'खूप आधीच मिळायला हवा होता' धर्मेंद्र यांना पद्म पुरस्कार जाहीर होताच हेमा मालिनींची प्रतिक्रिया चर्चेत, म्हणाल्या 'सरकारने आता..'
अनेक दशकांहून अधिक काळ त्यांनी हिंदी चित्रपटसृष्टीवर अधिराज्य गाजवले. त्यांच्या निधनानंतर एका पर्वाचा अंत झाला, असं म्हटलं जात आहे.
Hema Malini On Dharmendra Padma Award: दिग्गज अभिनेते धर्मेंद्र (Dharmendra) यांचे 24 नोव्हेंबर 2025 रोजी मुंबईतील त्यांच्या निवासस्थानी निधन झाले. ते 89 वर्षांचे होते. कला क्षेत्रातील त्यांच्या अतुलनीय योगदानाची दखल घेत आता त्यांना मरणोत्तर पद्म विभूषण पुरस्काराने सन्मानित करण्यात आले आहे.प्रजासत्ताक दिनाच्या पूर्वसंध्येला केंद्र सरकारने पद्म पुरस्कारांची घोषणा करण्यात आली. अनेक दशकांहून अधिक काळ हिंदी चित्रपटसृष्टीवर अधिराज्य गाजवणाऱ्या धर्मेंद्र त्यांच्या भरीव वारशाला या पुरस्कारामुळे राष्ट्रीय मान्यता मिळाली आहे. अनेक दशकांहून अधिक काळ त्यांनी हिंदी चित्रपटसृष्टीवर अधिराज्य गाजवले. त्यांच्या निधनानंतर एका पर्वाचा अंत झाला, असं म्हटलं जात आहे. दरम्यान, त्यांच्या निधनानंतर आज त्यांना मरणोत्तर पद्मविभूषण पुरस्काराने गौरवण्यात येणार आहे.
धर्मेंद्र यांना हा मान मिळाल्यानंतर त्यांची पत्नी व अभिनेत्री हेमा मालिनी (Hema Malini) यांनी भावना व्यक्त केल्या आहेत. हेमा मालिनी म्हणाल्या धर्मेंद्र यांना हा सन्मान खूप आधीच मिळायला हवा होता. मात्र आता सरकारने तो दिला, हा मुळातच मोठा सन्मान असल्याचे त्यांनी सांगितले.
लोकांसाठी सदैव मदतीचा हात
हेमा मालिनी यांनी सांगितले की 'आज सकाळीच त्यांना धर्मेंद्र यांना मरणोत्तर पद्म विभूषण दिल्याची माहिती मिळाली आणि त्यांना त्याचा अत्यंत अभिमान वाटतो.' हिंदुस्तान टाइम्सशी बोलताना त्या म्हणाल्या, “एक अभिनेता म्हणूनच नाही तर एक माणूस म्हणूनही ते विलक्षण होते. ते नेहमी लोकांच्या मदतीसाठी पुढे यायचे. हे खरंच असामान्य होतं. ते या सन्मानाचे पूर्णपणे पात्र आहेत.” हेमा पुढे म्हणाल्या की हा पुरस्कार धर्मेंद्र यांना खूप आधीच मिळायला हवा होता. मात्र आता सरकारने तो दिला, हा मुळातच मोठा सन्मान असल्याचे त्यांनी सांगितले.
भावूक पोस्ट शेअर
पद्म पुरस्कार 2026 जाहीर झाल्यानंतर रविवारी हेमा मालिनी यांनी X माध्यमावरही धर्मेंद्र यांच्यासाठी एक भावूक पोस्ट शेअर केली. त्यांनी लिहिले, “सरकारने धर्मजींच्या चित्रपटसृष्टीतील योगदानाची दखल घेत त्यांना प्रतिष्ठित पद्म विभूषण पुरस्काराने सन्मानित केल्याचा मला खूप अभिमान वाटतो.”
So so proud that the govt has recognised Dharam ji’s immense contribution to the film industry by bestowing on him the prestigious Padma Vibhushan award🙏 pic.twitter.com/5zJnA53MT0
— Hema Malini (@dreamgirlhema) January 25, 2026
महत्त्वाच्या बातम्या
