Hemant Birje : बॉलिवूडचा टार्जन अशी ओळख असणारा अभिनेता हेमंत बिर्जे यांचा (Hemant Birje) कारचा काल मुंबई-पुणे एक्सप्रेस-वे येथे अपघात झाला. या अपघातात त्याची पत्नी जखमी झाली आहे. रात्री आठ वाजता ही घटना उर्से टोल प्लाजा येथे घडली आहे. मंगळवारी सायंकाळी बिर्जे, त्यांच्या पत्नी आणि मुलगी हे पुण्याला निघणार होते. पण तत्पूर्वी हेमंत बिर्जे यांनी सर्दीवरच्या दोन गोळ्या खाल्ल्या आणि मग चारचाकी गाडीचे स्टेरिंग हाती घेतलं. मुंबईतील प्रवास पूर्ण करून ते द्रुतगती मार्गाला लागले. मुंबई-पुणे द्रुतगती मार्गावरील बोरघाट, खंडाळा आणि लोणावळा ही त्यांनी मागे टाकला. पण उर्से टोल नाक्या जवळ बिर्जे यांच्या डोळ्यावर झापड आली. सर्दीच्या गोळ्यांमुळं त्यांना झोप येऊ लागली. बिर्जे यांचा गाडीवरचा ताबा सुटला आणि गाडी डिव्हायडरला जाऊन धडकली. या अपघातात स्वतः हेमंत बिर्जे आणि त्यांचे कुटुंब जखमी झाले आहे.
हेमंत बिर्जे यांनी बॉलिवूडमधील 'अॅडवेंचर्स ऑफ टार्जन' या चित्रपटात टार्जनची भूमिका साकारली. या चित्रपटाने बॉक्स ऑफिसवर धुमाकूळ घातला होता. या चित्रपटामुळेचं हेमंत बिर्जे यांची बॉलिवूडचा टार्जन अशी ओळख निर्माण झाली. 'अॅडवेंचर्स ऑफ टार्जन' या चित्रपटाबरोबरच हेमंतने वीराना, तहखाना, सिंदूर और बंदूक, सौ साल बाद, आज के शोले, जंगली टार्जन, लश्कर, इक्के पे इक्का या चित्रपटांमध्ये काम केले आहे.
खाजगी रुग्णालयात त्यांना अपघाताचे कारण विचारले असता, त्यांनी सर्दीवरील औषधं खाऊन गाडी चालवत असल्याचे कबूल केले.
संबंधित बातम्या
Honeymoon Movie : जास्मिन भसीन आणि गिप्पी ग्रेवालच्या 'हनीमून' सिनेमाच्या शूटिंगला सुरुवात
Happy Birthday Vamika : विराट -अनुष्काच्या लाडक्या लेकीचा पहिला वाढदिवस, चाहत्यांनी दिल्या शुभेच्छा
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha