Web Series : अॅमेझॉन एमएक्स प्लेयर (MX Player) या अॅमेझॉनच्या विनामूल्य व्हीडिओ स्ट्रीमिंग प्लॅटफॉर्मवर आतापर्यंत अनेक सीरिज रिलीज करण्यात आल्या आहेत. नुकतीच आता यावर एका नव्या रिलीजची चर्चा सुरु आहे. इश्क इन द एअर’ही सीरिज येत्या 20 सप्टेंबरपासून प्रेक्षकांच्या भेटीला येणार आहे. नुकतच या सीरिजचा ट्रेलर लॉन्च करण्यात आलाय. इंदूर आणि मुंबई या दोन परस्परविरोधी शहरांच्या पार्श्वभूमीवर घडणारे कथानक या सीरिजचे आहे. बीबीसी स्टुडिओज प्रॉडक्शन इंडियाने निर्मित केलेल्या या सीरिजमध्ये शांतनु माहेश्वरी आणि मेधा राणा यांच्या प्रमुख भूमिका आहेत.
नुकताच या सीरिजचा ट्रेलर रिलीज करण्यात आला आहे. इंदूरमधील मेहनती फोटोग्राफर नमनचे आयुष्य ह्यातून उलगडण्यात आले आहेत. नमन त्याच्या कौटुंबिक व्यावसायामध्ये गुंतलेला आहे. दुसरीकडे काव्या ही मुंबईतील एक बिनधास्त मुलगी, जी हेयरस्टाईलिस्ट आहे. स्वतःचा स्वतंत्र मार्ग घडविण्याच्या प्रयत्नात ती आहे.
ही प्रेमाची गोष्ट घडणार?
विमानतळावर अचानक झालेल्या भेटीमुळे नमन आणि काव्या समोरासमोर येतात आणि त्यांच्या प्रवासाला सुरुवात होते. त्यानंतर त्यांच्या दोघांच्याही आयुष्यात एक वळण येतं आणि ते त्यांना नव्याने सापडलेल्या नात्याचा शोध घ्यायला लागतात. नमन आणि काव्या एकमेकांमधलं अंतर कमी करुन त्यांच्या प्रेमाच्या प्रवासाला सुरुवात करणार का? हे पाहणं उत्सुकतेचं ठरेल.
कलाकारांनी काय म्हटलं?
दरम्यान या सिनेमात नमनची भूमिका साकारणार्‍या शांतनु माहेश्वरी यांनी म्हटलं की, एमएक्स प्लेयरवर पुन्हा एकदा एक नवी गोष्ट अनुभव छान वाटतंय. ही सीरिज प्रेक्षकांना खूप भावेल. इश्क इन द एअर ही एक प्रेमकथा आहे, जी वेगवेगळ्या पार्श्वभूमीच्या नमन आणि काव्या या दोन व्यक्तींना एकत्र आणते. ते प्रेमाच्या प्रवासाला सुरुवात करतात. नमन आणि काव्या, यांच्या प्रेमाचे विमान उंच भरारी घेत असताना, ते जीवनातील चढ-उतारांमधून संबंध आणि भक्तीचा खरा अर्थ शोधून काढतात. त्यामुळे आता प्रेक्षकांचा प्रतिसाद पाहण्यासाठी मी उत्सुक आहे.
काव्या मेहराची भूमिका साकारणाऱ्या मेधा राणाने म्हटलं की, "इश्क इन द एअर ही एक प्रेमकथा आहे, जी प्रेक्षकांना एक सुंदर अनुभव देईल. या प्रोजेक्टवर काम करणं हा एक खरंच मजेदार आणि समृद्ध करणारा अनुभव आहे. प्रेक्षकही यावर तितकंच प्रेम करतील, जेवढं आम्ही तो तयार करताना केलं होतं, यावर मलाही विश्वास आहे.
ही बातमी वाचा :
Stree 2 OTT Release: सिनेमागृहानंतर आता 'तो' तुमच्या घरी येणार, कधी आणि कुठे पाहाल 'स्त्री-2'?