Kangana Ranaut : ...म्हणून साऊथ स्टार लोकप्रिय; कंगनानं सांगितली कारणं

कंगना रनौतनं (kangana ranaut) सोशल मीडियावर एक पोस्ट शेअर केली.

Kangana Ranaut

Kangana Ranaut : सध्या बॉलिवूडसोबतच दाक्षिणात्य चित्रपटांना देखील प्रेक्षकांची पसंती मिळत आहे. तमिळ, तेलगू, कन्नड या भाषांमधील चित्रपट प्रेक्षकांची मनं जिंकत आहेत. सध्या  पुष्पा- द राइज या चित्रपटाची चर्चा होत आहे. या चित्रपटात दाक्षिणात्य स्टार अल्लू अर्जुननं (Allu Arjun) प्रमुख भूमिका साकारली आहे. नुकतीच बॉलिवूडमधील प्रसिद्ध अभिनेत्री कंगना रनौतनं (kangana ranaut) सोशल मीडियावर एक पोस्ट शेअर केली. या पोस्टमध्ये तिने दाक्षिणात्य चित्रपट आणि स्टार हे का लोकप्रिय ठरतात, याची तीन कारणं सांगितली आहेत. तसेच या पोस्टमधून तिने दाक्षिणात्य चित्रपटसृष्टीला बॉलिवूडपासून दूर राहण्याचा सल्ला देखील दिला आहे. 

कंगनाची पोस्ट
कंगनानं अल्लू अर्जुन आणि  यश या कलाकारांचा फोटो शेअर केला आहे. हा फोटो शेअर करत तिने पोस्टमध्ये लिहिले , 'सध्या साऊथ कंटेंट आणि साऊथ सुपर स्टार्स हे लोकप्रिय ठरत आहेत याची तीन कारणे आहेत. पहिले कारण हे आहे की ते भारतीय संस्कृतीला जोडले गेलेले आहेत. दुसरं कारण म्हणजे ते त्यांच्या कुटुंबावर प्रेम करतात आणि तिसरं कारण हे आहे की त्यांचे प्रोफेशन आणि पॅशन हे यूनिक आहे. '

'हे' दाक्षिणात्य स्टार्स बॉलिवूडमध्ये करणार एन्ट्री

समंथा लवकरच आता  एका हिंदी चित्रपटात काम करून बॉलिवूडमध्ये पदार्पण करणार आहे. या चित्रपटात समंथा आणि अभिनेत्री तापसी पन्नूची प्रमुख भूमिका असणार आहे, असं म्हटलं जातंय. समंथाबरोबरच रश्मिका मंदाना,विजय देवरकोंडा,नागा चैतन्या हे दाक्षिणात्य कलाकार देखील लवकरच बॉलिवूडमध्ये एन्ट्री करणार आहेत. 

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha