Kriti Sanon : बॉयफ्रेंडसोबत IND vs ENG पाहायला पोहोचली कृती सेनन; धोनीच्या लेकीसोबतची धमाल चर्चेत
Kriti Sanon-Kabir Bahia: दोघे अनेकदा एकत्र दिसले असून, आता त्यांनी लॉर्ड्स मैदानावर एकत्र हजेरी लावल्याने पुन्हा एकदा त्यांच्या नात्याची चर्चा सुरू झाली आहे.
Kriti Sanon-Kabir Bahia: अभिनेत्री कृती सेनन (Kriti Senon) पुन्हा एकदा तिच्या लव्ह लाइफमुळे चर्चेत आली आहे. रविवारी लंडनमधील ऐतिहासिक लॉर्ड्स क्रिकेट मैदानावर झालेला भारत विरुद्ध इंग्लंड क्रिकेट सामना (IND vs Eng) पाहण्यासाठी कृती तिचा कथित बॉयफ्रेंड कबीर बहिया याच्यासोबत स्टेडियममध्ये पोहोचली होती. सामन्यादरम्यानचे तिचे अनेक फोटो आणि व्हिडीओ सोशल मीडियावर व्हायरल होत आहेत.
बॉयफ्रेंड कबीर बहियासोबत पाहिला सामना
गेल्या काही महिन्यांपासून कृती सेनन आणि कबीर बहिया यांच्या रिलेशनशिपच्या चर्चा रंगल्या आहेत. दोघे अनेकदा एकत्र दिसले असून, आता त्यांनी लॉर्ड्स मैदानावर एकत्र हजेरी लावल्याने पुन्हा एकदा त्यांच्या नात्याची चर्चा सुरू झाली आहे.
धोनीच्या लेकीसोबत केली धमाल
या सामन्याला अनेक बॉलिवूड सेलिब्रिटी आणि क्रिकेटपटूंनी उपस्थिती लावली होती. माजी भारतीय कर्णधार एमएस धोनी आणि अभिनेता अर्जुन कपूर हे देखील स्टेडियममध्ये उपस्थित होते. कृतीची जागा धोनी यांच्या जवळच होती. सामन्यादरम्यान कृती आणि धोनीची मुलगी झिवा धोनी यांच्यातील गोड क्षण कॅमेऱ्यात कैद झाले. दोघींचे एकत्र हसत-खेळत गप्पा मारतानाचे फोटो सोशल मीडियावर चांगलेच व्हायरल होत असून चाहत्यांची पसंती मिळवत आहेत.
Do You Know Why #Kritisanon is with Ziva ??#KritiSanon was spotted alongside her rumoured boyfriend #KabirBahia during yesterday’s match in England. Their appearance grabbed attention not just because of the dating rumours, but also because of Kabir’s well-known connection to… pic.twitter.com/KBPniGVNiF
— Bollywood Decode (@BollywoodD5z) July 20, 2026
कृती आणि कबीरचा स्टायलिश लूक
या सामन्यासाठी कृती सेननने काळ्या रंगाचा बॉडीकॉन ड्रेस परिधान केला होता. तर कबीर बहिया पांढऱ्या टी-शर्ट, डेनिम जीन्स आणि तपकिरी जॅकेटमध्ये दिसला. दोघांचाही कॅज्युअल आणि स्टायलिश लूक चाहत्यांच्या पसंतीस उतरला. कृती सेननचा कथित बॉयफ्रेंड कबीर बहिया हा चित्रपटसृष्टीशी संबंधित नाही. तो यूकेस्थित उद्योगपती असून एव्हिएशन आणि पर्यटन क्षेत्रात व्यवसाय करतो. गेल्या काही महिन्यांपासून कृती आणि कबीर यांच्या रिलेशनशिपच्या चर्चांना जोर आला असून, दोघे अनेकदा एकत्र स्पॉट झाले आहेत.
Kriti Sanon having pizza with Rishabh Pant at Lord's during Ind vs Eng match ❤️ pic.twitter.com/TaryoTDMVe
— Jeet (@JeetN25) July 19, 2026
वर्कफ्रंटबद्दल बोलायचे झाल्यास, कृती सेनन नुकतीच 'कॉकटेल 2' या चित्रपटात शाहिद कपूर आणि रश्मिका मंदाना यांच्यासोबत झळकली होती. यानंतर ती 'नो एंट्री 2', 'भेडिया 2' आणि 'डॉन 3' या आगामी चित्रपटांमध्ये दिसण्याची शक्यता आहे.
महत्त्वाच्या बातम्या
