Entertainment News Live Updates 22 March : टीव्हीपासून ते बॉलिवूडपर्यंत... मनोरंजन विश्वात काय घडतंय जाणून घ्या एका क्लिकवर!
Entertainment Live : मनोरंजन विश्वात सध्या काय नवं घडतंय, याची देखील सर्वांनाच उत्सुकता असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
Sonu Nigam : गायक सोनू निगमच्या वडिलांच्या ओशिवरा येथील घरी चोरी झाली आहे. बेडरूमच्या डिजिटल लॉकरमधून सुमारे 72 लाख रुपये चोरीला गेले आहेत
Bageshwar Dham Movie : मध्यप्रदेशातील 'बागेश्वर धाम' (Bageshwar Dham) हे ठिकाण गेल्या काही दिवसांपासून चर्चेत आहे. बागेश्वर धाममध्ये पंडित धीरेंद्र कृष्ण शास्त्री (Pt. Dhirendra Krishna Shastri) यांचा दरबार भरतो. धीरेंद्र शास्त्री हे बागेश्वर धाममध्ये येणाऱ्या भाविकांचं मन वाचता येत असल्याचा दावा करतात. बागेश्वर धामची चमत्कारिक शक्ती पाहून सर्वांनाच आश्चर्य वाटते. आता या बागेश्वर धामवर (Bageshwar Dham Movie) सिनेमा येणार आहे.
Shilpa Shetty : बॉलिवूड अभिनेत्री शिल्पा शेट्टीने (Shilpa Shetty) आजवर अनेक सुपरहिट सिनेमांत काम केलं आहे. 90 च्या दशकातील लोकप्रिय अभिनेत्री असलेल्या शिल्पाने एकापेक्षा एक सिनेमांत काम करत प्रेक्षकांचं चांगलच मनोरंजन केलं आहे. आता दाक्षिणात्य सिनेसृष्टीत आपल्या अभिनयाची जादू दाखवण्यास शिल्पा सज्ज आहे.
Janhvi Kapoor Varun Dhawan Bawaal Release Date Announced : बॉलिवूड अभिनेता वरुण धवन (Varun Dhawan) आणि जान्हवी कपूरच्या (Janhvi Kapoor) 'बवाल' (Bawaal) या सिनेमाची चाहत्यांना उत्सुकता आहे. आता निर्मात्यांनी सोशल मीडियावर एक खास पोस्ट शेअर करत या सिनेमाची रिलीज डेट जाहीर केली आहे.
Gudi Padwa 2023 : चैत्र शुद्ध प्रतिपदेला महाराष्ट्रात गुढीपाडवा साजरा केला जातो. आज सर्वत्र गुढीपाडव्याच्या उत्साह पाहायला मिळत आहे. आनंदाची, सुखसमृद्धी आणि भरभराटीची गुढी आज घरा-घरांत उभारली जात आहे. अशातच बॉलिवूडचे महानायक अमिताभ बच्चनपासून (Amitabh Bachchan) ते हेमा मालिनीपर्यंत (Hema Malini) अनेक सेलिब्रिटींनी चाहत्यांना पुढीपाडवा आणि मराठी नववर्षाच्या शुभेच्छा दिल्या आहेत.
Gudi Padwa 2023 : अमिताभ बच्चन ते हेमा मालिनी; बॉलिवूड सेलिब्रिटींनी दिल्या गुढीपाडवा आणि मराठी नववर्षाच्या शुभेच्छा!
Akshay Kumar Soorarai Pottru : बॉलिवूडचा खिलाडी कुमार अर्थात अक्षय कुमारचे (Akhay Kumar) अनेक सिनेमे प्रेक्षकांच्या भेटीसाठी सज्ज आहेत. आता दाक्षिणात्य सुपरस्टार सूर्याच्या 'सोरारई पोटरू'चा (Soorarai Pottru) हिंदी रिमेक लवकरच प्रेक्षकांच्या भेटीला येणार आहे. अक्षय कुमारने नुकतच या सिनेमाचं फर्स्ट पोस्टर चाहत्यांसोबत शेअर केलं आहे.
