Ghar Bandook Biryani : "आशेच्या भांगेची नशा भारी"; नागराज मंजुळेंच्या 'घर बंदूक बिरयानी'ची रिलीज डेट पुढे ढकलली, 'या' दिवशी येणार प्रेक्षकांच्या भेटीला

Nagraj Manjule : नागराज मंजुळे यांचा 'घर बंदूक बिरयानी' हा सिनेमा आता 7 एप्रिल 2023 रोजी प्रेक्षकांच्या भेटीला येणार आहे.

Ghar Bandook Biryani

Ghar Bandook Biryani Release Date : नागराज मंजुळेंच्या (Nagraj Manjule) 'घर बंदूक बिरयानी' (Ghar Bandook Biryani) या सिनेमाची रिलीज डेट पुढे ढकलण्यात आली आहे. आधी हा सिनेमा 30 मार्च 2023 रोजी प्रदर्शित होणार होता. पण आता हा सिनेमा 7 एप्रिल 2023 रोजी प्रेक्षकांच्या भेटीला येणार आहे. 

नागराज मंजुळे यांनी खास पोस्ट शेअर करत रिलीज डेट बदलल्याची माहिती चाहत्यांना दिली आहे. या सिनेमाचे नवे पोस्टर शेअर करत त्यांनी लिहिलं आहे,"आशेच्या भांगेची नशा भारी... 'घर बंदूक बिरयानी' आता 7 एप्रिल 2023 ला जाळ धूर अन् धमाका...संगटच...'घर बंदूक बिरयानी'च्या नावानं चांगभलं". नागराजच्या या पोस्टवर चाहते कमेंस्ट करत आगामी सिनेमासाठी त्याला शुभेच्छा देत आहेत.

 

 

 

 

 

View this post on Instagram

 

 

 

 

 

 

 

 

 

 

 

A post shared by Nagraj Popatrao Manjule (@nagraj_manjule)

'घर बंदूक बिरयानी'बद्दल जाणून घ्या...

'घर बंदूक बिरयानी' या सिनेमाच्या माध्यमातून नाजराज मंजुळे प्रेक्षकांच्या मनोरंजनसाठी सज्ज झाले आहेत. काही महिन्यांपूर्वीच हेमंत अवताडे दिग्दर्शित 'घर बंदूक बिरयानी' या सिनेमाचा टीझर प्रेक्षकांच्या भेटीला आला होता. पोलीस आणि डाकू यांच्यातील चकमक यात दिसत होती. हे नेमकं काय प्रकरण आहे, हे जाणून घेण्याची सर्वांना उत्सुकता लागलेली असतानाच आता या सिनेमाचे एक नवीन पोस्टर झळकले आहे. यात सिनेमाच्या प्रदर्शनाची तारीखही जाहीर करण्यात आली आहे. येत्या 7 एप्रिलला 'घर बंदूक बिरयानी' सिनेमागृहात प्रदर्शित होणार असून सयाजी शिंदे (Sayaji shinde), आकाश ठोसर (Akash Thosar) आणि नागराज मंजुळे (Nagraj Manjule) यांच्या प्रमुख भूमिका असलेला हा सिनेमा एकाच वेळी मराठी, हिंदी, तामिळ आणि तेलुगु भाषेत प्रदर्शित होणार आहे.

नागराज मंजुळे यांचे 'फॅन्ड्री', 'सैराट', 'नाळ', 'झुंड' हे सिनेमे प्रेक्षकांच्या भेटीला आले आहेत. त्याच्या सिनेमांची चाहत्यांना चांगलीच उत्सुकता असते. आता 'घर बंदूक बिरयानी' या सिनेमाचे पोस्टर रिलीज झाल्याने चाहते या सिनेमाची चाहत्यांना उत्सुकता लागली आहे. या सिनेमातील 'गुनगुन' हे पहिलं गाणं आज प्रेक्षकांच्या भेटीला येणार आहे. त्यामुळे 'व्हॅलेंटाईन्स डे'च्या आदल्या दिवशीच प्रेमाचा रंग चढणार आहे. लवकरच या सिनेमाचा ट्रेलर प्रेक्षकांच्या भेटीला येणार आहे. 

संबंधित बातम्या