Entertainment News Live Updates 6 December : टीव्हीपासून ते बॉलिवूडपर्यंत... मनोरंजन विश्वात काय घडतंय जाणून घ्या एका क्लिकवर!
Entertainment Live : मनोरंजन विश्वात सध्या काय नवं घडतंय, याची देखील सर्वांनाच उत्सुकता असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
Vedant Marathe Veer Daudale Saat: बॉलिवूडमधील प्रसिद्ध अभिनेता अक्षय कुमार(Akshay Kumar) हा 'वेडात मराठे वीर दौडले सात' (Vedant Marathe Veer Daudale Saat) या चित्रपटात छत्रपती शिवाजी महाराज यांची भूमिका साकारणार आहे. या चित्रपटाच्या शूटिंगला सुरुवात झाली आहे. अक्षयनं आज एक पोस्ट शेअर करुन चित्रपटाबाबत माहिती दिली. आता नुकताच अक्षयनं एक व्हिडीओ सोशल मीडियावर शेअर केला. हा व्हिडीओ सध्या सोशल मीडियावर प्रचंड व्हायरल होत आहे. व्हिडीओमध्ये अक्षय हा छत्रपती शिवाजी महाराजांच्या भूमिकेत दिसत आहे.
Mohandas Sukhtankar : सुखटणकरांचं बालपण गोव्यात गेलं. शाळेत असतानाच त्यांना अभिनयाची गोडी लागली. आंतरशालेय नाटुकल्या स्पर्धांमध्ये ते सहभागी झाले होते. दुसरीत असताना त्यांनी 'खोडकर बंडू' या नाटुकलीत काम केलं. त्यावेळी त्यांना अभिनय येतो म्हणून नव्हे तर वर्गात सतत बडबड करतो म्हणून शाळेतील शिक्षकांनी नाटुकलीत घेतलं होतं. या नाटुकलीच्या निमित्ताने त्यांना पहिल्यांदा रंग लागला. 'खोडकर बंडू' या नाटुकलीत त्यांनी खोडकर बंडूची भूमिका साकरली होती. या नाटकामुळे त्यांना अभिनयाची आवड असल्याची जाणीव झाली.
Post Office Ughad Aahe : छोट्या पडद्यावर सध्या वेगवेगळ्या धाटणीच्या मालिका सुरू आहेत. मालिकांसह वैविध्यपूर्ण कार्यक्रमदेखील प्रेक्षकांच्या मनोरंजनासाठी सज्ज आहेत. आता लवकरच 'पोस्ट ऑफिस उघडं आहे' (Post Office Ughad Aahe) ही नवी मालिका प्रेक्षकांच्या भेटीला येणार आहे.
Hetal Yadav : छोट्या पडद्यावरील लोकप्रिय अभिनेत्री हेतल यादवचा (Hetal Yadav) अपघात झाला आहे. सध्या ती छोट्या पडद्यावरील 'इमली' (Imlie) या लोकप्रिय मालिकेत शिवानी राणा हे पात्र साकारत आहे. हेतल रविवारी रात्री शूटिंगवरून घरी परतत असताना तिच्या कारला ट्रकने धडक दिली.
Kirstie Alley Passed Away : 'चीअर्स' आणि 'ड्रॉप डेड गॉर्जिअस' फेम अभिनेत्री किर्स्टी एली (Kirstie Alley) यांचं निधन झालं आहे. वयाच्या 71 व्या वर्षी त्यांचं निधन झालं आहे. कॅन्सरशी झुंज अपयशी ठरली आहे. एली यांच्या मुलांनी त्यांच्या निधनाची माहिती दिली आहे.
Divya Agarwal Relationship With Apurva Padgaonkar : 'बिग बॉस ओटीटी' फेम दिव्या अग्रवाल (Divya Agarwal) सध्या चर्चेत आहे. दिव्याने तिच्या 30 व्या वाढदिवसादिवशी बॉयफ्रेंड अपूर्व पाडगावकरसोबत साखरपुडा केला आहे. साखरपुड्याचे फोटो सोशल मीडियावर शेअर करत तिने चाहत्यांना आनंदाची बातमी दिली आहे.
Veena Jagtap On Shiv Thakare : 'बिग बॉस मराठी'च्या (Bigg Boss Marathi) चौथ्या पर्वातील लोकप्रिय जोडी म्हणजे वीणा जगताप (Veena Jagtap) आणि शिव ठाकरे (Shiv Thakare). बिग बॉसच्या घरातून बाहेर पडल्यानंतर त्यांनी त्यांच्या नात्याची कबुली दिली होती. पण त्यांचं नातं फार काळ टिकू शकलं नाही. आता दोन वर्षांनी वीणाने शिववरचं प्रेम व्यक्त केलं आहे.
Mahaparinirvan Diwas : भारतरत्न डॉ. बाबासाहेब आंबेडकर (Dr Babasaheb Ambedkar) यांचे संगीताची प्रचंड आवड होती. संगितात जात पात धर्म हे भेदभाव नसतात. सात स्वर, 22 श्रुती या निसर्ग निर्मित आहेत. सर्व मानवांना एकत्र बांधणारी ही स्वरांची चेतना आहे. चर्मवाद्य , तंतुवाद्य ,सुषिर वाद्य, घन वाद्य याची मोठी परंपरा संगीत क्षेत्राला आहे. बाबासाहेबांची संगीत क्षेत्राची आवड लक्षात घेवून राष्ट्रनिर्माते डॉ. बाबासाहेब आंबेडकर विचार महोत्सव समिती व तालविहार संगीत संस्थेतर्फे शास्त्रीय संगीताच्या माध्यमातून त्यांना आदरांजली वाहण्यात आली आहे.
