Rishi Kapoor | ऋषी कपूर यांच्या जाण्याने लतादीदी शब्दहीन, शेअर केला बाल 'चिंटू'चा फोटो

भारतरत्न लता मंगेशकर यांनी ऋषी कपूर यांच्या निधनावर शोक व्यक्त केला आहे. ऋषी कपूर यांचा बालपणीचा फोटो शेअर करत लतादीदींनी आपल्या भावना व्यक्त केल्या आहेत.

मुंबई : एप्रिल 2020 च्या अखेरीस बॉलिवूडने दोन दिग्गज कलाकारांना गमावलं आहे. यामुळं बॉलिवूडवर शोककळा पसरली आहे. काल, 29 एप्रिलला अभिनेता इरफान खान तर आज ज्येष्ठ अभिनेते ऋषी कपूर यांनी दुनियेला अलविदा केलं. ऋषी कपूर यांच्या निधनाने बॉलिवूडसह अनेक क्षेत्रातील दिग्गज गहिवरले आहेत. भारतरत्न लता मंगेशकर यांनी ऋषी कपूर यांच्या निधनावर शोक व्यक्त केला आहे. यावेळी ऋषी कपूर यांचा बालपणीचा फोटो शेअर करत लतादीदींनी आपल्या भावना व्यक्त केल्या आहेत. लता मंगेशकर यांना देखील ऋषी कपूर यांच्या जाण्याने धक्का बसला आहे.  त्यांना दोन ट्वीट करत ऋषी कपूर यांच्याबाबत आठवणींना उजाळा दिला आहे. 'काही दिवसांपूर्वी ऋषीजींनी त्यांचा आणि माझा एक फोटो मला पाठवला होता. ते सगळे दिवस, त्या सगळ्या आठवणी समोर येत आहेत. मी शब्दहीन झाली आहे.' असं लता मंगेशकर यांनी एक फोटो शेअर करत म्हटलं आहे. ऋषी कपूर यांना लता मंगेशकर यांनी कवेत उचलून घेतले असल्याचा हा फोटो आहे.

Kuch samay pehle Rishi ji ne mujhe unki aur meri ye tasveer bheji thi.wo sab din,sab baatein yaad aarahi hain. Main shabdheen hogayi hun. pic.twitter.com/IpwCKMqUBq

— Lata Mangeshkar (@mangeshkarlata) April 30, 2020

त्याआधी त्यांनी एक ट्वीट करत 'काय बोलू?, काय लिहू काही समजत नाहीये, ऋषीजींच्या जाण्याने खूप दु:ख झाले आहे. त्यांच्या जाण्याने सिनेक्षेत्राची मोठी हानी झालीय. हे दु:ख सहन करणं माझ्यासाठी कठिण आहे. ईश्वर त्यांच्या आत्म्याला शांती प्रदान करो' असं म्हटलं आहे.

Kya kahun? Kya likhu kuch samajh mein nahi aaraha hai.Rishi ji ke nidhan se mujhe bahut dukh ho raha hai.Unke jaane se film industry ki bahut haani hui hai. Ye dukh sehena mere liye bahut mushkil hai.Bhagwan unki aatma ko shanti pradan karein.

— Lata Mangeshkar (@mangeshkarlata) April 30, 2020

बिग बी अमिताभ बच्चन आणि ऋषी कपूर यांचं खास नातं होतं. त्यांच्या निधनानं बिग बींना प्रचंड मोठा धक्का बसला आहे. ' आज सकाळी तो निघून गेला…ऋषी कपूर… तो निघून गेला… त्याचा मृत्यु झाला आहे मी खरंच खचलोय, उद्धवस्त झालोय”, असं ट्विट अमिताभ बच्चन यांनी केलं होतं. नंतर त्यांनी ते ट्वीट डिलीट केलं.