Deepika Padukone Ranveer Singh Baby Girl : मुलगी झाली हो... दीपिका-रणवीर पुन्हा झाले आई-बाबा! घरात चिमुकलीचं आगमन, दुआला मिळाली लाडकी बहीण
Deepika Padukone Ranveer Singh Second Baby Girl : बॉलिवूडमधील लोकप्रिय अभिनेत्री दीपिका पादुकोण आणि अभिनेता रणवीर सिंह यांच्या आयुष्यात पुन्हा एकदा आनंदाचा क्षण आला आहे.
Deepika Padukone Ranveer Singh Second Baby Girl : बॉलिवूडमधील लोकप्रिय अभिनेत्री दीपिका पादुकोण आणि अभिनेता रणवीर सिंह यांच्या आयुष्यात पुन्हा एकदा आनंदाचा क्षण आला आहे. दीपवीर दुसऱ्यांदा आई-बाबा झाले असून दीपिकाने शनिवारी, 19 सप्टेंबर 2026 रोजी एका चिमुकल्या मुलीला जन्म दिला आहे. दीपिका आणि रणवीरने सोशल मीडिया पोस्टद्वारे ही आनंदाची बातमी चाहत्यांसोबत शेअर केली आहे. या पोस्टमध्ये बाळाच्या पावलांचा ठसा असून, कॅप्शनमध्ये “बेबी गर्लचे स्वागत आहे” असं लिहिलं आहे. दीपिकाने या पोस्टसोबत नजरबट्टूची इमोजीही वापरली आहे.
View this post on Instagram
‘दीपवीर’च्या घरात पुन्हा चिमुकलीचं आगमन
दीपिका आणि रणवीर यांना याआधी एक मुलगी असून तिचं नाव दुआ आहे. दुआच्या जन्मानंतर जवळपास दोन वर्षांनी या स्टार कपलने आपल्या दुसऱ्या बाळाचं स्वागत केलं आहे. दुसऱ्यांदा मुलगी झाल्याने पादुकोण आणि सिंह कुटुंबात आनंदाचं वातावरण आहे. ही बातमी समोर येताच चाहत्यांसह बॉलिवूडमधील अनेक सेलिब्रिटींनी दीपिका आणि रणवीरवर शुभेच्छांचा वर्षाव केला. दीपिका-रणवीरच्या पोस्टवर अनेक कलाकारांनी कमेंट करत या जोडप्याचं अभिनंदन केलं.
अभिनेत्री कृति सेननने शुभेच्छा देताना दुआला आता छोटी बहीण मिळाल्याचा आनंद व्यक्त केला. सोनम कपूरनेही या आनंदाच्या क्षणावर प्रतिक्रिया देत कपलचं अभिनंदन केलं. हुमा कुरैशी, सोनू सूद, एमी विर्क यांच्यासह अनेक बॉलिवूड सेलिब्रिटी आणि चाहत्यांनी दीपिका-रणवीरला दुसऱ्यांदा आई-बाबा झाल्याबद्दल शुभेच्छा दिल्या.
View this post on Instagram
दोन्ही मुलींच्या जन्माचं खास कनेक्शन
दीपिका आणि रणवीरच्या दोन्ही मुलींच्या जन्मामध्ये एक खास साम्य आहे. त्यांची पहिली मुलगी दुआ हिचा जन्म 8 सप्टेंबर 2024 रोजी, गणेश चतुर्थीच्या दुसऱ्या दिवशी झाला होता. आता दुसऱ्या मुलीचाही जन्म सप्टेंबर महिन्यातच झाला आहे.
डिलिव्हरीच्या एक दिवस आधी सिद्धिविनायकाचं दर्शन
विशेष म्हणजे, दीपिका पादुकोण डिलिव्हरीच्या अवघ्या एक दिवस आधी पती रणवीर सिंह आणि सासू-सासऱ्यांसोबत मुंबईतील सिद्धिविनायक मंदिरात पोहोचली होती. तिथे तिने गणपती बाप्पाचं दर्शन घेत आशीर्वाद घेतले होते. त्यानंतर दुसऱ्याच दिवशी दीपिका आणि रणवीरने आपल्या दुसऱ्या मुलीच्या जन्माची आनंदाची बातमी चाहत्यांसोबत शेअर केली.
हे ही वाचा -
महत्त्वाच्या बातम्या
