Madhuri Dixit Web Series The Fame Game : बॉलिवूडची 'धक-धक गर्ल' म्हणजेच अभिनेत्री माधुरी दीक्षित (Madhuri Dixit ) प्रेक्षकांचे नेहमी मनोरंजन करते. तिच्या चित्रपटांना प्रेक्षकांची नेहमीच पसंती मिळते. तिचा चाहता वर्ग देखील मोठा आहे. माधुरी आता लवकरच ओटीटीवर पदार्पण करणार आहे. माधुरीच्या नव्या सीरिजची रिलीज डेट जाहीर करण्यात आली आहे. या सीरिजचं नाव 'द फेम गेम' (The Fame Game) असं आहे. या सीरिजची रिलीज डेट माधुरीनं सोशल मीडियावर एक पोस्ट शेअर करून जाहीर केली आहे.
माधुरीची 'द फेम गेम' ही सीरिज 25 फेब्रुवारी रोजी प्रदर्शित होणार आहे. या सीरिजमध्ये माधुरीसोबत संजय कपूर, मानव कौल, सुहासिनी मुले, लक्ष्यवीर सरन हे कलाकार प्रमुख भूमिका साकारणार आहेत. माधुरीनं या सीरिजचे पोस्टर सोशल मीडियावर शेअर करत लिहिले, 'अनोळखी आहे तिचे जग, अनटोल्ड आहे तिची गोष्ट. ती आली आहे तिची गोष्ट जगासमोर घेऊन.' माधुरीनं शेअर केलेला पोस्टर पाहून प्रेक्षक ही सीरिज पाहण्यासाठी उत्सुक झाले आहेत.
'द फेम गेम' या सीरिजचे दिग्दर्शन बिजॉय नांबियार आणि करिश्मा कोहली यांनी केले आहे. तसेच श्रीराव यांनी या सीरिजचे कथानक लिहिले आहे.
इतर बातम्या :
- बहुचर्चित 'Shark Tank'शोचे परिक्षक कोट्यावधींच्या कंपन्यांचे मालक; पाहा कोण आहेत?
- The Kapil Sharma Show : अक्षयनं घेतला कपिलचा आशीर्वाद? कपिलनं सांगितला फोटो मागील किस्सा
- Anushka Sharma , Priyanka Chopra : 'आता तयार रहा'; अनुष्कानं दिल्या निक आणि प्रियांकाला हटके शुभेच्छा
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha