Entertainment News Live Updates 16 October: टीव्हीपासून ते बॉलिवूडपर्यंत... मनोरंजन विश्वात काय घडतंय जाणून घ्या एका क्लिकवर!
Entertainment Live : मनोरंजन विश्वात सध्या काय नवं घडतंय, याची देखील सर्वांनाच उत्सुकता असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
Sidharth Malhotra In Bigg Boss 16 : बॉलिवूड अभिनेता सलमान खानचा (Salman Khan) बहुचर्चित कार्यक्रम 'बिग बॉस 16' (Bigg Boss 16) सध्या चर्चेत आहे. या कार्यक्रमातील वीकेंडचा वार खूप खास असतो. यादिवशी भाईजान कधी स्पर्धकांची शाळा घेतो तर कधी सेलिब्रिटी मंडळी त्यांच्या सिनेमाच्या प्रमोशनसाठी या कार्यक्रमात हजेरी लावत असतात. नुकत्याच पार पडलेल्या भागात सलमानने सिद्धार्थ आणि कियारा आडवाणीच्या नात्यावर भाष्य केलं आहे.
Films Release On Diwali : देशभरात 24 ऑक्टोबरपासून दिवाळीच्या सणाला सुरुवात होणार आहे. भारतीय सिनेसृष्टीसाठीदेखील दिवाळीचा सण खूप खास आहे. दरवर्षी दिवाळीला फक्त एक किंवा दोन सिनेमे प्रेक्षकांच्या भेटीला येतात. पण आता सात सिनेमे प्रेक्षकांच्या भेटीला येणार आहेत. यात हिंदीसह दाक्षिणात्य सिनेमांचादेखील सहभाग आहे.
बॉलिवूड अभिनेता अक्षय कुमार एका गुटखा कंपनीच्या जाहिरातीत दिसला होता, तेव्हा त्याला सोशल मीडियावर खूप ट्रोल करण्यात आले. या पान मसाला जाहिरातीत तो बॉलिवूड सुपरस्टार शाहरुख खान आणि अजय देवगणसोबत झळकला होता. मीडिया रिपोर्ट्सनुसार, या जाहिरातीत अक्षयच्या जागी बॉलिवूड अभिनेता कार्तिक आर्यन दिसणार होता. मात्र, त्याने ही ऑफर धुडकावून लावली. या पान मसाल्याच्या जाहिरातीसाठी कार्तिक आर्यनला तब्बल 15 कोटी रुपयांची ऑफरही देण्यात आली होती.
Manava Naik : मराठमोळी अभिनेत्री मनवा नाईकला (Manava Naik) नुकताच एका धक्कादायक प्रसंगाचा सामना करावा लागला आहे. मनवाने तिच्या फेसबुकवर एक पोस्ट शेअर केली आहे. पोस्ट शेअर करत तिने तिच्याबरोबर घडलेल्या धक्कादायक प्रसंगावर भाष्य केलं आहे. पोस्ट शेअर करत तिने एका गाडीचा नंबर आणि त्या वाहन चालकाचा फोटोदेखील शेअर केला आहे.
बॉलिवूड अभिनेता आयुष्मान खुरानाचा (Ayushmann Khurrana) 'डॉक्टर जी' (Doctor G) हा चित्रपट शुक्रवारी थिएटरमध्ये प्रदर्शित झाला आहे. आयुष्मानचे चाहते या चित्रपटाची आतुरतेने वाट पाहत होते. या चित्रपटाने पहिल्याच दिवशी 3.65 कोटींचे नेट कलेक्शन केले होते. पहिल्या दिवशी चांगली कमाई केल्यानंतर दुसऱ्या दिवशी देखील चित्रपटाच्या कमाईत चांगली वाढ झाली आहे. या चित्रपटाने दुसऱ्या दिवशी अंदाजे 5.25 कोटी (Doctor G Collection) रुपयांचा व्यवसाय केला आहे. चित्रपटाच्या नेट कलेक्शनमध्ये जवळपास 40 टक्क्यांनी वाढ झाली आहे.
