Kartiki Gaikwad Pregnancy News : 'सारेगमप लिटिल चॅम्प'मधील छोट्या गायकांची रिएल्टी शोनंतरही त्यांच्या आवाजाची जादू कायम आहे. आपल्या आवाजाने प्रेक्षकांची मने जिंकून घेणारी गायिका कार्तिकी गायकवाडचा (Kartiki Gaikwad) मोठा चाहता वर्ग आहे. कार्तिकी गायकवाड नेहमीच चर्चेत असते. आता लग्नाच्या चार वर्षानंतर कार्तिकीने आणखी एक गुड न्यूज दिली आहे. कार्तिकी आई होणार असून नुकतेच डोहाळं जेवणाचा कार्यक्रम पार पडला. याचा व्हिडीओ, फोटो सोशल मीडियावर व्हायरल होत आहे.
'सा रे ग म प' लिटल चॅम्प्स'च्या माध्यमातून घराघरांत पोहोचलेल्या कार्तिकी गायकवाडचा मोठा चाहतावर्ग आहे. कार्तिकीने आपल्या सुरांनी चाहत्यांना मंत्रमुग्ध केलं आहे. 'सा रे ग म प' लिटल चॅम्प्स'च्या पहिल्या पर्वाची कार्तिकी गायकवाड विजेती ठरली होती. कार्तिकीचं 'घागर घेऊन' हे गाणं खूपच लोकप्रिय ठरलं होतं. कार्तिकी सोशल मीडियावर चांगलीच अॅक्टिव्ह आहे. सोशल मीडियाच्या माध्यमातून ती चाहत्यांच्या संपर्कात राहण्याचा प्रयत्न करत असते.
कार्तिकी आई होणार असल्याचे समोर आल्यानंतर चाहत्यांनी तिच्यावर शुभेच्छांचा वर्षाव केला आहे. गायिका असलेली कार्तिकी गायकवाडने रोनित पिसे (Ronit Pise) याच्यासोबत 2020 मध्ये लग्नगाठ बांधली होती. या दोघांचं अॅरेंज मॅरेज आहे. या विवाह सोहळ्याची चर्चा झाली होती. त्यानंतर आता लग्नाच्या चार वर्षानंतर कार्तिकी आई होणार आहे.
कार्तिकीच्या डोहाळ जेवणाच्या कार्यक्रमाचा व्हिडीओ fillamwala या इन्स्टाग्राम पेजवर शेअर करण्यात आला आहे. हा व्हिडीओ पाहून चाहत्यांनी तिच्यावर अभिनंदनाचा वर्षाव केला आहे.
कार्तिकीचे डोहाळे जेवण, दिसला खास अंदाज
कार्तिकीचे खास डोहाळे जेवणाचा कार्यक्रम नुकताच पार पडला. पारंपरिक पद्धतीनं कार्तिकीचं डोहाळे जेवण करण्यात आले. डोहाळे जेवणासाठी कार्तिकीनं हिरवी कलरची साडी नेसली होती. चेहऱ्यावर दिसून येत असलेल्या ग्लोमुळे कार्तिकीचे सौंदर्य आणखीच खुलून आलं होते.
कार्तिकीच्या डोहाळ जेवणात ती आणि तिचा नवरा रोहित ट्रेडिशनल लूकमध्ये दिसले. कार्तिकीने या खास कार्यक्रमासाठी हिरव्या रंगाची जरीची सुंदर साडी नेसली होती तर रोहित शेरवानीमध्ये दिसला. कार्तिकीने या खास सोहळ्यासाठी खास पारंपरिक दागिने घातले होते.
Sa Re Ga Ma Pa Lil Champs kartiki gaikwad pregnancy baby shower Marathi Singer photo video goes viral