Kiara Advani On Toxic Rumours: बोल्ड सीन हटवण्याच्या चर्चांवर कियारा भडकली; 2 शब्दांतच विषय संपवला, स्क्रिनशॉट टाकत म्हणाली...
सुरुवातीला हा चित्रपट 4 जूनला रिलीज होणार होता. मात्र आता तो पुढे ढकळण्यात आला आहे. अद्याप या चित्रपटाची नवीन रिलीज डेट जाहीर करण्यात आलेली नाही.
Kiara Advani on Intimate Scenes Rumours: गेल्या काही दिवसांपासून बॉलीवूड अभिनेत्री कियारा अडवाणीने (Kiara Advani) तिच्या आगामी चित्रपट 'टॉक्सिक : अ फेरी टेल फॉर ग्रोन अप्स ' मधील अभिनेता यश सोबतची इंटीमेट दृश्य हटवण्याची मागणी केल्याच्या चर्चा होत्या. कियाराने मीडिया रिपोर्ट्सला फेटाळून लावत एक स्क्रीनशॉट शेअर केलाय. यामध्ये टॉक्सिक चित्रपटातील बोल्ड दृश्य हटवण्याच्या चर्चेवर तिनं मौन सोडलंय. तिने या सगळ्या चर्चा पूर्णपणे निरर्थक असल्याचं म्हटलंय. (Toxic)
बोल्ड सीन हटवण्याच्या मागणीवर कियारानं विषयचं संपवला
बॉलीवूड अभिनेत्री कियारा अडवाणीचा टॉक्सिक चित्रपट या वर्षातील येणाऱ्या बहुचर्चित चित्रपटांपैकी एक आहे. गेल्या काही दिवसांपासून या चित्रपटाची रिलीज डेट वारंवार पुढे ढकलले जात होती, त्यामुळे चाहते निराश झाले होते. वैयक्तिक आयुष्यात बाळाला जन्म दिल्यानंतरचा तिचा हा पहिला प्रोजेक्ट आहे. त्यामुळेही या चित्रपटाची चर्चा रंगली आहे. दरम्यान या चित्रपटातील अभिनेता यश सोबतचे सर्व इन्टिमेट आणि बोर्ड रोमँटिक सीन चीराला पसंत न पडल्यामुळे तिने ते काढून टाकण्याची मागणी मेकर्स कडे केल्याचं म्हटलं जात होतं. या सगळ्या चर्चांवर कियारा अडवाणीने दोन शब्दात विषय संपवला आहे. तिने बोल्ड शूट हटवण्याबाबतच्या चर्चांना 'Absolute Nonsense ' म्हटले आहे. याबाबत एका मीडियाने दिलेल्या बातमीचा स्क्रीनशॉट instagram स्टोरीवर शेअर करत तिने या सगळ्या चर्चा निरर्थक असल्याचं म्हटलंय.
खरंतर टॉक्सिक चित्रपटाच्या टिझर मधील एका बोल्ड सीनवर यापूर्वीही सोशल मीडियावर मोठा वाद निर्माण झाला होता. एका कार मधील इंटीमेट सीनवरून कियाराला रोल केलं जात होतं. काही दिवसांपूर्वी आलेल्या बातम्यांनुसार, कियाराने यशसोबत एक बोल्ड रोमँटिक सीन शूट केला होता. दिग्दर्शकांनी तो सीन तिच्या कम्फर्ट झोनमध्ये राहून शूट केला जाईल, असं आश्वासन दिलं होतं. मात्र अंतिम आउटपुट पाहिल्यानंतर कियारा या सीनबाबत पुन्हा विचार करत असल्याचं समोर आल्याच्या अफवा होत्या. सुरुवातीला हा चित्रपट 4 जूनला रिलीज होणार होता. मात्र आता तो पुढे ढकळण्यात आला आहे. अद्याप या चित्रपटाची नवीन रिलीज डेट जाहीर करण्यात आलेली नाही. 'टॉक्सिक' या चित्रपटाचे दिग्दर्शन गीतू मोहनदास यांनी केले आहे. तर यश हा चित्रपटाचा निर्माता देखील आहे. याशिवाय यश नितेश तिवारी याच्या आगामी 'रामायण' चित्रपटातील रावणाच्या भूमिकेचीही चर्चा आहे.
महत्त्वाच्या बातम्या
