Deool Band 2 Box Office collection: 'देऊळ बंद 2' चा 100 कोटींच्या शेवटच्या टप्प्यात पोहोचला; बॉक्स ऑफिसचा कळस गाठायला अजून किती बाकी?

लवकरच मराठी सिनेमाचे तिसरे शतक साजरा करू. अशी पोस्ट करत प्रवीण तरडे यांनी देऊळ बंद 2 चित्रपटातून आत्तापर्यंत किती कलेक्शन झालं याविषयीची एक पोस्ट केली आहे. 

Deool Band 2

Source : ABPLIVE AI

Deool Band 2 Box Office Collection: प्रविण तरडे लिखित व दिग्दर्शित ' देऊळ बंद 2' (Deool Band 2) सध्या बॉक्स ऑफिसवर (Box Office Collection) एकामागून एक विक्रम मोडत पुढे चालला आहे.  जगभरातून या चित्रपटाला प्रचंड प्रतिसाद मिळतोय.  चित्रपट प्रदर्शित होऊन महिना उलटून गेला तरी प्रेक्षक हा चित्रपट पहायला जात आहेत. दरम्यान, प्रेक्षकांच्या दमदार प्रतिसादात हा चित्रपट 100 कोटींचा टप्पा गाठण्यासाठी आता तयार झाला आहे. सॅकनिल्कच्या आकडेवारीनुसार 33 दिवसांनंतर या चित्रपटाने जगभरातून 84.76 कोटींचा टप्पा गाठला आहे. 100 कोटींचं कलेक्शन करण्यासाठी या चित्रपटाला अवघ्या 15 कोटी रुपयांची गरज आहे. मराठीतील सर्वाधिक कमाई करणारा हा चौथा चित्रपट ठरला आहे. दरम्यान, प्रविण तरडे यांनी यासंदर्भात एक पोस्टही केलीय.

'देऊळ बंद 2'  हा चित्रपट गेल्यांकही महिन्यांपासून चर्चेत आहे. 9 ते 10 कोटी रुपयांच्या बजेटमध्ये बनवण्यात आलेल्या या चित्रपटाने भारतात आत्तापर्यंत 72.24 कोटी रुपयांची कमाई केली. 41,931 शोजमधून हा चित्रपट पाहिला गेला. 

प्रवीण तरडे यांची पोस्ट 

मित्रांनो नागराजाच्या सैराटने काढलेल्या रस्त्यावरून रितेश राजा शिवाजी घेऊन डौलात निघाला. त्याच्या मागोमाग आपला 'देऊळ बंद 2' घेऊन मी शंभरच्या शेवटच्या टप्प्यावर आलोय. खूप अवघड होतं सगळं पण स्वामींच्या आणि तुमच्या जीवावर शक्य झालं. मराठी सिनेमा मोठा होतोय. लवकरच मराठी सिनेमाचे तिसरे शतक साजरा करू. अशी पोस्ट करत प्रवीण तरडे यांनी देऊळ बंद 2 चित्रपटातून आत्तापर्यंत किती कलेक्शन झालं याविषयीची एक पोस्ट केली आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Pravin Vitthal Tarde (@pravinvitthaltarde)

त्यांनी दिलेल्या आकडेवारीनुसार, या चित्रपटाने बॉक्स ऑफिसवर फक्त 32 दिवसात 88.20 कोटी रुपये कमावले. इतर देशांमध्ये 4.20 कोटी तर तंबू शोमधून 1.10कोटी रुपयांची कमाई केली. त्यामुळे या चित्रपटाची एकूण कमाई 93.50 कोटी रुपये झाली आहे असं प्रवीण तरडे यांनी सांगितलं. 'देऊळ बंद 2 ' हिंदी चित्रपट जगभरात हाऊसफुल झाल्याचं ते म्हणाले. दरम्यान, हा 2026 मधील सर्वाधिक नफा कमावणारा मराठी चित्रपट ठरला आहे.‘देऊळ बंद 2’ हा 2015 मध्ये प्रदर्शित झालेल्या देऊळ बंद  या चित्रपटाचा सिक्वेल आहे. पहिला भागही त्या काळात मोठा हिट ठरला होता. आता त्याचा सिक्वेलही तितकाच यशस्वी ठरत असून प्रेक्षकांकडून भरभरून प्रतिसाद मिळत आहे.