Deepali Sayyed Weight Loss: बिग बॉसच्या घरात खाण्या-पिण्याची आबाळ, त्यामुळेच सगळ्या स्पर्धकांचं वजन कमी झालं? 100 दिवस घरात राहिलेली दिपाली सय्यद म्हणाली...
Deepali Sayyed Weight Loss: दिपाली सय्यदसोबतच सीझनमध्ये असलेली स्पर्धक सोनाली राऊत हिनंही यापूर्वी अशाच प्रकारची तक्रार केली होती. मुलाखतीत बोलताना दिपाली सय्यद हिनंही तिला आलेला अनुभव सांगितला आहे.
Deepali Sayyed Weight Loss: 'बिग बॉस मराठी सीझन 6'मध्ये (Bigg Boss Marathi Season 6) झळकलेली मराठी अभिनेत्री (Marathi Actress) दिपाली सय्यद (Deepali Sayyed) संपूर्ण सीझनभर चर्चेत राहिली. दिपाली सय्यद 100 दिवस घरात राहिली. विनर बनता आलं नसलं तरीसुद्धा संपूर्ण शंभर दिवस घरात राहिल्याचा आनंद असल्याचं दिपाली सय्यद हिनं बोलताना सांगितलं. अशातच नुकत्याच दिलेल्या एका मुलाखतीत बोलताना दिपाली सय्यद हिनं 'बिग बॉस मराठी सीझन 6'च्या संपूर्ण प्रवासात तिला आलेल्या अनुभवांचा खुलासा केला आहे.
संपूर्ण सिझनमध्ये दिपाली सय्यद विविध कारणांमुळे चर्चेत राहिल्या. 'बिग बॉस'च्या घरात राहणं म्हणजे, अनेक सोयी-सुविधांमध्ये तडजोड करावी लागते, तसेच खाण्या-पिण्याबाबतही अनेक अडचणींचा सामना करावा लागतो, असं अनेक स्पर्धकांनी सांगितलं. तसेच, दिपाली सय्यदसोबतच सीझनमध्ये असलेली स्पर्धक सोनाली राऊत हिनंही यापूर्वी अशाच प्रकारची तक्रार केली होती. मुलाखतीत बोलताना दिपाली सय्यद हिनंही तिला आलेला अनुभव सांगितला आहे. 'राजश्री मराठी'ला दिलेल्या मुलाखतीत दिपाली सय्यद हिनं बिग बॉसच्या घरात आलेल्या अनुभवांबाबत सांगितलं आहे.
कमी झालेल्या वजनाबाबत बोलताना दिपाली सय्यद नेमकं काय म्हणाली?
दिपाली सय्यद तिच्या कमी झालेल्या वजनाबद्दल म्हणाली, "बारीक होण्याचं कारण जेवण वगैरे नाहीये. मी तिकडे खीर पण बनवलीये. आम्ही जे काही असेल ते खायचो. पण, इतकं डोकं वापरावं लागायचं की, त्यात सगळी उर्जा जायची... त्यामुळे आम्ही बारीक झालो आहोत. इतका त्याचा ताण असायचा. बिग बॉस माझ्या आयुष्यातील एक असा प्रवास आहे, जो मी कधीच विसारणार नाही... आता तर माझा प्रवास नव्यानं सुरू झालाय..."
दिपालीनं सांगितलं वजन कमी करण्याचं कारण, म्हणाली...
वजन कमी करण्याचं कारण सांगताना दिपाली सय्यद म्हणाली की, "माझं वजन आधी 80 किलो होतं. मागच्या दोन वर्षांमध्ये मी हळूहळू वजन कमी करत गेले, मला वाटलं की, आता मी वजन तर कमी केलं आहे पण, लोकांना दिसणार कशी? संधी तर पाहिजे ना? मग 'बिग बॉस'ची मला ऑफर आली. पहिल्या सीझनपासून मला 'बिग बॉस'ची ऑफर होती. पाचही सीझनला मी नाही म्हटलं... पण, सहाव्या सीझनवेळी मी स्वतःला आव्हान देण्याचं ठरवलं. म्हटलं करुन बघुयात... ही माझी परीक्षा आहे. माझ्या डोक्यात एवढंच होतं की, 100 दिवस मला राहायचंय आणि आता मला त्याचा आनंद आहे..."
महत्त्वाच्या इतर बातम्या :
महत्त्वाच्या बातम्या
