Entertainment News Live Updates 27 November : टीव्हीपासून ते बॉलिवूडपर्यंत... मनोरंजन विश्वात काय घडतंय जाणून घ्या एका क्लिकवर!
Entertainment Live : मनोरंजन विश्वात सध्या काय नवं घडतंय, याची देखील सर्वांनाच उत्सुकता असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
Bhediya Box Office Collection Day 2: भेडियानं ओपनिंग डेला 7.48 कोटींची कमाई केली. तर दुसऱ्या दिवशी या चित्रपटाच्या कलेक्शनमध्ये वाढ झाली आहे. या चित्रपटानं दुसऱ्या दिवशी म्हणजेच शनिवारी (26 नोव्हेंबर) या चित्रपटानं 9.57 कोटींची कमाई केली आहे. दोन दिवसांमध्ये या चित्रपटानं जवळपास 17.05 कोटींची कमाई केली आहे. 60 ते 70 कोटींच्या बजेटमध्ये या चित्रपटाची निर्मिती करण्यात आली.
Ashirwad Tuza Ekveera Aai : मालिकाविश्वात सध्या वेगवेगळे प्रयोग होत आहेत. वेगवेगळ्या विषयांवर भाष्य करणाऱ्या मालिका प्रेक्षकांच्या भेटीला येत आहेत उद्यापासून 'आशीर्वाद तुझा एकवीरा आई' (Ashirwad Tuza Ekveera Aai) ही मालिका प्रेक्षकांच्या भेटीला येणार आहे.
Katrina Kaif: सेलिब्रिटींच्या डुप्लिकेट्सचे फोटो सोशल मीडियावर व्हायरल होत असतात. आलिया भट्ट (Alia Bhatt), शाहरुख खान (Shah Rukh Khan), अमिताभ बच्चन (Amitabh Bachchan), ऐश्वर्या राय या सेलिब्रिटींसारख्या दिसणाऱ्या व्यक्तींचे फोटो सोशल मीडियावर नेहमी व्हायरल होतात. आता अभिनेत्री कतरिना कैफ (Katrina Kaif) सारख्या दिसणाऱ्या एका तरुणीचा एक व्हिडीओ सोशल मीडियावर व्हायरल झाला आहे. या व्हिडीओमधील त्या तरुणीचा लूक पाहून नेटकरी अवाक् झाले आहेत.
Puneet Issar : 'महाभारत' (Mahabharat) फेम अभिनेते पुनीत इस्सार (Puneet Issar) सध्या चर्चेत आहे. पुनीत यांचं खातं हॅक करून त्यांची लाखो रुपयांची फसवणूक केल्याचं समोर आलं आहे. आता या प्रकरणात आरोपीला अटक करण्यात आली आहे.
Seema Sajdeh: बॉलिवूडमधील प्रसिद्ध अभिनेता सोहेल खानची (Sohail Khan) एक्स वाइफ सीमा सजदेह (Seema Sajdeh) ही द फॅब्युलस लाइफ्स ऑफ बॉलीवूड वाइफ (Fabulous Lives of Bollywood Wives) या शोमुळे चर्चेत होती. सीमा ही फॅशन डिझाइनर आहे. बॉलिवूडमधील प्रसिद्ध निर्माता आणि दिग्दर्शक करण जोहरनं (Karan Johar) 25 नोव्हेंबर रोजी एका पार्टीचे आयोजन केलं होतं. या पार्टीमध्ये सीमानं हजेरी लावली होती. पार्टीसाठी सीमानं खास लूक केला होता. या पार्टीनंतर सीमानं पॅपराझीसाठी पोज दिली. पोज देत असतानाच सीमाचा तोल डगमगला. त्यामुळे सध्या काही नेटकरी सीमाला ट्रोल करत आहेत.
Manushi Chhillar Joins Bade Miyan Chote Miyan : 'बडे मियाँ छोटे मियाँ' (Bade Miyan Chote Miyan) हा बहुचर्चित सिनेमा लवकरच प्रेक्षकांच्या भेटीला येणार आहे. या सिनेमात बॉलिवूड अभिनेता अक्षय कुमार (Akshay Kumar) आणि टायगर श्रॉफ (Tiger Shroff) मुख्य भूमिकेत आहेत. आता या सिनेमात विश्वसुंदरी मानुषी छिल्लरदेखील (Manushi Chhillar) दिसणार असल्याचं समोर आलं आहे.
Rupali Bhosale : 'आई कुठे काय करते' (Aai Kuthe kay Karte) ही छोट्या पडद्यावरील लोकप्रिय मालिका आहे. या मालिकेतील सकारात्मक भूमिकेत असणाऱ्या कलाकारांसोबत नकारात्मक भूमिकेत असणाऱ्या कलाकारांनादेखील प्रेक्षकांची पसंती मिळते आहे. आता या मालिकेतील संजना म्हणजेच रुपाली भोसले (Rupali Bhosale) रुग्णालयात दाखल झाली आहे.
Jacqueline Fernandez : बॉलिवूड अभिनेत्री जॅकलिन फर्नांडिस (Jacqueline Fernandez) गेल्या काही दिवसांपासून 200 कोटींच्या मनी लाँड्रिंग प्रकरणामुळे चर्चेत आहे. या प्रकरणी पटियाला कोर्टातून तिला जामीन मिळाला असला तरी तिने शनिवारी नवीन खुलासा केला आहे. पण जॅकलिनने कोर्टात काय नवीन जबाब नोंदवला हे अद्याप समोर आलेलं नाही.
