Dial 100 : 'डायल 100' वर प्रेक्षकांच्या उड्या, तरुणाईच्या गळ्यातला ताईत मनोज वाजपेयी
Dial 100 : मनोज वाजपेयी यांची मुख्य भूमिका असलेला डायल 100 हा सिनेमा झी 5 वर आला आहे. सध्या डायल 100 हा सिनेमा ट्रेंडिंगवर आहे
Dial 100 : गेल्या काही वर्षांपासून केलेल्या सातत्याच्या कामगिरीमुळे अभिनेता मनोज वाजपेयी (Manoj Bajpayee) यांनी स्वत: असं स्थान निर्माण केलं आहे. मनोज वाजपेयी जवळपास 25 वर्षांपासून इंडस्ट्रीमध्ये काम करतायत. आधी छोटा पडदा केल्यानंतर त्यांनी मोठ्या पडद्यावर एंट्री घेतली. सत्या सिनेमात त्यांनी केलेला भिकू म्हात्रे लोकांना आवडला. त्यानंतर त्यांनी अनेक सिनेमे केले. पण आता गेल्या दोन वर्षात मनोज यांना मिळालेली लोकप्रियता पाहता त्यांनी वेबसीरीजमध्ये केलेल्या कामाचं ते फलित आहे असं म्हणावं लागेल.
सध्या मनोज वाजपेयी यांची मुख्य भूमिका असलेला डायल 100 हा सिनेमा झी 5 वर आला आहे. सध्या डायल 100 हा सिनेमा ट्रेंडिंगवर आहे. तरी अभिनेते मनोज वाजपेयी मात्र थोडे नर्व्हस झालेले दिसतात. या नव्या सिनेमाबद्दल बोलताना मनोज म्हणाले, खरंतर गेल्या काही वर्षांपासून मी ज्या वेबसीरीज केल्या त्याला सर्वच स्तरांतून अमाप प्रतिसाद मिळाला. म्हणून जवळपास 16 ते 19 वर्षं वयोगटातली मंडळी माझे जुने सिनेमे काढून काढून बघतायत, ही खूपच चांगली गोष्ट आहे. आता डायल 100 सिनेमावर कसा प्रतिसाद मिळतो ते कळायला आणखी थोडा वेळ जावा लागेल.
डायल 100 या सिनेमात मनोज यांच्यासोबत अभिनेत्री साक्षी तन्वर, नीना गुप्ता यांनीही काम केलं आहे. या सिनेमाबद्दल बोलताना मनोज म्हणाले, हा चित्रपट एक उत्तम लिहिलेला चित्रपट आहे. तो केवळ थ्रीलर नाही. तर त्याला इतरही कंगोरे आहेत. म्हणजे, त्याला एक फोन कॉल येतो आणि त्यानंतर तिला वाचवायला हा कॉप जात असताना, त्याच्या लक्षात येतं,की आपल्या भूतकाळामुळे आपली पत्नी आणि मुलगी अडचणीत सापडले आहेत. खरंतर या सिनेमातला नायक हा आदर्श पती वा आदर्श बाप नाही. पण त्यातून ती गोष्ट पुढे सरकत जाते.
मनोज वाजपेयी आपल्या कलाकृतींबद्दल समाधानी असले तरी त्यांना उत्सुकता आपल्या पुढच्या प्रोजेक्टची लागलेली असते. याबद्दल बोलताना ते म्हणाले, फॅमिली मॅनच्या दोन्ही सीझन्सना फारच चांगला प्रतिसाद मिळाला. जगभरातून ही सीरीज वाखाणली गेली. पण आपण तिथेच थांबू नये. त्यानंतर मी केलेल्या प्रोजेक्ट्सना कसा प्रतिसाद मिळतोय ते पाहाणं माझ्यासाठी महत्वाचं असतं.
Before You Go
Arjun Tendulkar Weds Saaniya Chandhok : अर्जुन-सानिया लग्नबंधनात ! स्टायलिश लूकने वेधलं लक्ष
महत्त्वाच्या बातम्या
