Dhurandhar2 Box Office Collection: रणवीर सिंहच्या धुरंधर 2 चा बॉक्स ऑफिसवर कहर! 5 दिवसात शक्य नव्हतं ते करून दाखवलं, किती कोटींची कमाई?
Dhurandhar 2 Box Office Collection: ईद, उगादी ,गुढीपाडवा या सणांच्या पार्श्वभूमीवर रिलीज झालेल्या या चित्रपटाला जबरदस्त ओपनिंग मिळाली. पेड प्रिव्ह्यूमधूनच या चित्रपटाने आपली ताकद दाखवलेली.
Dhurandhar 2 Box Office Collection:बॉलीवूडमध्ये सध्या धुरंधर: द रिवेंज या चित्रपटाची जबरदस्त चर्चा सुरू आहे. आदित्य धर दिग्दर्शित आणि रणवीर सिंह स्टारर या चित्रपटाने बॉक्स ऑफिसवर अक्षरशः धुमाकूळ घातला आहे. रिलीजच्या अवघ्या 5 दिवसांतच या चित्रपटाने कमाईचे नवे विक्रम रचत 500 कोटींचा टप्पा पार केला आहे. 'धुरंधर : द रिवेंज'नं जगभरात एकूण 751.97 कोटींची जबरदस्त कमाई केली आहे, ज्यामध्ये 541.97 कोटी भारतातून आणि 210 कोटींची कमाई विदेशातून केली आहे. फिल्मचं भारतातलं नेट कलेक्शन 457.12 कोटी आहे.
5व्या दिवशी किती कमाई? (Dhurandhar 2)
ईद, उगादी आणि गुढीपाडवा या सणांच्या पार्श्वभूमीवर रिलीज झालेल्या या चित्रपटाला जबरदस्त ओपनिंग मिळाली. पेड प्रिव्ह्यूमधूनच 43 कोटींची कमाई करत या चित्रपटाने आपली ताकद दाखवली होती.19 मार्च रोजी अधिकृत रिलीजच्या दिवशी चित्रपटाने तब्बल 102.55 कोटींची कमाई केली. ईदच्या दिवशी शनिवारी या चित्रपटाने तब्बल 113 कोटींची कमाई केली. विशेष म्हणजे, हिंदी व्हर्जनमधूनच 100 कोटींचा टप्पा पार करणारा हा पहिलाच चित्रपट ठरला. मात्र यानंतरही ‘धुरंधर 2’ थांबला नाही. रविवारी चित्रपटाने आणखी मोठी झेप घेत 114.85 कोटींची कमाई केली, ही कमाई शनिवारीपेक्षाही जास्त होती. यामध्ये हिंदी कलेक्शनचा वाटा सुमारे 107 कोटी इतका होता.
सॅकनिल्कच्या रिपोर्टनुसार, रिलीजच्या 5व्या दिवशी म्हणजेच पहिल्या सोमवारी या चित्रपटाने 43.1% ऑक्युपन्सीसह 65 कोटींची कमाई केली. यामध्ये हिंदी व्हर्जनमधून 60 कोटी, कन्नड आणि मल्याळममधून प्रत्येकी 0.15 कोटी, तमिळमधून 1.20 कोटी आणि तेलुगूमधून 3.50 कोटींचा गल्ला कमावला. यासह धुरंधर: द रिवेंज या चित्रपटाचा एकूण 5 दिवसांचा कलेक्शन 519.12 कोटींवर पोहोचला आहे.
पहिल्या सोमवारीच रेकॉर्ड ब्रेक
प्रेक्षकांमध्ये या चित्रपटाची (Dhurandhar 2) क्रेझ इतकी वाढली आहे की, अवघ्या 5 दिवसांतच या चित्रपटाने कमाईचा प्रचंड डोंगर उभा केला आहे. हिंदी सिनेमाच्या इतिहासात इतकी जलद कमाई आतापर्यंत केवळ मोजक्याच चित्रपटांना करता आली आहे. विशेष म्हणजे, या चित्रपटाने पहिल्याच सोमवारी सर्वाधिक कमाई करणाऱ्या चित्रपटांचा विक्रम मोडला आहे. याआधी टायगर 3 (59.25 कोटी) आणि एनिमल (44.47 कोटी) यांसारख्या मोठ्या चित्रपटांचे रेकॉर्ड याने मागे टाकले आहेत.
‘धुरंधर 2’ने पहिल्याच वीकेंडमध्ये 450 कोटींहून अधिक नेट कलेक्शन करत इतिहास रचला आहे. विशेष म्हणजे, हिंदी फिल्म इंडस्ट्रीतील मोठे स्टार्स जसे सलमान खान, आमिर खान, ऋतिक रोशन, अजय देवगन आणि अक्षय कुमार यांच्यासाठीही हा आकडा गाठणं अजूनही मोठं आव्हान मानलं जात आहे.
पहिल्या सोमवारी सर्वाधिक कमाई करणारे चित्रपट:
धुरंधर 2- 65 कोटी
टाइगर 3- 59.25 कोटी
एनिमल - 44.47 कोटी
बाहुबली 2: द कन्क्लूजन - 40.25 कोटी
गदर 2 - 38.70 कोटी
टाइगर जिंदा है - 36.54 कोटी
धुरंधर: द रिवेंज हा चित्रपट बॉक्स ऑफिसवर नवे इतिहास घडवत असून पुढील काही दिवसांत आणखी मोठे विक्रम होण्याची शक्यता वर्तवली जात आहे.
महत्त्वाच्या बातम्या
