Dharmendra Pradhan on Jyotirmayee Nayak: 'इंडिअन आयडल सिझन 16' च्या विजेतीचं माजी क्रेंद्रीय शिक्षणमंत्री धर्मेंद्र प्रधानांकडून कौतुक, पोस्ट शेअर करत म्हणाले...
Dharmendra Pradhan Congratulates Indian Idol 16 Winner: धर्मेंद्र प्रधानांकडून 'इंडिअन आयडल सिझन 16'च्या विजेतीचं कौतुक. पोस्ट शेअर करत शुभेच्छा दिल्या.
Indian Idol 16 Winner: सोनी टिव्हीतील सिंगिंग रिअॅलिटी शो 'इंडिअन आयडल सिझन 16'ने (Indian Idol 16) आपला विनर घोषित केला आहे. काल रात्री या प्रसिद्ध शोचा फिनाले पार पडला. या फिनालेमध्ये सुरांची तगडी स्पर्धा पाहायला मिळाली. दरम्यान, या फिनालेत ओडीशाच्या (Orissa) ज्योतीर्मयी नायकने 'इंडिअन आयडल सिझन 16'चे विजेतेपद पटकावले. बऱ्याच वर्षांची मेहनत, कठीण ऑडिशन्स आणि धमाकेदार परफॉर्मेन्सनंतर ज्योतिर्मयी नायकने (Jyotirmayee Nayak) ट्रॉफी आपल्या नावे केली. काल विजेतेपद घोषित झाल्यानंतर तिच्यावर कौतुकाचा वर्षाव होत आहे. आता माजी केंद्रीय शिक्षणमंत्री धर्मेंद्र प्रधान (Dharmendra Pradhan) यांनी 'इंडिअन आयडल सिझन 16'च्या विनरला शुभेच्छा दिल्या आहेत. त्यांनी सोशल मीडियावर पोस्ट शेअर करत शुभेच्छा दिल्या आहेत. सध्या त्यांची पोस्ट सोशल मीडियात व्हायरल होत आहे. 'तिचे यश देशातील तरुणांसाठी प्रेरणादायी ठरेल', असं त्यांनी आपल्या पोस्टमध्ये म्हटलं आहे.
धर्मेंद्र प्रधानांकडून 'इंडिअन आयडल सिझन 16'च्या विजेतीचं पोस्ट शेअर करुन कौतुक (Jyotirmayee Nayak wins Indian Idol Season 16)
'इंडिअन आयडल सिझन 16' या शोची 'यादों की प्लेलिस्ट' ही थीम होती. या सिझनच्या फिनालेमध्ये 5 स्पर्धकांमध्ये सुरांची टक्कर होती. अंशिका चोनकर, मनराज वीर सिंह, मायसिमे बसू, सुहैल सूफी आणि तनिष्क शु्क्ला यांच्यात स्पर्धा सुरु होती. या सर्व स्पर्धकांना मात देत ज्योतिर्मयी नायक हिने विजेतेपदाचा मान पटकावला. विजेतापद जिंकल्यानंतर तिच्यावर कौतुकाचा वर्षाव होत आहे. सोशल मीडियावर तिचं कौतुक होत आहे. अशातच धर्मेंद्र प्रधान यांनीही ज्योतिर्मयी नायक हिचं कौतुक केलं आहे, शुभेच्छा दिल्या आहेत.
ଇଣ୍ଡିଆନ୍ ଆଇଡଲ୍-୧୬ର ବିଜେତା ହୋଇଥିବା ଓଡ଼ିଶାର ଝିଅ ଜ୍ୟୋତିର୍ମୟୀ ନାୟକଙ୍କୁ ଅନେକ ଶୁଭେଚ୍ଛା । ନିଜର ସୁମଧୁର ସ୍ୱର ଓ କଠିନ ପରିଶ୍ରମ ବଳରେ ସେ ସମଗ୍ର ଦେଶରେ ଓଡ଼ିଶାର ନାଁ ଉଜ୍ଜ୍ୱଳ କରିଛନ୍ତି । ତାଙ୍କର ଏହି ନିଷ୍ଠାପର ସାଧନା ଓ ସଫଳତା ଯୁବପିଢିଙ୍କୁ ପ୍ରେରିତ କରିବ । #IndianIdol16
— Dharmendra Pradhan (@dpradhanbjp) July 26, 2026
धर्मेंद्र प्रधान यांनी आपल्या अधिकृत एक्स अकाऊंटवर पोस्ट शेअर केली आहे. 'ओडीशातील मुलगी ज्योतिर्मयी नायक हिनं इंडियन आयडलच्या 16 व्या सिझनचं विजेतापद पटकावलं. तिला मन:पूर्वक अभिनंदन. आपल्या सुरीली आवाज आणि अथक परिश्रमातून तिनं संपूर्ण देशात ओडीशाला गौरव मिळवून दिला. तिचे हे समर्पण आणि यश आजच्या युवकांना नक्कीच प्रेरणा देईल', असं त्यांनी आपल्या पोस्टमध्ये म्हटलं आहे.
ज्योतिर्मयी नायक हिनं 'इंडियन आयडल'च्या सोळाव्या सिझनच्या विजेतापदाचा मान पटकावल्यामुळे केवळ कुटुंबाची नाही तर, ओडीशाचीही मान उंचावली आहे. तिनं संपूर्ण सिझन आपल्या सुरेल आवाजातून प्रेक्षकांचं मनोरंजन केलं. ट्रॉफीसोबत ज्योतिर्मयी नायकने 20 लाखांचा धनादेश जिंकला. तसेच सोनीकडून सिंगिग कॉन्ट्रेक्टही मिळाला आहे. सध्या तिच्यावर चाहत्यांकडून कौतुकाचा वर्षाव होत आहे.
महत्त्वाच्या इतर बातम्या:
महत्त्वाच्या बातम्या