Goa International Film Festival : गोवा आंतरराष्ट्रीय चित्रपट महोत्सवातील 'फिल्म मार्केट 2022' मध्ये 'पोटरा' , 'तिचं शहर होणं' , 'पॉडीचेरी' , 'राख' आणि 'पल्याड' या सिनेमांची निवड झाली आहे. या सिनेमांची निवड झाल्याचे सांस्कृतिक मंत्री सुधीर मुनगंटीवार यांनी जाहीर केले आहे.
केदार शिंदे यांनी लिहिलं आहे," हॅलो वरुणराजा... आता बास करा की... आधीच दोन वर्ष परिस्थिती बिकट म्हणून सर्वसामान्य माणसाचं कंबरडं मोडलय... आणि तुम्ही रोज हजेरी लावून सगळ्या स्वप्नांवर पाणी ओतताय... प्रत्येक गोष्ट त्या त्या सीझनला झालेली चांगली असते. पाऊस हवाच हो... पण तो आता या महिन्यात नको... आणि पुढेही नको...".
Akshaya-Hardeek Video Viral : 'तुझ्यात जीव रंगला' फेम मराठमोळा अभिनेता हार्दिक जोशी (Hardeek Joshi) आणि अभिनेत्री अक्षया देवधरचा (Akshaya Deodhar) नुकताच साखरपुडा पार पडला असून लवकरच ते लग्नबंधनात अडकणार आहेक. अक्षया लग्नात नेसणार असलेली साडी विणण्याच्या कार्यक्रम नुकताच पार पडला. दरम्यान या साडीतील काही धागे हार्दिकने स्वत:च्या हातांनी विणले आहेत.
नेहमीप्रमाणेच यावेळेसही वीकेंडच्या एपिसोडमध्ये अनेक धमाके आणि गोंधळ पाहायला मिळाला. सलमान खानने गेल्या आठवड्यात घरातील सततच्या उद्धटपणामुळे चर्चेत असलेल्या शालीनला चांगलेच फटकारले, तर शोमध्ये पाहुणे म्हणून आलेल्या सिद्धार्थ मल्होत्रा आणि रकुल प्रीत यांनीही कुटुंबातील सदस्यांसह खूप धमाल केली. या एपिसोडच्या शेवटी एलिमिनेट झालेल्या सदस्याचे नाव जाहीर करण्यात आले, जे ऐकून सगळ्यांनाच धक्का बसला.
बॉलिवूड इंडस्ट्रीच्या ‘ड्रीम गर्ल’ (Dream Girl) आणि भाजपच्या लोकसभा खासदार हेमा मालिनी (Hema Malini) यांचा आज 74वा वाढदिवस आहे. हेमा मालिनी बॉलिवूड इंडस्ट्रीतील सर्वात प्रसिद्ध आणि यशस्वी अभिनेत्री आहेत. हिंदी चित्रपटसृष्टीत त्यांनी अमुल्य योगदान दिले आहे. बॉलिवूडमध्ये हेमा मालिनी याची क्रेझ तसूभरही कमी झालेली नाही. रुपेरी पडद्यासोबतच त्या राजकारणी म्हणूनही खूप सक्रिय आहेत.
Salman Khan Kisi Ka Bhai Kisi Ki Jaan : बॉलिवूडचा सुपरस्टार सलमान खान (Salman Khan) पुढल्या वर्षी अनेक धमाकेदार सिनेमे घेऊन प्रेक्षकांच्या भेटीला येत आहे. बहुचर्चित 'किसी का भाई किसी की जान' (Kisi Ka Bhai Kisi Ki Jaan) या सिनेमापासून भाईजान बॉक्स ऑफिसवर धमाका करायला सुरुवात करणार आहे. अशातच या सिनेमासंबंधी मोठी अपडेट समोर आली आहे. या सिनेमाची रिलीज डेट आता पुढे ढकलण्यात आली आहे. ईदच्या दिवशी बॉक्स ऑफिसवर भाईजानचा दबदबा पाहायला मिळत असतो. त्यामुळे 'किसी का भाई किसी की जान' हा सिनेमादेखील पुढील वर्षात ईदच्या मुहूर्तावर प्रेक्षकांच्या भेटीला येणार आहे.
