Prabhas Birthday: 'बाहुबली'फेम सुपरस्टार प्रभासच्या 'या' चित्रपटांनीही बॉक्स ऑफिसवर छप्परफाड केलीये कमाई
साउथचा सुपरस्टार प्रभास आज त्याचा 45 वा वाढदिवस साजरा करत आहे. बाहुबली चित्रपटाने मनोरंजन सृष्टीत इतिहासच रचला गेला पण त्याच्या इतर काही चित्रपटांनी सुद्धा बॉक्स ऑफिसवर चांगलीच कमाई केली आहे.
Prabhas birthday: साउथचा सुपरस्टार प्रभासने आपल्या बाहुबलीतील भूमिकेने जगभरातील प्रेक्षकांच्या मनात नाव कोरलं. भारतीय चित्रपट सृष्टीत सर्वात जास्त कमाई करणाऱ्या अभिनेत्यांपैकी प्रभास एक आहे. 20 चित्रपट सात फिल्म फेर पुरस्काराने जगभरातील शंभर कोटींपेक्षाही अधिक कमाई करणाऱ्या चित्रपटांमध्ये काम करणारा तो एकमेव अभिनेता असल्याचं सांगितलं जातं. साउथचा सुपरस्टार प्रभास आज त्याचा 45 वा वाढदिवस साजरा करत आहे. बाहुबली चित्रपटाने मनोरंजन सृष्टीत इतिहासच रचला गेला पण त्याच्या इतर काही चित्रपटांनी सुद्धा बॉक्स ऑफिसवर चांगलीच कमाई केली आहे. बॉक्स ऑफिसवर चालणारे हे त्याचे टॉप चित्रपट आहेत.
बाहुबली द बिगिनिंग
बाहुबली द बिगिनिंग या चित्रपटाला नऊ वर्ष पूर्ण झाले असले तरीही अजूनही बाहुबली चित्रपट तेवढ्याच आवडीने पाहिला जातो. एस एस रजमौली दिग्दर्शित बाहुली चित्रपटांना कित्येक चित्रपटांचे रेकॉर्ड मोडले. शंभर कोटींहूनही अधिक कमाई करत हा चित्रपट ब्लॉकबस्टर ठरला. बॉलीवूड हंगामाने दिलेल्या माहितीनुसार, 118.7 कोटी रुपये कमाई या चित्रपटाने केली आहे.
बाहुबली द कन्क्लूजन
बाहुबली द बिगिनिंगने जेवढा धमाका बॉक्स ऑफिसवर केला, त्याचे सर्व रेकॉर्ड मोडीत काढत बाहुबली द कन्क्लूजन या चित्रपटाने 500 कोटीहून अधिक रुपयांचा बॉक्स ऑफिसवर गल्ला केला. ऑल टाइम ब्लॉकबस्टर या कॅटेगरीत या चित्रपटाचा समावेश केला जातो. 510 कोटींचा गल्ला करणाऱ्या या चित्रपटाने रेकॉर्ड ब्रेक कमाई तर केलीच पण आजही त्यातील डायलॉग व गाणी प्रेक्षकांच्या मनात आहेत.
साहो
प्रभासची प्रमुख भूमिका असणारा साहो चित्रपट 2019 मध्ये प्रदर्शित झाला. बाहुबली नंतर प्रदर्शित झालेल्या प्रभासच्या यशस्वी चित्रपटांमध्ये हा सिनेमा गणला जातो. याही चित्रपटाने शंभर कोटींचा गल्ला ओलांडून तब्बल 142 कोटी कमवत बॉक्स ऑफिसवर चांगलीच कमाई केली. प्रदर्शित झाला त्याच दिवशी 24 कोटींचा गल्ला या चित्रपटाने कमावला होता.
सालार
22 डिसेंबर 2023 रोजी प्रदर्शित झालेल्या सालार या चित्रपटाने 150 कोटींहून अधिक कमाई करत बॉक्स ऑफिसवर हिट टॅग मिळवला. बॉक्स ऑफिसवर झालेल्या कमाईच्या आकडेवारीनुसार या चित्रपटाने 153 कोटी रुपये कमवले आहेत. पहिल्या दिवशी 18 कोटी पहिल्या आठवड्यात 54 कोटी तर एकूण 153.84 कोटी रुपयांची कमाई या चित्रपटाने केली.
कल्की 2898 AD चित्रपटही चांगलाच चालला
27 जून 2024 रोजी प्रदर्शित झालेला कल्की 2898 AD या चित्रपटाची चांगलीच क्रेज सुरुवातीला प्रेक्षकांमध्ये दिसली. प्रदर्शित झालेल्या दिवशी 22 कोटी आणि शेवटी 294 कोटींचा गल्ला या चित्रपटाने बॉक्स ऑफिसवर कमावलाय. दीपिका पदुकोण आणि प्रभास प्रमुख भूमिकेत असलेल्या या चित्रपटाने बॉक्स ऑफिसवर तर दणदणीत विजय मिळवलेला दिसतो.
महत्त्वाच्या बातम्या
