Anushka Sharma , Priyanka Chopra : प्रियांका चोप्रा (Priyanka Chopra)आणि निक जोनास (Nick Jonas) यांनी काही दिवसांपूर्वी आई-वडील झाल्याची बातमी शेअर करत सर्वांना आश्चर्यचकित केले होते. सरोगसीद्वारे हे दोघे आई-बाबा झाले. प्रियांकाने ही बातमी सोशल मीडियावर पोस्ट शेअर करत तिच्या चाहत्यांना दिली. प्रियांकाच्या चाहत्यांनी तसेच अनेक कलाकारांनी प्रियांका आणि निक जोनासला शुभेच्छा दिल्या. अभिनेत्री अनुष्का शर्मानं (Anushka Sharma) देखील प्रियांका आणि निक जोनासला शुभेच्छा दिल्या. तिच्या पोस्टनं अनेकांचे लक्ष वेधले.
अनुष्कानं पोस्ट शेअर करत लिहिले, 'प्रियांका आणि निक तुम्हाला शुभेच्छा. आता स्लिपलेस नाइट्स, प्रेम आणि आनंदासाठी तयार राहा. ' ही पोस्ट शेअर करत अनुष्कानं हार्ट इमोजी देखील शेअर केलं.
प्रियांकाची पोस्ट
प्रियांकानं पोस्टमध्ये लिहिले, ‘आम्हाला हे सांगताना खूप आनंद होत आहे की, आम्ही सरोगसीद्वारे पालक बनलो आहोत. या विशेष काळात आम्हाला तुमच्याकडून गोपनीयतेची अपेक्षा आहे. कारण आम्हाला आमच्या कुटुंबावर लक्ष केंद्रित करायचे आहे. खूप खूप धन्यवाद.’
प्रियांका चोप्रा आणि निक जोनास यांनी 2018 साली लग्नगाठ बांधली. राजस्थानमधील जोधपूर येथील त्यांचा शाही विवाह सोहळा पार पडला होता.
'काला' आणि 'चकदा एक्सप्रेस' हे अनुष्काचे आगामी चित्रपट देखील ओटीटीवर प्रदर्शित करणार आहे. चकदा एक्सप्रेस या चित्रपटत अनुष्का क्रिकेटर झूलन गोस्वामी यांची भूमिका साकारणार आहे.
इतर बातम्या :
- बहुचर्चित 'Shark Tank'शोचे परिक्षक कोट्यावधींच्या कंपन्यांचे मालक; पाहा कोण आहेत?
- The Kapil Sharma Show : अक्षयनं घेतला कपिलचा आशीर्वाद? कपिलनं सांगितला फोटो मागील किस्सा
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha