Deool Band 2: स्वामींचा आशीर्वाद... 'देऊळ बंद 2'चा बॉक्स ऑफिसवर डंका; सोमवार असूनही जमवला कोट्यवधींचा गल्ला
Pravin Tardes Deool Band 2: 'देऊळ बंद 2' या सिनेमानं अवघ्या 12 दिवसांत 50 कोटींचा टप्पा पार केला.
Deool Band 2: 'देऊळ बंद' (Deool Band) या सिनेमाला मिळालेल्या प्रचंड यशानंतर प्रवीण तरडे (Pravin tarde) दिग्दर्शित 'देऊळ बंद 2' (Deool Band 2) सिनेमालाही (Entertainment) प्रेक्षकांचा पाठिंबा मिळत आहे. श्री स्वामी समर्थ यांची भूमिका साकारणारे मोहन जोशी यांच्याही अभिनयाचं प्रेक्षकांनी कौतुक केलं. शेतकऱ्यांच्या प्रश्नांवर आधारीत या सिनेमानं अवघ्या 12 दिवसांत बॉक्स ऑफिसवर उत्तम घौडदौड केली. स्वामी भक्त आणि सिनेप्रेमींमुळे थिएटर हाऊसफुल्ल झाले आहेत. 12 दिवसांत या सिनेमानं कोट्यवधींची कमाई केली आहे. दरम्यान, 12व्या दिवसांत 'देऊळ बंद 2' या सिनेमानं किती कोटींचा गल्ला जमवला? जाणून घेऊयात.
'देऊळ बंद 2' सिनेमाची सोमवारीही बॉक्स ऑफिसवर दमदार कामगिरी (Deool Band 2 box office collection day 12)
सॅकनिल्कच्या अर्ली ट्रेंडी रिपोर्टनुसार, दुसऱ्या आठवड्याच्या सुरुवातीला, म्हणजेच सोमवारी या सिनेमानं कोटींच्या घरात बॉक्स ऑफिस कमाई केली आहे. 12 व्या दिवशी या सिनेमानं 2 कोटी 60 लाख रुपयांची बॉक्स ऑफिस कमाई केली आहे. 12 दिवसांत या सिनेमानं 50 कोटींचा आकडा पार केला आहे. 'देऊळ बंद 2' हा सिनेमा अवघ्या 10 कोटी रुपयात तयार झाला असल्याचं बोललं जात आहे.
त्यानुसार या सिनेमानं दुपट्टीपेक्षा अधिक कमाई केली आहे. दरम्यान, हा सिनेमा बॉक्स ऑफिसवर सुपरहिट ठरला आहे. मिळालेल्या माहितीनुसार, देशांतर्गत या सिनेमानं 54.88 कोटींचे ग्रोस बॉक्स ऑफिस कलेक्शन केले आहे. तर, या सिनेमाची नेट कमाई 46.65 कोटी रुपये इतकी आहे.
'देऊळ बंद 2' सिनेमानं किती कोटींचे बॉक्स ऑफिस कलेक्शन केले? ((Deool Band 2 box office collection)
View this post on Instagram
9व्या दिवशी या सिनेमानं 3.10 कोटींचे कलेक्शन केले आहे. तर, 10व्या दिवशी या सिनेमानं 5 कोटी रुपयांचा गल्ला जमवला. दरम्यान, 11व्या दिवशी या सिनेमानं 5.75 कोटी रुपये कमावले. तर, 12 व्या दिवशी म्हणजेच सोमवारी या सिनेमानं 2.60 कोटी रुपयांचे बॉक्स ऑफिस कलेक्शन केले आहे. या सिनेमाचे एकूण नेट कलेक्शन 46.65 कोटी इतके झाले आहे.
महत्त्वाच्या इतर बात्मया:
महत्त्वाच्या बातम्या
