हानिया आमिरचं जमलं? सिंगरसोबत अडकली लग्नबंधनात? व्हायरल व्हिडीओमुळे चाहते पेचात
Hania Aamir and Asim Azhar Reunite: हानिया आमिरचा व्हिडिओ व्हायरल. अभिनेत्रीनं लग्न केले असल्याची चर्चा.
Hania Aamirs Wedding Rumours Spark Buzz: पाकिस्तानी अभिनेत्री हानिया आमिरच्या क्युटनेसवर तिचे चाहते फिदा आहेत. भारतातही तिचा चाहतावर्ग खूप मोठा आहे. तिच्या सौंदर्याने प्रत्येकजण मोहित होतो. हानिया सोशल मीडियात प्रचंड चर्चेत असते. ती दैनंदिन आयुष्याच्या निगडीत पोस्ट करत असते. दरम्यान, हानिया आमिर पुन्हा एकदा चर्चेत आली आहे. परंतु, तिच्या चर्चेत येण्यामागचं कारण वेगळं आहे. सध्या हानिया तिच्या लग्नामुळे चर्चेत आली आहे. ही अभिनेत्री आसिम अजहरशी गुपचूप विवाहबंधनात अडकणार असल्याची माहिती आहे.
गेल्या महिन्याभरापासून हानिया आमिरच्या लग्नाची प्रचंड चर्चा होत आहे. हानिया आणि आसीम रमजान महिन्यात लग्न करतील, अशी माहिती समोर आली आहे. एका खासगी समारंभात दोघेही निकाह करतील, अशी माहिती आहे. रमजान सुरू होण्यापूर्वी हानिया आमिरचा एक व्हिडिओ समोर आला आहे. ज्यामध्ये ती नाचत आणि गाताना दिसत आहे. या व्हिडिओत आसीम देखील दिसत आहे. हानिया आणि आसीम लग्नाच्या वातावरणात दिसत आहे. या समारंभात मोठ्या संख्येनं लोक उपस्थित होते. अभिनेत्रीनं पिवळ्या रंगाचा सूट परिधान केला होता. तिच्यावर फुलांचा हार घालण्यात आला आहे. तर, आसीम काळा कुर्ता घालून हानियासोबत नाचताना दिसत आहे.
View this post on Instagram
हानिया आमिरचा हा व्हिडिओ सोशल मीडियात व्हायरल होत आहे. तर, दुसऱ्या व्हिडिओमध्ये हानिया काही महिलांसोबत नाचताना दिसत आहे. व्हिडिओच्या शेवटी हानिया आमीर 'माझं लग्न झालं', असं म्हणताना दिसत आहे. दोन्ही व्हिडिओ समाजमाध्यमांमध्ये तुफान व्हायरल होत आहे. दरम्यान, मीडिया रिपोर्ट्सनुसार, हे व्हायरल व्हिडिओ हानिया आमिरच्या वाढदिवसाचा आहे. तिचा वाढदिवस 12 फेब्रुवारी रोजी असतो. वाढदिवसाच्या पार्टीची थीम 'लग्न' अशी होती. हे व्हिडिओ पाहून चाहत्यांना प्रचंड धक्का बसला.
हानिया आणि आसीम यांचा डेटिंगचा इतिहास खूप रंजक आहे. काही वर्षांपूर्वी दोघांची भेट झाली होती. 2018 साली त्यांनी डेटिंगला सुरुवात केली. परंतु, 2020 साली दोघांचे नाते संपुष्टात आले. आसीमनं एका अभिनेत्री - मॉडेलसोबत लग्न केलं. परंतु, 2025 साली दोघांनी काडीमोड घेतला. आसीम पुन्हा हानियासोबत दिसला आहे.
महत्त्वाच्या बातम्या