पार्श्वभूमी
Entertainment Live : मनोरंजन विश्व म्हटलं की, रोज नवनवे गॉसिप हे आलेच. याशिवाय रोज मालिकांमध्ये काय घडतंय? बॉलिवूड विश्वात सध्या काय सुरु आहे? आपल्या लाडक्या अभिनेत्री आणि अभिनेत्यांच्या आयुष्यात काय सुरु आहे, या सगळ्याची संपूर्ण आणि जलद माहिती आम्ही तुम्हाला देणार आहोत. आपल्या लाडक्या सेलेब्सबद्दल जाणून घेण्यासाठी सगळेच चाहते उत्सुक असतात. इतकंच नाही तर मनोरंजन विश्वात सध्या काय नवं घडतंय, याची देखील सर्वांनाच उत्सुकत असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
डिसेंबरचा दुसरा आठवडा प्रेक्षकांसाठी धमाकेदार; एक दोन नव्हे तर तब्बल 32 चित्रपट होणार प्रदर्शित
Movies Releasing In December 2022 : यावेळी 2022 हे वर्ष चित्रपटप्रेमींसाठी काहीसे निराशाजनक ठरले आहे. बॉयकॉटच्या (Boycott) ट्रेंडमध्ये काही चित्रपट काही विशेष कामगिरी करू शकले नाहीत. मात्र, वर्षाच्या शेवटी डिसेंबर महिन्यात (December 2022) प्रेक्षकांसाठी काहीतरी खास घडणार आहे. डिसेंबरचा दुसरा आठवडा हा अनेक चित्रपटांनी भरलेला असणार आहे. क्राइम, थ्रिलर, कॉमेडीपासून सस्पेन्सपर्यंत सर्व काही या आठवड्यात प्रेक्षकांना थिएटरमध्ये पाहायला मिळणार आहे. या ठिकाणी आम्ही तुम्हाला 5 ते 11 डिसेंबर दरम्यान प्रदर्शित होणाऱ्या चित्रपटांची संपूर्ण यादी सांगणार आहोत. या डिसेंबर महिन्यात जवळपास 32 चित्रपट प्रदर्शित होणार आहेत.
मिर्झापूरच्या चाहत्यांसाठी गुडन्यूज; तिसऱ्या सिझनचं शूटिंग झालं पूर्ण
Ali Fazal Mirzapur 3: मिर्झापूर या वेब सीरिजला प्रेक्षकांची पसंती मिळाली. या सीरिजचे दोन भाग प्रेक्षकांच्या भेटीस आला. या सीरिजच्या तिसऱ्या सिझनची प्रेक्षक उत्सुकतेने वाट बघत होते. मिर्झापूरमधील गुड्डू पंडित ही भूमिका साकारणारा अभिनेता अली फजलनं (Ali Fazal) सोशल मीडियावर एक पोस्ट शेअर करुन चाहत्यांना आनंदाची बातमी दिली आहे. मिर्झापूर- 3 (Mirzapur 3) चं शूटिंग पूर्ण झाले आहे. आता लवकरच मिर्झापूर सीरिजचा तिसरा सिझन प्रेक्षकांच्या भेटीस येणार आहे.
Yog Yogeshwar Jay Shankar: 'योगयोगेश्वर जय शंकर' मालिका रंजक वळणावर !
Yog Yogeshwar Jay Shankar: छोट्या पडद्यावरील मालिकांना प्रेक्षकांची पसंती मिळते. सध्या ‘योगयोगेश्वर जय शंकर’ ( Yog Yogeshwar Jay Shankar) या मालिकेला प्रेक्षकांची पसंती मिळत आहे. आता या मालिकेत रंजक वळण येणार आहे. मालिकेत बालशंकर अंतापूर सोडून जगत कल्याणासाठी निघणार हा आध्यात्मिक टप्पा सध्या चरणसीमेवर असून चिमणाजी – पार्वती या दांपत्याने बालशंकरचा केलेला सांभाळ आणि आता त्याने त्यांना सोडून जाण्याचा क्षण निर्माण होणे, हे प्रेक्षकांना भावुक करणार आहे.
'वेड' सिनेमातील 'बेसुरी' गाणं आऊट
अभिनेता रितेश देशमुख (Riteish Deshmukh) आणि जेनेलिया देशमुखचा (Genelia Deshmukh) सध्या त्यांच्या आगामी 'वेड' (Ved) या सिनेमामुळे चर्चेत आहेत. या सिनेमाच्या माध्यमातून जेनेलिया मराठी सिनेसृष्टीत पाऊल ठेवत आहे. आता या सिनेमातील 'बेसुरी' (Besuri) हे गाणं प्रेक्षकांच्या भेटीला आलं आहे.
- - - - - - - - - Advertisement - - - - - - - - -