पार्श्वभूमी
Entertainment Live : मनोरंजन विश्व म्हटलं की, रोज नवनवे गॉसिप हे आलेच. याशिवाय रोज मालिकांमध्ये काय घडतंय? बॉलिवूड विश्वात सध्या काय सुरु आहे? आपल्या लाडक्या अभिनेत्री आणि अभिनेत्यांच्या आयुष्यात काय सुरु आहे, या सगळ्याची संपूर्ण आणि जलद माहिती आम्ही तुम्हाला देणार आहोत. आपल्या लाडक्या सेलेब्सबद्दल जाणून घेण्यासाठी सगळेच चाहते उत्सुक असतात. इतकंच नाही तर मनोरंजन विश्वात सध्या काय नवं घडतंय, याची देखील सर्वांनाच उत्सुकत असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
Ajay Devgn : 'भोला'साठी अजय देवगणने किती घेतलं मानधन?
Ajay Devgn : 'भोला' या सिनेमात अजय देवगणचा एक वेगळा अंदाज पाहायला मिळत आहे. सध्या अजय या सिनेमाचं जोरदार प्रमोशन करत असून या सिनेमासाठी त्याने 30 कोटी मानधन घेतलं आहे. तर दुसरीकडे बॉलिवूड अभिनेत्री तब्बू (Tabu) या सिनेमात पोलीस अधिकाऱ्याच्या भूमिकेत असून या सिनेमासाठी तिने चार कोटी मानधन घेतलं आहे. तसेच संजय मिश्राने या सिनेमासाठी 85 लाख आकारले आहेत. अभिषेक बच्चनची झलकदेखील या सिनेमात प्रेक्षकांना पाहायला मिळणार असून त्याने एक कोटी मानधन घेतलं आहे.
Chetan Kumar Arrested : कन्नड अभिनेता चेतन कुमारला पोलिसांनी केली अटक
Chetan Kumar Arrested : कन्नड सिनेसृष्टीतील लोकप्रिय अभिनेता चेतन कुमारच्या (Chetan Kumar) अडचणीत वाढ झाली आहे. हिंदू धर्माबद्दल केलेलं वादग्रस्त ट्वीट अभिनेत्याला महागात पडलं आहे. चेतन कुमारला बेंगळुरूमधील शेषाद्रिपुरम येथील पोलिसांनी अटक केली आहे. हिंदू धर्म खोटेपणावर आधारित असल्याचं ट्वीट चेतन कुमारने केलं होतं.
Dharmendra : वयाच्या 87 व्या वर्षी धमेंद्र रुपेरी पडद्यावर झळकण्यास सज्ज
Dharmendra Comeback : बॉलिवूड अभिनेते धर्मेंद्र (Dharmendra) रुपेरी पडद्यावर कमबॅक करण्यासाठी सज्ज आहे. वयाच्या 87 व्या वर्षी त्यांनी पुन्हा एकदा सिनेसृष्टीत जोरदार कमबॅक केलं आहे. 'रॉकी और रानी की प्रेम कहानी' (Rocky Aur Rani Ki Prem Kahani) या सिनेमात धर्मेंद्र महत्त्वाच्या भूमिकेत झळकणार आहेत. धर्मेंद्र यांना पुन्हा एकदा रुपेरी पडद्यावर पाहण्यासाठी चाहते उत्सुक आहेत. बॉबी देओलदेखील (Bobby Deol) आपल्या वडिलांचा सिनेमा पाहण्यासाठी उत्सुक आहे. याबद्दल बोलताना बॉबी देओल म्हणाले, "बाबा जेव्हा सिनेमाच्या शूटिंगसाठी घराबाहेर जातात तेव्हा त्यांच्या चेहऱ्यावर वेगळीच चमक असते. त्यांच्या सिनेमाची मी वाट पाहतोय."
- - - - - - - - - Advertisement - - - - - - - - -