Lai Bhari Actor Telugu Film Debut: तेलुगु बिग बजेट सिनेमात मराठी सुपरस्टारची एन्ट्री; 'लय भारी' अभिनेत्याचा BTS VIDEO व्हायरल, नव्या अवतारात दिसणार
Riteish Deshmukh Telugu Film: रितेश देशमुखची तेलुगु सिनेमात एन्ट्री, सिनेमाचं नाव काय?
Riteish Deshmukh Makes Telugu Film Debut: बॉलिवूड अभिनेता रितेश देशमुखनं (Riteish Deshmukh) आपल्या कारकि‍र्दीत मराठी सिनेमातही उत्तम कामगिरी केली. रितेश देशमुखचा 'राजा शिवाजी' हा चित्रपट प्रचंड गाजला. बॉलिवूड (Bollywood) आणि मराठी सिनेसृष्टीत आपल्या अभिनयाचा डंका वाजवल्यानंतर आता रितेश देशमुख आपल्या नव्या इनिंगला सुरुवात करण्यास सज्ज झाला आहे. रितेश देशमुख लवकरच तेलुगु सिनेसृष्टीत (Telugu Film Debut) पाऊल ठेवणार आहे. राम पोथिनेनी यांचा आगामी चित्रपट #RAPO23 मध्ये रितेश देशमुख महत्त्वाच्या भूमिकेत झळकणार आहे. #RAPO23 या चित्रपटातून तेलुगु सिनेसृष्टीत रितेश देशमुख डेब्यू करण्यास सज्ज झाला आहे. फिल्ममेकर्सनेही रितेश देशमुखच्या एन्ट्रीची घोषणा केली आहे. त्यामुळे रितेश देशमुखच्या चाहत्यांना नक्कीच ही आनंदाची बाब म्हणावी लागेल. सध्या रितेश देशमुखचे चाहते त्याच्या आगामी चित्रपटाची वाट पाहत आहेत.
रितेश देशमुखची तेलुगु सिनेमात एन्ट्री (Actor Riteish Deshmukh Makes Telugu Film Debut)
मिळालेल्या माहितीनुसार, #RAPO23 या सिनेमाचे सध्या हैदराबाद येथे शूटिंग सुरू आहे. रितेश देशमुखने देखील या सिनेमाच्या टीममध्ये एन्ट्री घेतली आहे. दरम्यान, फिल्मच्या सेटमधून बिहाइंड सीनचा एक व्हिडीओ समोर आला आहे. या व्हायरल व्हिडीओत, राम पोथिनेनी हे रितेश देशमुख याचे आपुलकीने स्वागत करत असल्याचं दिसत आहे. तसेच रितेश देशमुखला मिठी मारताना दिसत आहे. हा व्हिडीओ सध्या सोशल मीडियात व्हायरल होत आहे. #RAPO23 या सिनेमात राम पोथिनेना केवळ अॅक्टिंग करत नाहीयेत तर, दिग्दर्शक म्हणूनही आपल्या नव्या इनिंगला सुरुवात करत आहेत. कृष्णा पोथिनेनीचे प्रॉडक्शन हाऊस रापो सिनेमॅटिक्सच्या बॅनरखाली हा चित्रपट भव्य दिव्य स्वरुपात तयार करण्यात येत आहे.
#RAPO23 हा सिनेमा नेमका कधी रिलीज होणार? याची अधिकृत माहिती अद्याप समोर आलेली नाही. दरम्यान, 2026 या वर्षाच्या शेवटच्या महिन्यात म्हणजेच डिसेंबर महिन्यात हा सिनेमा रिलीज होऊ शकतो, अशी माहिती आहे. या सिनेमातून प्रेक्षकांना रोमान्स आणि रहस्य पाहायला मिळेल. बॉलिवूडमध्ये अनेक हिट सिनेमात काम केल्यानंतर आता रितेश देशमुख तेलुगु सिनेसृष्टीत डेब्यू करण्यास सज्ज झाला आहे. मिळालेल्या माहितीनुसार, सिनेमाची स्क्रिप्ट आणि आपल्या भूमिकेवर प्रभावित होऊन रितेश देशमुखने या सिनेमासाठी होकार दिला. सध्या राम पोथिनेनी आणि रितेश देशमुख यांचा #RAPO23 या चित्रपटाच्या संबंधित बीटीएस व्हिडीओ सोशल मीडियात व्हायरल होत असून, या सिनेमात त्याची कोणती भूमिका असणार? हे जाणून घेण्यासाठी प्रेक्षक आतुर आहेत.
महत्त्वाच्या इतर बातम्या:
महत्त्वाच्या बातम्या
