'ती मला काहीतरी सांगणार होती...' प्राजक्ताबाबत करण सोनावणेकडून खंत व्यक्त; भाऊच्या धक्क्याआधी नेमका काय प्लॅन झाला?
Karan Sonawane Opens Up on His Bond With Prajakta: करण सोनावणेनं एका मुलाखतीत प्राजक्ताबाबत भाष्य केलं. त्यानं एक खंत व्यक्त केली.
Karan Sonawane Opens Up on His Bond With Prajakta After Exit: बिग बॉस मराठीच्या सहाव्या सिझनमध्ये आतापर्यंत बऱ्याच अनपेक्षित गोष्टी घडल्या. पाचव्या आठवड्यात दोन स्पर्धक एलिमिनेट झाले. करण सोनवणे आणि आयुष संजीव या मराठी कलाकारांना बिग बॉसचं घर सोडावं लागलं. दोन एलिमिनेशन झाल्यामुळे स्पर्धकांसह प्रेक्षकांनाही मोठा धक्का बसला. दरम्यान, करण सोनवणेच्या एलिमिनेशनमुळे प्राजक्ता शुक्रे दु:खी झाली. करण आणि प्राजक्ताची मैत्री आपल्याला बिग बॉसच्या घरात पाहायला मिळाली. बिग बॉसच्या घरात दोघांमध्ये प्रेम फुलेल का? अशी चर्चा रंगली होती. दरम्यान, करणने बिग बॉसच्या घराबाहेर आल्यावर खंत व्यक्त केली आहे. करण सोनवणे नेमकं काय म्हणाला? पाहुयात.
मुलाखतीत करण म्हणाला, 'प्राजक्ताबद्दलची माझी काळजी वाढत चालली होती, असं मला कधीच कुणाबद्दल फील नाही झालं. तिला जो काही त्रास झाला, तो त्रास मलाही झाला. असं मला आई बाबांच्याबाबतीत झालंय. मी तिला म्हटलं होतं की, तुला त्रास झाला तर, मला पण त्रास होतो. जेव्हा राकेशनं तिला त्रास दिला, तेव्हा माझं असं झालं होतं की, याचा आता गेम करायचा. आता मी नाही थांबू शकत. मी नंतर घराबाहेर पडलो', असं करण म्हणाला.
'मला खंत आहे की, ती मला काहीतरी सांगणार होती. भाऊचा धक्का झाला, तेव्हा मला ती बोलली होती की, काहीतरी बोलायचं आहे. आम्ही सर्व जण चिल होतो. प्लॅन करत होतो. दुसऱ्या दिवशी नेमकं काय करायचं? याचा विचार सुरू होता. पण अचानक धक्का बसला. तो धक्का मला तिच्या चेहऱ्यावर दिसला. मला अन् तिला माहित होतं की करण आत येईल. पण जेव्हा सचिन आत आले, तेव्हा तिच्या चेहऱ्यावरचे हावभाव पूर्णपणे बदलले. माझं असं झालं की, मला आत ठेवा, कारण मला तिचीच काळजी वाटत होती', असं करण म्हणाला.
करण अन् प्राजक्तामध्ये मैत्रीपलिकडे नातं
मागच्या आठवड्यात करण आणि प्राजक्ता यांच्यातील मैत्रीपलिकडच्या नात्याची प्रचंड चर्चा झाली. कॅप्टन्सी टास्कमध्ये बोर्डच्या आड लपून दोघांचे रोमान्स सुरु होते. त्यांचा गुपचूप रोमान्स कॅमेऱ्याने कैद केला होता. करणने प्राजक्ताला, 'मी कधी कुणाशी इतकं कनेक्ट झालो नव्हतो. माझ्या आयुष्यातील बंद झालेले दार, तुझ्यामुळे पुन्हा उघडले आहे', असं म्हणत करणने आपल्या भावना व्यक्त केल्या.
महत्त्वाच्या इतर बातम्या:
महत्त्वाच्या बातम्या