Taapsee Pannu Film Blurr Teaser : बॉलिवूड अभिनेत्री तापसी पन्नूचा (Taapsee Pannu) 'दोबारा' हा सिनेमा गेल्या काही दिवसांपूर्वी प्रेक्षकांच्या भेटीला आला असून बॉक्स ऑफिसवर आपली जादू दाखवण्यात हा सिनेमा कमी पडला. आता तापसी पुन्हा नव्या सिनेमासह प्रेक्षकांच्या भेटीला येण्यासाठी सज्ज आहे. तापसीचा आगामी 'ब्लर' (Blurr) हा सिनेमा लवकरच प्रेक्षकांच्या भेटीला येणार आहे. नुकताच या सिनेमाचा टीझर आऊट झाला आहे.
Bappi Lahiri : 'गोल्डन मॅन', 'डिस्को किंग' अशी ओळख असलेले ज्येष्ठ संगीतकार बप्पी लाहिरी (Bappi Lahiri) यांची आज जयंती आहे. निधनानंतरचा हा त्यांचा पहिलाच वाढदिवस आहे. 'डिस्को किंग ऑफ इंडिया' म्हणून बप्पी लाहिरी ओळखले जात. बॉलिवूडच्या अनेक गाजलेल्या सिनेमांतील गाणी बप्पी लाहिरींनी गायली आहेत.
पार्श्वभूमी
Entertainment Live : मनोरंजन विश्व म्हटलं की, रोज नवनवे गॉसिप हे आलेच. याशिवाय रोज मालिकांमध्ये काय घडतंय? बॉलिवूड विश्वात सध्या काय सुरु आहे? आपल्या लाडक्या अभिनेत्री आणि अभिनेत्यांच्या आयुष्यात काय सुरु आहे, या सगळ्याची संपूर्ण आणि जलद माहिती आम्ही तुम्हाला देणार आहोत. आपल्या लाडक्या सेलेब्सबद्दल जाणून घेण्यासाठी सगळेच चाहते उत्सुक असतात. इतकंच नाही तर मनोरंजन विश्वात सध्या काय नवं घडतंय, याची देखील सर्वांनाच उत्सुकत असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
Vikram Gokhale Passed Away : चतुरस्त्र अभिनेते विक्रम गोखले काळाच्या पडद्याआड
Vikram Gokhale : मराठी रंगभूमी आणि चित्रपटसृष्टीवर मागील पाच दशकांहून अधिक काळ अधिराज्य गाजवणारे ज्येष्ठ अभिनेते विक्रम गोखले (Vikram Gokhale) यांचे आज निधन झाले. पुण्याच्या दिनानाथ मंगेशकर रुग्णालयात त्यांच्यावर मागील काही दिवसांपासून उपचार सुरू होते. वयाच्या 77 वर्षी त्यांचे निधन झाले. रुग्णालयात उपचार सुरू असताना त्यांची प्राणज्योत मालवली. दमदार अभिनयासोबतच सार्वजनिक कार्यक्रमांमध्ये घेतलेल्या सडेतोड भूमिकेमुळे विक्रम गोखले चर्चेत होते. त्यांच्या निधनाने रंगभूमी, चित्रपटसृष्टीवर शोककळा पसरली आहे. थोड्याच वेळात त्यांचे पार्थिव अंत्यदर्शनासाठी बालगंधर्व नाट्यमंदिर येथे ठेवण्यात येणार आहे. तर, सायंकाळी 6 वाजण्याच्या सुमारास त्यांच्या पार्थिवावर वैकुंठधाम स्मशानभूमी येथे अंत्यसंस्कार करण्यात येणार आहे.
Avatar 2 : 'अवतार 2'चा रिलीज आधीच रेकॉर्ड
Avatar: The Way of Water : 'अवतार : द वे ऑफ वॉटर' (Avatar: The Way of Water) या बहुचर्चित हॉलिवूड सिनेमाची सिनेरसिक गेल्या काही दिवसांपासून प्रतीक्षा करत आहेत. आता हा सिनेमा प्रेक्षकांच्या भेटीला येण्यासाठी अवघे काही दिवस शिल्लक राहिले आहेत. रिलीजआधीच या सिनेमाने रेकॉर्ड करायला सुरुवात केली आहे. 'अवतार : द वे ऑफ वॉटर' या सिनेमाच्या अॅडव्हान्स बुकिंगला सुरुवात झाली असून या सिनेमाने तीन दिवसांत 15 हजारापेक्षा अधिक तिकीटांची विक्री केली आहे. 'अवतार : द वे ऑफ वॉटर' हा हॉलिवूड सिनेमा डिसेंबरमध्ये रिलीज होणार असला तरी आत्तापासूनच या सिनेमाची क्रेझ सिनेप्रेमींमध्ये पाहायला मिळत आहे.
Squid Game : 'स्क्विड गेम' फेम अभिनेत्यावर लैंगिक शोषणाचा आरोप
Oh Yeong Su : 'स्क्विड गेम' (Squid Game) या वेब सीरिजने जगभरात धुमाकूळ घातला. या वेबसीरिजमध्ये ओ येओंग सु (O Yeong Su) एका वृद्ध व्यक्तीच्या भूमिकेत होते. गेल्या काही दिवसांपासून लैंगिक छळाच्या आरोपामुळे ते चर्चेत होते. पण आता त्यांच्या वकिलांनी हे सर्व आरोप फेटाळून लावले आहेत.
- - - - - - - - - Advertisement - - - - - - - - -