Ajay Devgn Drishyam 2 : बॉलिवूड अभिनेता सुपरस्टार अजय देवगनच्या (Ajay Devgn) बहुचर्चित 'दृश्यम 2' (Drishyam 2) सिनेमाची चाहत्यांमध्ये उत्सुकता आहे. पहिल्या भागाच्या यशानंतर निर्मात्यांनी आता दुसऱ्या भागाची घोषणा केली आहे. चाहते या सिनेमाची प्रतीक्षा करत आहेत. नुकतेच या सिनेमाचं नवं पोस्टर प्रेक्षकांच्या भेटीला आलं आहे.
गेल्या काही महिन्यांपासून महाराष्ट्रातील राजकारणात नवनव्या घडामोडी घडत आहेत. भगवा कोणाचा? धनुष्यबाण कोणाचा? यावरून अनेक चर्चा रंगलेल्या देखील पाहायला मिळाल्या. त्यातच आता शशिकांत पवार प्रोडक्शन प्रस्तुत आगामी 'बेभान' (Behbhan) चित्रपटाचा टीझर लाँच करण्यात आला असून, 'भगव्याला महाराष्ट्र विसरला' असं विधान या टीझरमध्ये देखील आहे. त्यामुळे आता चित्रपटाविषयी (Marathi Movie) नवे तर्कवितर्क लावण्यात येत आहेत. 11 नोव्हेंबरपासून ‘बेभान’ संपूर्ण महाराष्ट्रात प्रदर्शित होत आहे.
पार्श्वभूमी
Entertainment Live : मनोरंजन विश्व म्हटलं की, रोज नवनवे गॉसिप हे आलेच. याशिवाय रोज मालिकांमध्ये काय घडतंय? बॉलिवूड विश्वात सध्या काय सुरु आहे? आपल्या लाडक्या अभिनेत्री आणि अभिनेत्यांच्या आयुष्यात काय सुरु आहे, या सगळ्याची संपूर्ण आणि जलद माहिती आम्ही तुम्हाला देणार आहोत. आपल्या लाडक्या सेलेब्सबद्दल जाणून घेण्यासाठी सगळेच चाहते उत्सुक असतात. इतकंच नाही तर मनोरंजन विश्वात सध्या काय नवं घडतंय, याची देखील सर्वांनाच उत्सुकत असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
‘हॅरी पॉटर’च्या जादुई विश्वातील तारा निखळला! ‘हॅग्रिड’ फेम अभिनेते रॉबी कोलट्रन यांचे निधन
हॉलिवूड चित्रपट सीरिज 'हॅरी पॉटर'मध्ये (Harry Potter) हॅग्रिडची (Hagrid) भूमिका साकारणारे प्रसिद्ध स्कॉटिश अभिनेते रॉबी कोलट्रन (Robbie Coltrane) यांचे वयाच्या 72व्या वर्षी निधन झाले आहे. गेल्या काही दिवसांपासून ते आजारी होते. रुग्णालयात त्यांच्यावर उपचार सुरू असतानाच त्यांनी अखेरचा श्वास घेतला. 'हॅरी पॉटर' व्यतिरिक्त, ते ITV चा सस्पेन्स शो 'क्रॅकर' आणि जेम्स बाँड चित्रपट 'गोल्डनी' आणि 'द वर्ल्ड इज नॉट इनफ' मध्ये देखील झळकले होते.
‘कांतारा’चा IMDbवर धुमाकूळ! धनुष अन् प्रभासने कौतुक केलेल्या चित्रपटाची आयएमडीबी रेटिंग पाहिलीत का?
