Deool Band 2: स्वामींची कृपा.. 'देऊळ बंद 2' सिनेमाची दमदार कमाई, शुक्रवारी कमावले 'इतके' कोटी
Deool Band Box Office Collection: 'देऊळ बंद 2' सिनेमानं शुक्रवारीही बॉक्स ऑफिसवर आपली पकड कायम ठेवली.
Deool Band 2 Cinema: मराठी सिनेसृष्टीला सुगीचे दिवस आलेत असं म्हटलं तर वावगं ठरणार नाही. 'राजा शिवाजी'(Raja Shivaji) या सिनेमानंतर 'देऊळ बंद 2' (Deool Band 2) या सिनेमानं बॉक्स ऑफिसवर (Box Office Collection) उत्तम घौडदौड केली आहे. हा सिनेमा 21 मे रोजी सिनेमागृहांमध्ये रिलीज झाला होता. अजूनही या सिनेमानं चित्रपटगृहांमध्ये आपली पकड कायम ठेवली आहे. शेतकऱ्यांच्या प्रश्नांवर आधारित या सिनेमात मोहन जोशी आणि स्नेहल तरडे यांच्या मुख्य भूमिका आहेत. तर, प्रवीण तरडे दिग्दर्शित या सिनेमानं प्रेक्षकांची मने जिंकली आहेत. या सिनेमानं 23 व्या दिवशी नेमके किती कोटींचे कलेक्शन केले? जाणून घेऊयात.
'देऊळ बंद 2' या सिनेमाच्या कमाईचा आलेख कायम चढताच राहिला आहे. कोटींच्या घरात या सिनेमानं बॉक्स ऑफिसवर कमाई केली आहे. 23व्या दिवशी या सिनेमाच्या कमाईत घट झाली असली तरी, या सिनेमानं कोटीच्या घरात कमाई केली आहे. 23 व्या दिवशी म्हणजेच चौथ्या शुक्रवारी या सिनेमानं 1.27 कोटींचे बॉक्स ऑफिस कलेक्शन केले आहे. 725 शोज पार पडले होते. 725 शोजमधून या सिनेमानं इतक्या कोटीचे कलेक्शन केले. दरम्यान, 22व्या दिवसाच्या तुलनेत या सिनेमानं 23 दिवशी दमदार कमाई केली आहे.
चौथ्या शुक्रवारी या सिनेमानं किती कोटींचे कलेक्शन केले? (Deool band Friday Box Office Collection)
सॅकनिल्कच्या अर्ली ट्रेंड रिपोर्टनुसार, 22व्या म्हणजेच चौथ्या गुरुवारी या सिनेमानं 85 लाखांचं बॉक्स ऑफिस कलेक्शन केलं. दरम्यान, काल सिनेमाच्या कमाईत वाढ झाली असल्याचं पाहायला मिळालं. या सिनेमाला असाच प्रेक्षकांकडून प्रतिसाद मिळत राहिला तर, हा सिनेमा नक्कीच 100 कोटींचा टप्पा गाठू शकतो. 'देऊळ बंद 2' या सिनेमानं आतापर्यंत अनेक रेकॉर्ड्स मोडीत काढले आहेत. मिळालेल्या माहितीनुसार, या सिनेमानं आणखी एक नवा विक्रम आपल्या नावे केला आहे. या चित्रपटानं रितेश देशमुखच्या'वेड' सिनेमाच्या बॉक्स कमाईला मागे टाकले आहे. 'वेड' सिनेमानं 61.2 कोटींचे कलेक्शन केले होते.
बॉक्स ऑफिसवर 'देऊळ बंद 2' सिनेमाचा डंका (Pravin Tardes Deool Band)
दरम्यान, आता 'देऊळ बंद 2' या सिनेमानं 60 कोटींचा टप्पा ओलांडला आहे. हा सिनेमा लवकरच 100 कोटींचा टप्पा ओलांडेल यात शंका नाही. 'देऊळ बंद 2' या सिनेमात मोहन जोशी आणि स्नेहल तरडे यांची मुख्य भूमिका आहे. हा सिनेमा मराठी सिनेसृष्टीतील सर्वाधिक कमाई करणारा चित्रपट ठरला आहे. 62 कोटींचे बॉक्स ऑफिस कमाई करत, या सिनेमानं चौथ्या स्थानावर आपली जागा तयार केली आहे.
महत्त्वाच्या इतर बातम्या:
महत्त्वाच्या बातम्या
