The Batman : बॉक्स ऑफिसवर 'द बॅटमॅन'चा बोलबाला, दोन दिवसात केली 970 कोटींची कमाई

The Batman : 'द बॅटमॅन' सिनेमा सध्या बॉक्स ऑफिसवर धुमाकूळ घालतो आहे.

The Batman : 'द बॅटमॅन' (The Batman) सिनेमा सध्या बॉक्स ऑफिसवर धुमाकूळ घालतो आहे. दोन दिवसात या सिनेमाने जगभरात 970 कोटींची कमाई केली आहे. कोरोनाकाळात एवढी मोठी कमाई करणारा हा दुसराच सिनेमा आहे. 'द बॅटमॅन' सिनेमा 4 मार्च 2022 ला सिनेमागृहात प्रदर्शित झाला आहे. 

'द बॅटमॅन' हा हॉलिवूडचा सर्वाधिक लोकप्रिय सिनेमा आहे. मॅट रीव्स (Matt Reeves) यांनी या सिनेमाची निर्मिती केली आहे. या सिनेमाची प्रेक्षक गेले अनेक दिवस प्रतीक्षा करत होते. या सिनेमात रॉबर्ट पॅटिनसन (Robert Pattinson) अ‍ॅक्शन मोडमध्ये दिसत आहे.

'द बॅटमॅन' या सिनेमात अॅक्शनचा तडका आहे. 'द बॅटमॅन' सिनेमाला रिलीजसाठी लांबचा पल्ला गाठावा लागला. 21 जूनला हा सिनेमा प्रदर्शित होणार होता. पण कोरोनाचा प्रादुर्भाव वाढल्याने या सिनेमाची रिलीज डेट पुढे ढकलण्यात आली. 

'बॅटमॅन' सिनेमात रॉबर्ट पॅटिन्सन आणि जो क्रॅविट्झ यांच्यासह पॉल डॅनो, जेफरी राइट, जॉन टर्टुरो आणि पीटर सार्सगार्ड यांच्याही प्रमुख भूमिका आहेत.

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha