'लाडकी बहीण योजने'च्या धर्तीवर येतेय 'लाडकी विहीण योजना'; तुमची लाडकी अभिनेत्री प्रमुख भूमिकेत?
Nirmiti Sawant Returns to Theatre with Laadki Vihin Yojana: 'लाडकी विहीण योजने'तून मराठी कलाकार निर्मिती सावंत प्रेक्षकांच्या भेटीला येणार.
Laadki Vihin Yojana Marathi play Nirmiti Sawant comeback: राज्यात 'मुख्यमंत्री लाडकी बहीण योजना', प्रचंड गाजली. या योजनेला जनतेकडून भरभरुन प्रतिसाद मिळाला. योजनेमुळे महाराष्ट्रातील लाडक्या बहिणींना आर्थिक मदत मिळतेय. दरम्यान, लवकरच रंगभूमीवर 'लाडकी विहीण योजना' हे नाटक प्रेक्षकांच्या भेटीस येणार आहे. या नाटकामध्ये अभिनेत्री निर्मीती सावंत मुख्य भूमिका साकारणार आहे. बऱ्याच वर्षांनंतर निर्मिती सावंत यांची जादू रंगमंचावर पाहायला मिळणार आहे. एकेकाळी निर्मिती यांचे नाटक कायम हाऊसफूल ठरत होते. रंगभूमीबाहेर 'हाऊसफूल'चे फलक लागत होते. आता त्यांची पुन्हा एकदा जादू 'लाडकी विहीण योजना' या नाटकातून पाहायला मिळणार आहे.
कुमारी गंगूबाई मॅट्रिक हे नाटक रंगभूमीवर प्रचंड गाजलं. या नाटकाला प्रेक्षकांकडून भरभरुन प्रतिसाद मिळाला. या नाटकाचं दिग्दर्शन राजेश देशपांडे यांनी केलं होतं. तर, निर्माते दिलीप जाधव होते. या तिघांचं त्रिकूट पुन्हा एकदा 'लाडकी विहीण योजना' या नाटकातून प्रेक्षकांच्या भेटीस येणार आहे. हे नाटक फॅमिली ड्रामावर आधारीत आहे. विहिणींमधील नातेसंबंध हे या नाटकातून दाखवण्यात येणार आहे. नाटकामधील देखावा हे कोकण परिसरातील असणार आहे.
या नाटकाबाबत निर्मिती सावंत म्हणाल्या, 'पूर्वी मी काही विनोदी भूमिका साकारत होती. अलिकडच्या काळात मी गंभीर भूमिका साकारल्या आहेत. त्यामुळे प्रेक्षकांना आवडते तशी, विनोदी अवतारातील निर्मिती पुन्हा एकदा रंगभूमीद्वारे प्रेक्षकांच्या भेटीस येणार आहे. अष्टविनायक या नाट्यसंस्थेने मला भरपूर प्रसिद्धी आणि प्रेम दिले आहे. या नाटक संस्थेसोबत पुन्हा एकदा काम करणं, माझ्यासाठी सोन्याहून पिवळं आहे. या नाटकातून प्रेक्षकांना एका कौटुंबिक नाटकाची मेजवानी पाहायला मिळणार आहे', असं अभिनेत्री म्हणाली.
View this post on Instagram
'लाडकी विहीण योजना' या नाटकाचं दिग्दर्शन राजेश देशपांडे करणार आहेत. तर, या नाटकाची निर्मिती 'अष्टविनायक' नाट्यसंस्थेचे दिलीप जाधव आणि पंचशील एंटरटेन्मेंट तर्फे प्रसाद ओक, मंजिरी ओक, संजय मेमाणे आणि स्वप्नील जोशी यांनी केली आहे.
या नाटकाचं पोस्टर निर्मिती सावंत यांनी सोशल मीडियात शेअर केली आहे. या पोस्टरमध्ये निर्मिती सावंत सेल्फी स्टिक घेऊन, सेल्फी काढताना दिसत आहे. नाटकाच्या पोस्टरवर चाहत्यांनी कमेंट करुन शुभेच्छा दिल्या.
महत्त्वाच्या बातम्या
