83 World Television Premiere : 'जीतेगा जीतेगा, इंडिया जीतेगा', 'या' दिवशी होणार '83' चा वर्ल्ड टेलिव्हिजन प्रीमिअर

एबीपी माझा वेब टीम Updated at: 06 Mar 2022 06:43 PM (IST)

Edited By: मंजिरी पोखरकर

83 World Television Premiere : '83' चा वर्ल्ड टेलिव्हिजन प्रीमिअर स्टार गोल्डवर होणार आहे.

83 World Television Premiere : रणवीर सिंहचा (Ranveer Singh) '83' सिनेमा प्रेक्षकांना आता घरबसल्या पाहता येणार आहे. 20 मार्चला रविवारी रात्री आठ वाजता स्टार गोल्डवर '83' सिनेमाचा वर्ल्ड टेलिव्हिजन प्रीमिअर होणार आहे.

चांगली कथा, उत्तम कलाकार असूनदेखील हा सिनेमा बॉक्स ऑफिसवर चांगली कमाई करू शकला नाही. कोरोनाचा '83' च्या कमाईवर मोठा परिणाम झाला. त्यामुळे लवकरच हा सिनेमा ओटीटीवरदेखील प्रदर्शित होणार आहे. प्रेक्षक आता हा सिनेमा छोट्या पडद्यावर पाहण्यासाठी उत्सुक आहेत.

'83' सिनेमाचे कथानक 1983 च्या क्रिकेट विश्वचषकाच्या विजयावर आधारित आहे. या सिनेमाचे दिग्दर्शन कबीर खानने केले आहे. सिनेमात रणवीर सिंहने कपिल देव यांची भूमिका साकारली आहे. तर सिनेमात दीपिका पदुकोण, पंकज त्रिपाठी, बोमन इराणी, साकिब सलीम, हार्डी संधू, ताहिर राज भसीन, जतीन सरना मुख्य भूमिकेत आहे. कपिल यांची भूमिका साकारण्यासाठी रणवीरने बरीच मेहनत घेतली आहे.

संबंधित बातम्या