दिग्दर्शक ऋषभ शेट्टीचा 'कांतारा' (Kantara) चित्रपट बॉक्स ऑफिसवर धुमाकूळ घालत आहे. 30 सप्टेंबर रोजी थिएटरमध्ये प्रदर्शित झालेल्या या अवघ्या चित्रपटाने 14 दिवसांत एकूण बजेट वसूल करत नफा कमावला आहे. बॉक्स ऑफिस रिपोर्टनुसार, 16 कोटींच्या बजेटमध्ये बनलेल्या या चित्रपटाने कन्नड भाषेत 72.81 कोटींची कमाई केली आहे. चित्रपटाचे यश पाहून निर्मात्यांनी हा चित्रपट इतर भाषांमध्ये प्रदर्शित करण्याचा निर्णय घेतला आहे. या चित्रपटाचे हिंदी, तमिळ आणि तेलुगू व्हर्जन देखील थिएटरमध्ये रिलीज झाले आहे. तर, IMDbवरही चित्रपटाने चांगले रेटिंग मिळवले आहे. कन्नड भाषेतील चित्रपट ‘कांतारा’ सध्या सर्वत्र धुमाकूळ घालत आहे. आता हा चित्रपट IMDb वर सर्वोत्तम रेटिंग मिळवणारा भारतीय चित्रपट ठरला आहे. चित्रपटाने IMDb वर 9.5 रेटिंग मिळवून विक्रम रचला आहे. यापूर्वी हा विक्रम ‘KGF 2’च्या नावावर होता.
अखेर मुहूर्त सापडला! सलमान-कतरिनाचा ‘टायगर 3’ची रिलीज डेट जाहीर
बॉलिवूडचा सुपरस्टार सलमान खान (Salman Khan) आणि कतरिना कैफची (Katrina Kaif) जोडी चाहत्यांमध्ये अतिशय लोकप्रिय आहे. या दोघांच्या 'एक था टायगर' या चित्रपटाचा सिक्वेल अर्थात ‘टायगर 3’ (Tiger 3) चित्रपटाची चाहते आतुरतेने वाट बघत होते. या चित्रपटाची एक झलक आणि रिलीज डेट आधीच जाहीर करण्यात आली होती. मात्र, आता चाहत्यांना या चित्रपटासाठी आणखी काही काळ वाट पाहावी लागणार आहे. आता या चित्रपटाची रिलीज डेट पुढे ढकलण्यात आली असून, नवी तारीख देखील जाहीर करण्यात आली आहे. ‘टायगर 3’ हा चित्रपट आता पुढच्या वर्षी म्हणजे 2023मध्ये दिवाळीच्या मुहूर्तावर रिलीज होणार आहे.
बाळाला स्तनपान करता करता सोनमनं केली करवा चौथची तयारी; हृदयस्पर्शी व्हिडीओ होतोय व्हायरल
बॉलिवूड अभिनेत्री सोनम कपूर (Sonam Kapoor) सध्या सोशल मीडियावर खूप चर्चेत आहे. सोनमच्या फॅशन सेन्ससाठी नेहमीच तीचं चाहत्यांकडून कौतुक होत असतं. नुकतीच सोनम कपूर आई झाली आहे. त्यामुळे सध्या ती तिच्या बाळाबरोबर पालकत्वाचा आनंद घेतेय. मात्र, सोनम सध्या वेगळ्याच कारणामुळे चर्चेत आहे. दरम्यान, नुकत्याच आई झालेल्या सोनम कपूरने लग्नाच्या चार वर्षानंतर करवा चौथच्या व्रताबद्दल खुलासा केला आहे. सोनमने इन्स्टाग्रामवर पोस्ट शेअर केली आहे.
'हर हर महादेव' चित्रपटातील 'बाजी रं बाजी रं' गाणं रिलीज; 25 ऑक्टोबरपासून चित्रपट प्रेक्षकांच्या भेटीला
झी स्टुडियोजची निर्मिती आणि प्रस्तुती असलेला 'हर हर महादेव' हा चित्रपट येत्या 25 ऑक्टोबरपासून सिनेमागृहात प्रेक्षकांच्या भेटीला येतोय. महाराष्ट्राचे आद्य दैवत छत्रपती शिवाजी महाराज आणि भारतीय इतिहासातील अनन्य साधारण व्यक्तिमत्व बाजीप्रभू देशपांडे यांच्या आयुष्यावर हा चित्रपट चित्रीत करण्यात आला आहे. या चित्रपटाच्या टिझरने आणि ट्रेलरने यापूर्वीच प्रेक्षकांची मने जिंकली आहेत आणि आता यातील गाणीही प्रेक्षकांच्या मनावर अधिराज्य गाजविण्यासाठी सज्ज झाली आहेत. नुकतंच या चित्रपटातील 'बाजी रं बाजी रं' गाणं प्रदर्शित झालं आहे.
- - - - - - - - - Advertisement - - - - - - - - -