The Village Teaser: 'द व्हिलेज' चा अंगावर शहारे आणणारा टीझर रिलीज; कधी आणि कोणत्या प्लॅटफॉर्मवर रिलीज होणार हॉरर सीरिज? जाणून घ्या
The Village Teaser: एका नव्या हॉरर वेब सीरिजचा टीझर रिलीज झाला आहे. या टीझरनं अनेकांचे लक्ष वेधले आहे. या वेब सीरिजचं नाव 'द व्हिलेज' (The Village) असं आहे.
The Village Teaser: ओटीटीवर (OTT) रोमँटिक, कॉमेडी आणि हॉरर अशा जॉनर्सच्या वेब सीरिज रिलीज होत असतात. या वेब सीरिजला प्रेक्षकांची पसंती मिळते. अनेक लोक वीकेंडला वेब सीरिज बिंच वॉच करतात. अशातच आता एका नव्या हॉरर वेब सीरिजचा टीझर रिलीज झाला आहे. या टीझरनं अनेकांचे लक्ष वेधले आहे. या वेब सीरिजचं नाव 'द व्हिलेज' (The Village) असं आहे. 'द व्हिलेज' ही हॉरर वेब सीरिज कधी आणि कोणत्या ओटीटी प्लॅटफॉर्मवर रिलीज होणार आहे? याबाबत जाणून घेऊयात...
प्राइम व्हिडीओ या ओटीटी प्लॅटफॉर्मच्या युट्यूब चॅनलवर 'द व्हिलेज' या आगामी तमिळ हॉरर सीरिजचा टीझर शेअर केला आहे. मिलिंद राऊ यांनी ही वेब सीरिज दिग्दर्शित केली आहे. द व्हिलेज सीरिज अश्विन श्रीवतसंगम, विवेक रंगाचारी आणि शमिक दासगुप्ता यांच्या ग्राफिक हॉरर कादंबरीपासून प्रेरित आहे.
'द व्हिलेज' ची स्टार कास्ट आणि कथा
'द व्हिलेज' या वेब सीरिजची कथा एका माणसाभोवती फिरतो जो आपल्या कुटुंबाला वाचवण्यासाठी एका मोहिमेची सुरुवात करतो. या सीरिजमध्ये दिव्या पिल्लई, आझिया, आदुकलम नरेन, जॉर्ज मायन, पीएन सनी, व्ही जयप्रकाश, अर्जुन चिदंबरम आणि थलाईवासल विजय यांच्या भूमिका आहेत. तसेच या सीरिजमध्ये तमिळ अभिनेता आर्य मुख्य भूमिकेत आहे.
पाहा टीझर:
कधी आणि कोणत्या प्लॅटफॉर्मवर होणार रिलीज?
प्राइम व्हिडीओनं शेअर केलेल्या 'द व्हिलेज' या चित्रपटाच्या टीझरमध्ये हॉरर, सस्पेन्स, ड्रामा आणि थ्रिल या सर्व गोष्टींची तडका बघायला मिळत आहे. ही तमिळ वेब सीरिज प्राइम व्हिडीओ या ओटीटी प्लॅटफॉर्मवर 24 नोव्हेंबर रोजी रिलीज होणार आहे. तसेच ही सीरिज तेलुगु, मल्याळम, कन्नड आणि हिंदी या भाषांमध्ये देखील प्रेक्षकांना बघायला मिळणार आहे.
प्राइम व्हिडीओच्या इन्स्टाग्राम अकाऊंटवर 'द व्हिलेज' या सीरिजचे नुकतेच एक पोस्टर सोशल मीडियावर शेअर करण्यात आलं आहे. या पोस्टरला कॅप्शन देण्यात आलं, "द व्हिलेज' मध्ये जाण्याचे धाडस करा जिथे अंधारात रहस्ये आहेत."
View this post on Instagram
इतर महत्वाच्या बातम्या:
महत्त्वाच्या बातम्या
