Deepika Padukone: दीपिकाच्या फिफा वर्ल्ड कपच्या रिल व्हिडीओला औरंगाबादच्या यशराज मुखाटेनं दिला म्युझिकल ट्विस्ट; व्हिडीओ तुफान व्हायरल!

नुकताच यशराजनं (Yashraj Mukhate) एक व्हिडीओ सोशल मीडियावर शेअर केला. या व्हिडीओमध्ये दिसत आहे की, यशराज हा दीपिका पादुकोणच्या (Deepika Padukone) फिफा वर्ल्ड कप रिल व्हिडीओला म्युझिकल ट्वीस्ट देत आहे. 

Yashraj Mukhate, Deepika Padukone

Deepika Padukone: औरंगाबादचा यशराज मुखाटे (Yashraj Mukhate) हा त्याच्या सोशल मीडियावरील पोस्टमुळे चर्चेत असतो. चित्रपटातील सिन्स, कलाकारांचे डायलॉग्स या सर्वांना यशराज म्युझिकल ट्विस्ट देतो. त्याने एडिट केलेले व्हिडीओ सोशल मीडियावर तुफान व्हायरल होत असतात. रसोडे मै कौन था, साडा कुत्ता हे यशराजनं एडिट केलेले व्हिडीओ सोशल मीडियावर प्रचंड व्हायरल झाले. या व्हिडीओला नेटकऱ्यांसोबतच सेलिब्रिटींची देखील पसंती मिळाली. नुकताच यशराजनं एक व्हिडीओ सोशल मीडियावर शेअर केला. या व्हिडीओमध्ये दिसत आहे की, अभिनेत्री दीपिका पादुकोणनं (Deepika Padukone) शेअर केलेल्या फिफा वर्ल्ड कप रिल व्हिडीओला यशराज हा म्युझिकल ट्वीस्ट देत आहे. 

यशराजनं शेअर केला व्हिडीओ

सोशल मीडियावर शेअर केलेल्या व्हिडीओमध्ये यशराज म्हणतो, 'दीपिकानं तिच्या इन्स्टाग्राम प्रोफाइलवर एक व्हिडीओ शेअर केला होता. या व्हिडीओमध्ये ती 100 बीपीएम (बीट्स प्रति मिनट)  स्पीडमध्ये बोलत आहे. मी तिच्या या व्हिडीओचं रुपांतर एका गाण्यामध्ये केलं.' त्यानंतर दीपिकाच्या डायलॉग्सचं यशराज एक गाणं तयार करतो. या गाण्यात दीपिकानं म्हणलेल्या 'मोर ब्युटीफुल' या शब्दाला यशराजनं दिलेल्या म्युझिकनं अनेकांचे लक्ष वेधले. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Yashraj Mukhate (@yashrajmukhate)

यशराजनं शेअर केलेल्या व्हिडीओवर अभिनेत्री दीपिका पादुकोणनं प्रतिक्रिया दिली. दीपिकानं तिच्या इन्स्टाग्राम अकाऊंटवर यशराजचा हा व्हिडीओ करुन That's epic असं लिहिलं. 

दीपिका ही लवकरच पठाण या चित्रपटामधून प्रेक्षकांच्या भेटीस येणार आहे. या चित्रपटातील झूमे जो पठाण आणि बेशरम रंग ही गाणी प्रदर्शित झाली आहे. दीपिकाच्या आगामी चित्रपटांची प्रेक्षक उत्सुकतेने वाट बघत आहेत. 

वाचा इतर महत्वाच्या बातम्या: