शाहरुख-सलमान -आमिरने साठी ओलांडलीय,तरुण पिढीला त्यांना बघण्यात इंटरेस्ट नाही, इम्रान खान थेटच म्हणाला..
त्यांना 30 वर्षांचे स्टारडम मिळाले आहे, ज्याची कल्पनाही करणे किंवा बरोबरी करणे कठीण आहे. पण एखाद्या कलाकाराच्या प्रवासात हे स्वाभाविक असते की वय वाढल्यावर त्याच्या भूमिका बदलतात.” असही तो म्हणाला.
Imran Khan: गेल्या 30 वर्षांपासून शाहरुख खान, सलमान खान आणि आमिर खान हे तिघेही बॉलिवूडवर राज्य करत आहेत. त्यांच्या स्टारडमला टक्कर देणारे कलाकार आजपर्यंत फार कमीच आले आहेत. बॉक्स ऑफिसवर हे तीनही खान यशाची हमी समजले जातात. मात्र, मागील काही वर्षांत प्रेक्षकांची मानसिकता बदलली आहे आणि ते आता कंटेंटबाबत अधिक निवडक झाले आहेत. अशा परिस्थितीत सिनियर स्टार्सनी आत्मपरीक्षण करण्याची गरज आहे असं अभिनेता इम्रान खान म्हणालाय. (Imran Khan)
एका वयानंतर लीड रोल करता येत नाही
न्यूज 18 ला दिलेल्या मुलाखतीत इमरान खान म्हणाला, “एका विशिष्ट वयानंतर तुम्ही लीड रोल करू शकत नाही. लीडिंग मॅन म्हणून काम करणारे कलाकारही वयस्कर होत जातात. काही वर्षे अशी असतात जेव्हा तुम्ही लीडिंग मॅन म्हणून काम करू शकता, पण त्यानंतर एक अशी वेळ येते जेव्हा ते रोल तुमच्यासाठी योग्य राहत नाहीत. तिन्ही खान आता 60 वर्षांपेक्षा जास्त वयाचे आहेत. त्यांना 30 वर्षांचे स्टारडम मिळाले आहे, ज्याची कल्पनाही करणे किंवा बरोबरी करणे कठीण आहे. पण एखाद्या कलाकाराच्या प्रवासात हे स्वाभाविक असते की वय वाढल्यावर त्याच्या भूमिका बदलतात.”
स्टारडमही बदलत जाते
इमरान पुढे म्हणाला,“स्टारडम देखील बदलत जाते. एक प्रेक्षकवर्ग असा असतो जो तुमच्यासोबत मोठा झालेला असतो, पण त्याचवेळी एक नवीन तरुण पिढीही येते, जी स्वतःच्या वयाच्या आणि अनुभवाच्या जवळच्या लोकांशी जोडली जाते. जेव्हा आपण चित्रपट किंवा शो पाहतो, तेव्हा त्या कथांमध्ये आणि पात्रांमध्ये स्वतःला पाहण्याचा प्रयत्न करतो. स्वाभाविकच, आपण आपल्या वयाच्या आणि जीवनानुभवाच्या जवळच्या व्यक्तीशी अधिक जोडले जातो. तरुण पिढी कदाचित 70 वर्षांच्या माणसाची कथा पाहू इच्छित नाही.”
शाहरुख, आमिर आणि सलमानची बॉक्स ऑफिस स्थिती
शाहरुख खान: 2018 मध्ये झिरो फ्लॉप ठरल्यानंतर 2023 मध्ये पठाण आणि जवानद्वारे दमदार कमबॅक केला. हे दोन्ही चित्रपट ब्लॉकबस्टर ठरले. मात्र, त्याच वर्षी आलेल्या डंकीला अपेक्षित यश मिळाले नाही. आता त्याच्या आगामी किंग चित्रपटाकडे चाहत्यांचे लक्ष आहे.
आमिर खान: लाल सिंह चड्ढा बॉक्स ऑफिसवर अपयशी ठरला. त्यानंतर आलेल्या सितारे जमीन पर या चित्रपटाने सरासरी कमाई केली.
सलमान खान: 2018 पासून सलमान खान कठीण काळातून जात आहेत. त्यांच्या अनेक चित्रपटांना व्यावसायिक अपयश आले, ज्यात सिकंदरचाही समावेश आहे. आता त्यांचा बॅटल ऑफ गलवान हा चित्रपट लवकरच प्रदर्शित होणार आहे.
महत्त्वाच्या बातम्या
