Major Trailer Out : शहीद मेजर संदीप उन्नीकृष्णन (Major Sandeep Unnikrishnan) यांच्या आयुष्यावर आधारित 'मेजर' (Major) सिनेमा गेले अनेक दिवस चर्चेत आहे. नुकताच या सिनेमाचा ट्रेलर प्रदर्शित झाला आहे. हा सिनेमा संदीप उन्नीकृष्णन यांच्या जीवनावर आधारित आहे.
'मेजर' सिनेमाच्या ट्रेलरमध्ये संदीप उन्नीकृष्णन यांच्या बालपणीपासून ते मेजरपर्यंतच्या अनेक आठवणींना उजाळा देण्यात आला आहे. तसेच मुंबईत झालेल्या दहशतवादी हल्ल्यात मेजर संदीप उन्नीकृष्णन यांनी दहशतवाद्यांचा कसा सामना केला याची झलक 'मेजर' सिनेमाच्या ट्रेलरमध्ये दाखवण्यात आली आहे.
'मेजर' सिनेमा आधी 26 मार्चला प्रदर्शित होणार होता. पण कोरोनाच्या प्रादुर्भावामुळे सिनेमाची रिलीज डेट पुढे ढकलण्यात आली. त्यामुळे आता हा सिनेमा 3 जून रोजी प्रेक्षकांच्या भेटीला येणार आहे. अदिवी शेष या सिनेमात मुख्य भूमिकेत असून तो मेजर संदीप उन्नीकृष्णन यांची भूमिका साकारत आहे. हा सिनेमा हिंदी, तेलुगू आणि मल्याळम भाषेत प्रदर्शित होणार आहे. शशी किरण टिक्का दिग्दर्शित या सिनेमात आदिवी शेष व्यतिरिक्त सई मांजरेकर, प्रकाश राज, रेवती, मुरली शर्मा आणि शोभिता धुलीपाल हे कलाकार महत्त्वाच्या भूमिकेत दिसणार आहेत.
ट्रेलर पाहा :
संबंधित बातम्या