Tu Ani Me Me Ani Tu : 'तू आणि मी, मी आणि तू' सिनेमाचे पोस्टर रुपाली चाकणकरांच्या हस्ते झाले रिलीज

Tu Ani Me Me Ani Tu : 'तू आणि मी, मी आणि तू' हा सिनेमा लवकरच प्रेक्षकांच्या भेटीला येणार आहे.

Tu Ani Me Me Ani Tu

Tu Ani Me Me Ani Tu : बऱ्याच कवी-साहित्यिकांनी आपापल्या भाषांमध्ये प्रेमाच्या वेगवेगळ्या व्याख्या मांडण्याचा प्रयत्न केला आहे. पण हे प्रेम नेमकं असतं तरी कसं हे विचारलं तर ते कोणालाही ठामपणे सांगता येणं शक्य नाही. कारण प्रेम ही भावना आहे, ज्याचा प्रत्येकव्यक्तीला एक वेगळा अनुभव असतो. त्यामुळे हे सोप्प वाटणार प्रेम अजिबात नाही त्यात येणारी वादळे कधी दिशा भरकटवतील हे सांगणाऱ्या 'जैन फिल्म प्रॉडक्शन' प्रस्तुत 'तू आणि मी, मी आणि तू' (Tu Ani Me Me Ani Tu) या मराठी सिनेमाचे पोस्टर प्रेक्षकांच्या भेटीस आले आहे.

महाराष्ट्र राज्य महिला आयोगाच्या अध्यक्षा रुपालीताई चाकणकर यांच्या हस्ते या सिनेमाच्या पोस्टरचे अनावरण करण्यात आले. या सिनेमातून रुपाली चाकणकर यांचा मुलगा सोहम सिनेसृष्टीत पदार्पण करत असून सोहमच्या वाढदिवशी आई मुलाची गाथा सांगणाऱ्या या चित्रपटाच्या पोस्टरचे त्याच्या आईच्या म्हणजेच रुपाली चाकणकरांच्या हस्ते अनावरण करण्यात आले आहे.  

प्रत्येक नाण्याला जशा दोन बाजू असतात तशाच प्रेमालाही आहेत. प्रेम करणं ते टिकवणं आणि निभावणं या गोष्टी वाटतात तितक्या सोप्या नाहीत याची जाणीव या सिनेमातून अभिनेत्री शिल्पा ठाकरे आणि अभिनेता सोहम चाकणकर यांच्या फ्रेशजोडीने करून दिली. शिल्पाने आजवर बऱ्याच मराठी सिनेमात मुख्य भूमिका साकारल्या असून सोहम या सिनेमाच्या माध्यमातून सिनेइंडस्ट्रीत पाऊल टाकत आहे.

शिल्पा आणि सोहमची लव्हेबल केमिस्ट्री

सिनेमाचे पोस्टर पाहता शिल्पा आणि सोहमची लव्हेबल केमिस्ट्री कशी असेल याचा अंदाज येतो आहे. 'जैन फिल्म प्रॉडक्शन' प्रस्तुत निर्माते सागर जैन,  ऋषभ कोठारी, राजू तोडसाम निर्मित आणि दिग्दर्शक कपिल जोंधळे दिग्दर्शित 'तू आणि मी, मी आणि तू' या सिनेमाची कथा लेखक नितीन सूर्यवंशी लिखित आहे. तर सिनेमाच्या संगीताची बाजू संगीतकार प्रशांत सातोसे यांनी सांभाळली आहे. तसेच या सिनेमाचा उत्तम असा कॅनव्हास व्यंकेट कुमार यांनी त्यांच्या कॅमेऱ्यात कैद केला आहे. 

प्रेमाची आगळीवेगळी कथा घेऊन येत शिल्पा आणि सोहमची जोडी रसिक प्रेक्षकांवर राज्य करण्यास 'तू आणि मी, मी आणि तू' या सिनेमाच्या माध्यमातून सज्ज झाली आहे. सिनेमाचे पोस्टर पाहता सिनेमाबाबतची उत्सुकता आणखीच शिगेला पोहोचली आहे. असे असताना लवकरच नव्या जोमाने हा सिनेमा सिनेरसिकांच्या मनावर अधिराज्य गाजवायला येत आहे.

संबंधित बातम्या