'पिक्चर अभी बाकी है मेरे दोस्त...' घराबाहेर पडताच करण सोनावणेची 'ती' पोस्ट चर्चेत; पुन्हा बिग बॉसमध्ये जाणार?
Karan Sonawane Hints at Comeback in Big boss: बिग बॉसच्या घरातून बाहेर पडताच करण सोनावणेची पोस्ट चर्चेत. चाहत्यांना दिली मोठी हिंट.
Karan Sonawane emotional message after BB Marathi exit: बिग बॉस मराठीच्या सहाव्या सिझनमध्ये दर आठवड्यात भन्नाट ट्विस्ट पाहायला मिळतात. मागच्या आठवड्यात अनेपक्षित काही गोष्टी घडल्या. बिग बॉसच्या घरातून एकाचवेळी दोन स्पर्धक बेघर झाले. आयुष संजीव आणि इन्फ्लुएंसर करण सोनावणे या दोघांना घरातून बेघर करण्यात आले. एकाच दिवशी दोघांचा बिग बॉसच्या घरातील प्रवास संपला. दरम्यान, डबल एलिमिनेशनमुळे स्पर्धकांसह प्रेक्षकांनाही मोठा धक्का बसला. आठवड्याच्या सुरुवातीलाच होस्ट रितेश देशमुखने स्पर्धकांना एलिमिनेशबाबत संकेत दिले होते. या आठवड्यात दोन स्पर्धक बेघर होतील, अशी हिंट त्याने दिली होती. दरम्यान, तसेच घडल्याचे पाहायला मिळालं. घराबाहेर पडताच करण सोनावणेने पोस्ट शेअर केली. त्याची ही पोस्ट लक्षवेधी ठरत आहे.
करण सोनावणेमुळे बिग बॉसच्या घरात रंगत आली होती. टास्क असो किंवा खेळात, करणची मेहनत ठळक दिसत होती. तो एक धडाकेबाज स्पर्धक म्हणून ओळखला जात होता. मात्र, मागच्या आठवड्यात त्याचा बिग बॉसच्या घरातील प्रवास संपला. सुरुवातीला प्रेक्षकांनी त्याला भरभरुन प्रतिसाद दिला. दरम्यान, शेवटी त्याला मतांमुळे शो सोडावा लागला. बिग बॉसच्या घरातून बाहेर पडल्यानंतर सोशल मीडियावर त्यानं एक पोस्ट शेअर केली. चाहत्यांसाठी त्यानं खास मेसेज लिहिला.
बिग बॉसच्या शेवटच्या क्षणी करण सोनावणे भावूक झाला. त्यानं या क्षणाचा व्हिडिओ सोशल मीडियात शेअर केला. त्यानं व्हिडिओवर लिहिलं की, 'भाऊचा आज फायनल धक्का. बिग बॉसचा प्रवास आज इथेच थांबतो आहे. यंदाची ट्रॉफी ठाण्याला येत नाही. पण तुम्ही दिलेल्या प्रेमासाठी मनापासून धन्यवाद...मॅजिकवर आपण विश्वास ठेवूयात', असं त्यानं पोस्टमध्ये लिहिलं. मात्र, काही वेळानंतर त्यानं आणखी एक पोस्ट शेअर केली. त्यानं स्टोरीत फक्त एक ओळ टाकली. ती ओळ चाहत्यांचं नक्कीच लक्ष वेधून घेणारी ठरली.
'पिक्चर अभी बाकी हैं मेरे दोस्त'.. अशी पोस्ट त्यानं शेअर केली. त्याची ही पोस्ट पाहून चाहते संभ्रमात पडले आहे. करण सोनावणे लवकर नव्या प्रोजेक्टची घोषणा करणार आहे का? ती तो पुन्हा बिग बॉसमध्ये जाणार? हे पाहणं महत्त्वाचं ठरेल.
महत्त्वाच्या बातम्या
