स्टार प्रवाहच्या 'लग्नानंतर होईलच प्रेम'मध्ये लगीनघाई; जीवा-नंदिनी, पार्थ-काव्याचं हटके प्री-वेडिंग शूट PHOTO
या शूटमध्ये जीवा-नंदिनी आणि काव्या-पार्थ यांचा आजवर कधीही न पाहिलेला अंदाज प्रेक्षकांना पाहायला मिळणार आहे.
Marathi serial: Star Pravah वरील लोकप्रिय मालिका लग्नानंतर होईलच प्रेम सध्या प्रेक्षकांना खिळवून ठेवत आहे. कथानक आता महत्त्वाच्या टप्प्यावर पोहोचले असून मालिकेत जीवा-नंदिनी आणि पार्थ-काव्याच्या लग्नाची धामधूम सुरू झाली आहे. प्रेमानंतर लग्नाची वेळ आल्याने मालिकेतील वातावरण अक्षरशः उत्साहाने भरून गेलं आहे.
या खास क्षणाला अधिक संस्मरणीय बनवण्यासाठी मालिकेतील दोन्ही लोकप्रिय जोड्यांनी नुकतंच एक हटके प्री-वेडिंग फोटोशूट केलं आहे. या शूटमध्ये जीवा-नंदिनी आणि काव्या-पार्थ यांचा आजवर कधीही न पाहिलेला अंदाज प्रेक्षकांना पाहायला मिळणार आहे. सोशल मीडियावर या फोटोंची जोरदार चर्चा सुरू झाली आहे.
रेट्रो विरुद्ध काऊबॉय
‘जुनं ते सोनं’ या म्हणीला साजेसा जीवा-नंदिनीचा लूक खास लक्ष वेधून घेत आहे. दोघेही जणू थेट 80च्या दशकात गेले आहेत, असा रेट्रो टच या शूटमध्ये पाहायला मिळतो. जुन्या काळाची रोमँटिक झलक, स्टायलिश पोशाख आणि दोघांची कमाल केमिस्ट्री यामुळे त्यांचा हा अवतार चाहत्यांना विशेष भावत आहे.
दुसरीकडे, पार्थ-काव्या ही जोडी पूर्णपणे वेगळ्या अंदाजात दिसणार आहे. काऊबॉय थीमवर आधारित त्यांचा हटके लूक प्रेक्षकांचे लक्ष वेधून घेत आहे. स्टाइल, अॅटिट्यूड आणि रोमँसचा तडका यामुळे ही जोडीही तितकीच चर्चेत आली आहे.
View this post on Instagram
दोन वेगवेगळ्या शैली, दोन लोकप्रिय जोड्या आणि एकच भावना प्रेमाचा उत्सव! या खास प्री-वेडिंग शूटमुळे मालिकेतील आगामी लग्नसोहळ्याची उत्सुकता आणखी शिगेला पोहोचली आहे. त्यामुळे पुढील भागांत काय खास पाहायला मिळणार, याकडे प्रेक्षकांचे लक्ष लागले आहे. प्रेक्षकांना हा सोहळा पाहता येणार आहे दररोज सायंकाळी 7 वाजता, फक्त स्टार प्रवाहवर.
स्टार प्रवाहवरील ‘लग्नानंतर होईलच प्रेम’ ही लोकप्रिय मालिका सध्या प्रेक्षकांना भावनांनी भारलेला आणि रोमँसने रंगलेला टप्पा दाखवत आहे. कथानक आता महत्त्वाच्या वळणावर पोहोचले असून जीवा-नंदिनी आणि पार्थ-काव्या यांच्या लग्नसोहळ्याची धामधूम उत्साहात सुरू झाली आहे.
महत्त्वाच्या बातम्या
