KGF 2 Breaks Record: ‘केजीएफ 2’ची बॉक्स ऑफिसवर हवा! ‘RRR’ला मागे टाकत ‘रॉकी भाई’चा नवा रेकॉर्ड!

KGF 2 : चित्रपट प्रदर्शित होऊन 22 दिवस झाले आहेत आणि अजूनही चित्रपटगृहांमध्ये रॉकीची जादू कायम आहे. आता या चित्रपटाने एका विक्रमाला गवसणी घातली आहे.

KGF 2

KGF 2 Breaks Record: ‘KGF Chapter 2’ हा चित्रपट आपल्या धडाकेबाज कमाईमुळे सतत चर्चेत असतो. देशातूनच नाही, तर परदेशातूनही या चित्रपटाला उदंड प्रतिसाद मिळत आहे. यशची स्टाईल आणि अॅक्शन पाहण्याची क्रेझ लोकांमध्ये स्पष्टपणे दिसून येत आहे. चित्रपट प्रदर्शित होऊन 22 दिवस झाले आहेत आणि अजूनही चित्रपटगृहांमध्ये रॉकीची जादू कायम आहे. आता या चित्रपटाने एका विक्रमाला गवसणी घातली आहे. KGF 2 हा हिंदीतील आतापर्यंतच्या सर्वाधिक कमाई करणाऱ्या चित्रपटांच्या यादीत सामील झाला आहे. KGF 2 ला या यादीत दुसरे स्थान मिळाले आहे.

KGF बॉक्स ऑफिसवर चमकदार कामगिरी करत आहे. दुसरीकडे, 22व्या दिवसाच्या कमाईबद्दल बोलायचे झाले तर, या चित्रपटाने 8 ते 9 कोटींचा व्यवसाय केला आहे. जगभरात चित्रपटाने 1110 कोटींचा टप्पा पार केला आहे. यशसोबत केजीएफमध्ये रवीना टंडन आणि संजय दत्त दिसले आहेत. सर्व कलाकार महत्त्वपूर्ण भूमिकेत आहेत. हा चित्रपट 14 एप्रिल रोजी कन्नड, तमिळ, तेलगू, हिंदी आणि मल्याळम भाषांमध्ये प्रदर्शित झाला होता. आता हा चित्रपट सर्व रेकॉर्ड मोडेल, अशी अपेक्षा या चित्रपटाबाबत व्यक्त केली जात आहे. त्याचवेळी, सोशल मीडियावर सतत चर्चा सुरु आहे की, केजीएफचा तिसरा भाग देखील लवकरच प्रेक्षकांच्या भेटीला येऊ शकतो.

चित्रपटाने पटकावला दुसरा क्रमांक!

साऊथ स्टार यशचा ‘KGF Chapter 2’ हा चित्रपट ‘बाहुबली 2’नंतर हा दुसरा सर्वाधिक कमाई करणारा चित्रपट ठरला आहे. या यादीत ‘बाहुबली 2’ पहिल्या क्रमांकावर, ‘KGF चॅप्टर 2’ दुसऱ्या क्रमांकावर, तिसऱ्या क्रमांकावर ‘RRR’, चौथ्या क्रमांकावर ‘2.0’ आणि पाचव्या क्रमांकावर ‘दंगल’ आहे.

KGF चा पहिला पार्ट 2018मध्ये रिलीज झाला होता आणि त्यानंतर आता चित्रपटाचा दुसरा चॅप्टर 2022 मध्ये रिलीज झाला आहे. KGF Chapter 2 च्या स्टारकास्टमध्ये कन्नड स्टार यश तसेच संजय दत्त, श्रीनिधी शेट्टी, रवीना टंडन, प्रकाश राज आणि मालविका अविनाश यांचा समावेश आहे.

हेही वाचा :