Happy Birthday Superstar Mohanlal : दाक्षिणात्य चित्रपटसृष्टीमधील प्रसिद्ध अभिनेता मोहनलाल (Mohanlal) यांचा आज 62 वा वाढदिवस. मोहनलाल यांनी मल्याळम चित्रपटसृष्टीमध्ये विशेष ओळख निर्माण केली आहे. त्यांचे पूर्ण नाव मोहनलाल विश्वनाथ नायर असं आहे. त्यांच्या वाढदिवसानिमित्त जाणून घेऊयात त्यांच्याबाबत काही खास गोष्टी.


मोहनलाल यांचा जन्म 21 मे 1960 रोजी केरळमधील एलनथूरमध्ये झाला. 1978  मध्ये रिलीज झालेल्या 'थिरानोत्तम' या चित्रपटामधून  मोहनलाल यांनी अभिनय क्षेत्रातमध्ये पदार्पण केलं.  त्यांचा चाहता वर्ग मोठा आहे.  मस्टीटॅलेंट अभिनेता अशी मोहनलाल यांची ओळख आहे. मोहनलाल हे निर्माते, गायक आणि थिएटर आर्टिस्ट आहेत. अभिनय क्षेत्रामध्ये पदार्पण करण्याआधी मोहनलाल हे रेसलर होते. मोहनलाल यांनी 1977-78 मध्ये केरळ रेसलर चॅम्पियनशिप ट्रॉफी देखील जिंकली. 


मोहनलाल यांची संपत्ती 
मोहनलाल यांची एकूण संपत्ती 365 कोटी रुपये आहे.  त्यांचे ऊटीमध्ये स्वत:चे घर आहे. तसेच दुबई येथील बुर्ज खलीफामध्ये 29 व्या मजल्यावर मोहनलाल यांचा स्वत:चा फ्लॅट आहे. हा फ्लॅट 2011 मध्ये त्यांनी विकत घेतला. मोहनलाल यांच्याकडे लग्झरी गाड्यांचे देखील कलेक्शन आहे. त्यांच्याकडे  मर्सडीज बेंज, बीएमडब्ल्यू, जगुआर, रेंज रोवर, टोयटा इनोवा, मर्सडीज बेंज एस क्लास या आलिशान गाड्या आहेत.  मल्याळम भाषेतील चित्रपटांबरोबरच तमिळमधील 'इरुवर', हिंदीमधील 'कंपनी' आणि तेलगूमधील 'जनथा गार्गी' हे त्यांचे हिट चित्रपट आहेत. जनता गॅराज, दृश्यम, योद्धा, ग्रँडमास्टर, ओप्पम, मणिचित्राथाजू, विलेन,  इरूवर या मोहनलाल यांच्या चित्रपटांना प्रेक्षकांची विशेष पसंती मिळाली. मोहनलाल यांचे 1986 या एकाच वर्षामध्ये जवळपास 34 चित्रपट प्रदर्शित झाले. त्यापैकी जवळपास 28 चित्रपट बॉक्स ऑफिसवर हिट ठरले.


मोहनलाल यांचे आगामी चित्रपट 
मोहनलाल यांचे काही आगामी चित्रपट लवकरच रिलीज होणार आहेत. या वर्षी त्यांचे अलोन, मोन्सचर, बरोजः गार्जियन ऑफ डी गामास ट्रेजर हे चित्रपट रिलीज होणार आहेत. तसेच 2023 मध्ये 'राम और एल 2 इम्पुरन' हा चित्रपट रिलीज होणार आहे. 


हेही वाचा :