Honeymoon Movie : जास्मिन भसीन आणि गिप्पी ग्रेवालच्या 'हनीमून' सिनेमाच्या शूटिंगला सुरुवात

Honeymoon Movie : गिप्पी ग्रेवाल आणि जास्मिन भसीन सध्या त्यांच्या आगामी 'हनीमून' सिनेमाचे शूटिंग करत आहेत.

Honeymoon Movie : बिग बॉस 14 (Bigg Boss 14) फेम  जास्मिन भसीन (Jasmin Bhasin) लवकरच एका पंजाबी सिनेमात दिसणार आहे. पंजाबचा सुपरस्टार गायक आणि अभिनेता गिप्पी ग्रेवाल (Gippy Grewal) सोबत ती तिच्या आगामी सिनेमात दिसणार आहे. या संदर्भात माहिती देत गिप्पीने सिनेमाच्या सेटवरील क्लॅप बोर्डसोबतचे फोटोदेखील सोशल मीडियावर शेअर केले आहेत. 

जास्मिनने फोटो शेअर करत कॅप्शन लिहिले आहे, एका नव्या प्रवासाची सुरुवात. मी आणि  गिप्पी ग्रेवाल 'हनीमून' या चित्रपटाद्वारे तुम्हाला भेटण्यासाठी सज्ज आहोत. अमरप्रीत छाबरा या चित्रपटाचे दिग्दर्शन करत आहे. जास्मिनने शेअर केलेल्या फोटोत ती पंजाबी लूकमध्ये दिसून येत आहे.

भूषण कुमार, कृष्ण कुमार, हरमन बावेजा, विकी बहरी यांच्या 'हनीमून' या चित्रपटाचे शूटिंग आजपासून सुरू झाले आहे. हनीमून या सिनेमात एका नवविवाहित जोडप्याची कथा दाखवण्यात आली आहे. जास्मिनचे चाहते तिच्या आगामी सिनेमासाठी खूप उत्सुक आहेत. 

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha