ना आजोबांचा ना आईबाबांचा..केदार शिंदे स्पष्टच म्हणाला, 23 वर्ष शाहिरांच्या घरी पण नंतर...
घरातील एक एक गोष्ट आम्ही आमच्या पद्धतीने आणलेली आहे. कुठलीच गोष्ट मला अशी फुकट मिळालेली नाही", असंही तो पुढे म्हणाला.
Kedar Shinde: अगंबाई अरेच्चा, बकुळा नामदेव घोटाळे, जत्रा, बाई पण भारी देवा असे अनेक लोकप्रिय चित्रपट देणारे दिग्दर्शक केदार शिंदे सध्या चर्चेत आहेत. काही दिवसांपूर्वी केदार शिंदे (kedar Shinde) चा सख्खा भाऊ मंदार शिंदे याने केदारला 5 -7 वर्ष माहीतच नव्हतं मी त्याचा सख्खा भाऊ आहे असं ते म्हणाले होते. आता केदार शिंदे यांनी एका मुलाखतीत लोककलावंत शाहीर साबळे यांचे नातू म्हणून असणारे संस्कार, कलाविश्वात मिळालेलं स्थान अशा सगळ्या विषयांवर भाष्य केलंय. लहानपणापासूनच असणारा शाहीर साबळेंचा प्रभाव, . आजोबा मोठे कलावंत असूनही स्वत:च्या कर्तृत्वावर त्यांनी कलाविश्वात स्थान मिळवलं. अशा अनेक विषयावर केदार शिंदे यांनी वक्तव्य केलं आहे.
'मी न आईबाबांचा न आजोबांचा....'
केदार शिंदेने मित्र म्हणे या पॉडकास्ट मध्ये हजेरी लावली होती. त्यावेळी तो म्हणाला,"मी साबळेंच्या घराचा पहिला नातू. त्यामुळे मी 2-3दिवसांचा असतानाच मला बाबांनी म्हणजेच शाहीर साबळे यांनी आईकडून त्यांच्या घरी आणलं. 23 वर्ष मी त्या घरात काढली. मी झोपताना आणि उठताना बाबांना बघायचो. प्रत्येक सणवाराला मग कुठलाही सण असू दे एकादशीलाही मला नवीन कपडे असायचे. आता मला माझी आई आणि मावशी या गोष्टी सांगतात. माझे खूप लाड व्हायचे.
तो पुढे म्हणाला,"हळूहळू घरातले लोक वाढायले लागले. आमचं कुटुंब वाढू लागलं. मी लोकधारा सुरू केल्यानंतर मला जाणवायला लागलं की हा क्षण आता असा माझ्या आयुष्यात आहे की ना धड मी माझ्या आईबाबांचा आहे आणि ना मी माझ्या आजी आजोबांचा आहे."
'माझ्या घरातला एक चमचाही कुणाचा नाही...'
लोकधारा सुरू केल्यानंतर माझी जी कमाई व्हायची त्यातूनच माझं शिक्षण व्हायचं. त्यातूनच माझे कपडे घ्यायचो.त्यातून माझ्या सगळ्या गोष्टी व्हायच्या. तेव्हा मला कळायला लागलं की मी स्वतंत्र होतोय. हे कोणी मला बोलून दाखवलं नाही. तेव्हा मी 13-14 वर्षांचा असेन. तरीदेखील त्यानंतरही पुढची 10 वर्ष मी त्याच घरात राहिलो. पण मला ते अंतर जाणवायला लागलं होतं. आज मी, माझी बायको आणि माझी मुलगी पवईमध्ये राहतो. पण माझ्या घरातला एक चमचाही कुणाचा नाही. घरातील एक एक गोष्ट आम्ही आमच्या पद्धतीने आणलेली आहे. कुठलीच गोष्ट मला अशी फुकट मिळालेली नाही", असंही तो पुढे म्हणाला.
महत्त्वाच्या बातम्या
