताईत असलेली माधुरी दीक्षित (Madhuri Dixit) करत आहे. सध्या शो सुरू असून महाराष्ट्राच्या वेगवेगळ्या भागांतील कलाकार शोमध्ये हॉटसीटवर बसण्यासाठी येतात. अनेकांनी तर हॉटसीटवर माधुरीसोबत बसणं म्हणजे, भाग्यच असल्याचंही म्हटलंय. तसेच, अनेक सेलिब्रिटीही माधुरीसोबत हॉटसीटवर बसल्याचे दिसून आले. माधुरीच्या आधी अनेक दिग्गजांनी या शोच्या सूत्रसंचालनाची धुरा सांभाळली आहे.
सुरुवातीला जेव्हा 'कौन बनेगा करोडपती'च्या धर्तीवर मराठीत 'कोण होणार करोडपती'ची सुरुवात करण्यात आली, त्यावेळी सचिन खेडकरांनी शोच्या सूत्रसंचालनाची धुरा सांभाळली होती. त्यानंतर स्वप्नील जोशी व नागराज मंजुळे यांनीही शोचे सूत्रसंचालन केलंय. अशातच आता एका मराठी अभिनेत्यानं माधुरी दीक्षितच्या सूत्रसंचालनावर प्रश्न उपस्थित करणारी पोस्ट केल्यामुळे सध्या चर्चांना उधाण आलं आहे.
मराठी अभिनेते संजय मोने (Marathi Actor Sanjay Mone) यांनी 'कोण होणार करोडपती' क्वीझ शो आणि माधुरी दीक्षितचं सूत्रसंचालन याबाबत फेसबुक पोस्ट केली आहे. ज्यावर सध्या नेटकऱ्यांकडून कमेंट्सचा पाऊस पडत असल्याचं पाहायला मिळतंय.
संजय मोने फेसबुक पोस्टमध्ये काय म्हणालेत? (Sanjay Mone On Madhuri Dixit Hosting Kon Honar Karodpati)
धकधक गर्ल माधुरी दीक्षितच्या सूत्रसंचालनाबाबत मराठी अभिनेते संजय मोने यांनी एक वक्तव्य केलं आहे. संजय मोने यांनी फेसबुकवर एक पोस्ट शेअर केलीय. त्या पोस्टमध्ये त्यांनी लिहिलंय की, "का कुणास ठाऊक? पण, आज दीक्षित बाईंचा कार्यक्रम बघितला आणि एक जुनी मराठी म्हण आठवली. ती म्हण अशी, "कुठे इंद्राचा ऐरावत आणि कुठे शाम भट्टाची तट्टाणी... त्यापेक्षा सचिन खेडेकर तोच कार्यक्रम अप्रतिम सादर करायचे."
अभिनेते संजय मोने यांच्या पोस्टवर अनेकांनी कमेंट्स केल्या आहेत. अनेकांनी तर संजय मोने यांच्या मताशी सहमत असल्याचं कमेंट सेक्शनमध्ये सांगितलं आहे. तसेच, अनेकांनी सचिन खेडकरांसोबतच इतर सूत्रसंचालकांचीही नावं सुचवली आहेत.
संजय मोनेंच्या फेसबुक पोस्टवर नेटकऱ्यांच्या तुफान कमेंट्स, कोण काय म्हणालं?
सध्या सोनी मराठीवर सुरू असलेल्या 'कोण होणार करोडपती' या क्विझ शोचं सूत्रसंचालन माधुरी दीक्षित करत आहे. मराठीतलं प्रसिद्ध नाव असलेल्या अभिनेते संजय मोने यांनी फेसबुक पोस्ट करत माधुरीच्या सूत्रसंचालनावर बोट ठेवलं आहे. तसेच, माधुरीच्या सूत्रसंचालनाची तुलना त्यांनी थेट सचिन खेडेकरांशी करुन ते अप्रतिम कार्यक्रम सादर करायचे, असं म्हटलं आहे. अशातच, संजय मोने यांच्या पोस्टवर नेटकऱ्यांनी कमेंट्सचा पाऊल पाडला आहे.
एका नेटकऱ्यानं म्हटलंय की, "हिंदीत नाव केलेली, कोणी मराठी अभिनेत्री घ्यायचीच होती. तर अगदी उर्मिला मातोंडकर जास्त योग्य होती. मराठी माध्यमातील शिक्षणामुळे, तिच्याकडे भाषेची जाण आहे. महत्वाचं म्हणजे अशा ठिकाणी लागणारी उत्स्फूर्तता, नक्कीच अधिक आहे. फक्त उकडीचे मोदक नि वरण भात आवडतो, हा काही मराठीतील कार्यक्रम निभावून नेऊ शकण्याचा निकष ठरू शकत नाही..."
पुढे एकानं कमेंट केलीय की, "हा उल्लेख जातीय वाटत नाही? बघा हो हल्ली कोणाचा पापड कसा मोडेल हे सांगता येत नाही!!", तर कुणी माधुरीपेक्षा पल्लवी जोशी बेस्ट पर्याय होती, असंही म्हटलंय. तर काहींनी रेणुका शहाणे यांची निवडही योग्य ठरली असती, असंही म्हटलंय.
आणखी एका नेटकऱ्यानं म्हटलंय की, "मी फक्त हिंदीच पाहिलाय. आणि बच्चन सरांनी अतिशय वरच्या लेव्हलचा बेंचमार्क सेट करुन दिलेला आहे. मराठी वाचन चांगलं असणारी, भाषा चांगली बोलणारी उर्मिला मातोंडकर अधिक छान वाटली असती असं मला वाटतं..."
महत्त्वाच्या इतर बातम्या :
महत्त्वाच्या बातम्या
